خيـل المعانـي مرابيـط

[معلومات العضو عبدالله الحافر الغييثي]

الشاعر / الراقي الحارثي

ياراس لاتزعجك بعض الوطاويـط=اليا نقص قـدر السواليـف غطـه
ياصاحبي خيـل المعانـي مرابيـط=مركاضها يفرج عن البـال شطـه
اغوص في غبت بحـوره ولاحيـط=لين الزم البيت المطـرف واجطـه
واللي على كل المواضيـع بيشـط=يصيـر بحلـوق الرياجيـل نطـه
ياللي تشيل الجمر بعكف الملاقيـط=خلك شجاع وسـط يمنـاك وطـه
الشعـر مابيـن التحفـظ وتفريـط=والنـاس تبـدي الحـق ولاتغطـه
الفرق واضح بيـن كـل المخابيـط=من صادله غـزال مجـاب بطـه
شاعر جزل ماهوب خيط وخرابيط=عنده على تكوينـت البيـت خطـه
ينسجلها ثوب مـن الفكـر ويخيـط=جديـد والملبـوس عنهـا يقـطـه
يخبط بنات الفكر بالعرف وتشيـط=ماكل مايسهل علـى البـال حطـه
وشاعر بحر تلقى له امواج ومحيط=يكفيك عـن عمقـه تفـرج بشطـه
والثالث مصلط على السهل تسليـط=الممتنـع السهـل بيـده يخـطـه
واللي على الطبله وصوت الزغاريط=امشـدقِ دايـم لسـانـه يلـطـه
يحوس معنا الشعر حوس المساويط=لان الغشامه فـي نحرهـا تغطـه
ياللي من همـوم الليالـي مقانيـط=ترى الفرج ياتي ولـو بعـد شطـه
واهل العلوم اللي السنتهـم مقاريـط=قلب الصحيح مـن النميمـه تبطـه
احد ليامـن راح ياروحـت مقيـط=واحـد علـى يمنـاك ودك تحطـه
اقلـط لعكفـان الشـوارب مقاليـط=في مجلـسِِ لطيـب كنـه محطـه
يسلابه الرجال مـن دون تحشيـط=كرامـتـه ماجمعـوهـا بقـطـه
ترى الحياه دروس واحداث تنشيـط=يوم الرخـا يقفـاه يوميـن زطـه
والا الردى والطيب من بينهم خيـط=من يجهلـه ياجعـل بقعـى تلطـه

 

 

 

 

[معلومات العضو فيصل الشكري]

خميس الغييثي


لاهنت على النقل الموفق والقصيده الجزله


وبارك الله فيك


تقبل تحياتي,,

 

 

 

 

[معلومات العضو عبدالله الحافر الغييثي]

لاهنت يافيصل وتسلم ياذيبان وكل الشكر على طيب المرور