مـــــــــــــــغلق للصيانه

[معلومات العضو براك السديري]

والله انـه مـا يهـز الرجـل ويحطّـم كيانـه=كود لامن جاته الزلات من رجـل (ن) يحبّـه
ان تشرّه قيل هـذا مـزح مـن بـاب الميانـه=وان سكت لجّت ضلوعه كن في صـدره منبّـه
الله الله وانـت يـا فكـري عليـك الله وامانـه=لا تنقدنـي مـا دام ان الـدوى حبّـه وحـبّـه
التوجّد لـو يفيـد اللـي توجّـد مـن زمانـه=كان شفت اوضاع راع الوجـد دايـم مستتبّـه
يا صحيبي سِجّـل التقريـر والتقريـر عانـه=اوله نـار(ن) تلظّـى واخـره بـرد وجهبّـه
من يمثل من وراي الخبـث واسلـوب الخيانـه=ليه اجامـل بالغـلا وابنيـه قبّـه فـوق قبّـه
وليه اجامل لا هرج واقول صح الله لسانـه=والصحاري قاحله .. والجحر دابه دون ضبّـه
ما ربطني بالرجـال الا وفـا مرفـوع شانـه=مثل ما يِربط (عشير الغانميـن) ب(عبدربّـه)
يا دمـوع العـز مـا للـذل فالميقـاف خانـه=لا تسيلي فوق خدي والهوا صلـف (ن) مهبّـه
دمعة الرجال مهما كانـت ظروفـه إهانـه=وانت يا دمعي حماك الله مـن هـرج المسبّـه
ما نثرك الا شمـوخ ولا حبسـك الا حصانـه=لا قعد راع الهوى ينثـر مـن دمـوع المحبّـه
حافظك لـو جـارت الايـام حفظـي للامانـه=والروابع والهقـاوي غبّـة(ن) مـن دون غبّـه
ما ورثت من (ابن ادم ) كود سيـف وجبّخانـه=ولا ورثت من (الزمن) يا كود صبر(ن) ما يشبّه
ليت باب العرف قبل العرف .. مغلق للصيانـه=كان ما حصّلت جرح(ن) يتعب الجـراح طبّـه

اخوكم بــــــــــــــــــــــــــــراك السديري

 

 

 

 

[معلومات العضو خيالية]

صح لسااانك ، يعطيك العااافيه

 

 

 

 

[معلومات العضو براك السديري]

خياليه اشكرك على مرورك الكرم

 

 

 

 

[معلومات العضو عبدالله الحافر الغييثي]

الله الله يالسديري بيض الله وجهك على هذه الرائعه وصح لسانك واعتلى شانك اخوك/خميس الدوسري

 

 

 

 

[معلومات العضو محمد بن سالم الخضراني]

براك السديري صح لسانك ومشكور على النقل

بس عندي استفسار عن القصيده .

من صاحبها لانها مرت على قبل كذا

لك التحيه

 

 

 

 

[معلومات العضو ابوبدر المصارير]

صح الله السانك اخوي براك السديري

والله يعطيك العافيه على ايراد القصيده الجزله لاهنت


تحياااااااااااااااااتي

 

 

 

 

[معلومات العضو كايدة]

الله عليك اخووووووووووي روووعه ابيوتها قووويه بس لو حبذا نعرف صاااااااحبه ومشكوووور تقبل اجمل تحيااااااااااااااااااااااااااااتي

 

 

 

 

[معلومات العضو براك السديري]

اول شي ااشكركم اخوني واخوتي على مروركم
اما بنسبه الصحبهاا والله مااعلم اعجبتني وحبيت انقلها لكم

تحياتي لكم