الزبـده انها بنت قومً واصيــله !!

[معلومات العضو محمد بن المنخس المري]

[SIZE="4"]بسم الله الرحمن الررحيم[/SIZE

حبيت انقل لكم جديـد القصيـد :

يالهاجس الوقاد هلـت مخيلـه = مخيلـهً مـن مزنـتً مستهلـه
هات البيوت النادرات الجزيلـه = لا سمعها الشاعر يقـول الله الله
والدرب يالهاجس دروبه طويله = من طولها صاحبك ماجـاه ذلـه
تمشي وانا لك بالجزايل دليلـه = ولا الهزل ضايع ولانـي ادلـه
من شوفت الاعيان رحنا سحيله = لا شفت ابوعينً رموشه مظلـه
ابوعيـونً واسعـاتً كحيـلـه = لا شافها الناظر غدى فيه خلـه
في عينها شلف وسيوفً صقيله = تتل قلـب الـي يناظـر تتلـه
لا ناظرتها البنت ! جاتك غليلـه = من شوفها غلت وعاشت مغلـه
ياليت عندي بالوسايـل وسيلـه = واشوفها لوكـان ماغيـر طلـه
شوف الجميل الي وصوفه جميله = الي علـى كـل المزاييـن فلـه
منزله منزل فوق راس الطويلـه = بيت الشعر والبـر هـذا محلـه
استغفـر الله مانلاقـي مثيـلـه = غروً جمال الحور جاء واستحله
الزبده انها بنت قـومً واصيلـه = تعقد حبل الحـب ماهـي تحلـه
بنت ابدويً كاثـحً فـي سبيلـه = عايش بوسط البر والبـر فلـه
عبرتها من هاجسـي بالجزيلـه = والحين سامعهـا يقـول الله الله

ملاحضه : البيت الي يقول كاثحً في سبيله : السبيل نوع من انواع الدخان عند البدو ..

وسلامتكم

اخوكم : محمـد بن المنخس المري

 

 

 

 

[معلومات العضو راشد المسعري]

الزبده انها بنت قـومً واصيلـه
تعقد حبل الحـب ماهـي تحلـه

بنت ابدويً كاثـحً فـي سبيلـه
عايش بوسط البر والبـر فلـه

عبرتها من هاجسـي بالجزيلـه
والحين سامعهـا يقـول الله الله


الله الله

صح لسانك يامحمد ، قصيدة جميلة والأجمل منها اسم محمد المنخس المري
مرحبا بك وصح لسانك مرة اخرى

 

 

 

 

[معلومات العضو ابو فهد الغييثي]

صح الله السانك وعتلى شانك

ولاهنت على كل حال

تحيااااااتي

 

 

 

 

[معلومات العضو نادر الناهشي]

اخي محمدالمنخس المري


قصيده جميله

كل على ماقيل هرجه دليله

اكيد سامعها يقول الله الله

تحياتي لك







نـــــــــادرالنـــــــــاهشي

 

 

 

 

[معلومات العضو قلم رصاص]

صح الله لســانـك

قصيدة جـزلـه

 

 

 

 

[معلومات العضو العماني]

الشاعر القدير محمد المنخس المري

صح الله لسانك واعتلا شانك اخوي محمد على القصيدة العذبه والجميله من شاعر أجمل ، وعوايدك ماتجيب الا كل ماهو جزل وجميل

تقبل تحياتي،،

 

 

 

 

[معلومات العضو غازي المسعري]

صح لسانك يابو حمد ، قصيدة جميلة والأجمل منها اسم محمد المنخس المري
مرحبا بك وصح لسانك مرة اخرى

 

 

 

 

[معلومات العضو الشـيخه]

وصح الله لسانك لين ترضى



قصيدة في قمة الجزاله


نص من الغزل الفاخر الجميل والرائع


استمتعت كثيرا بالقرائه هنا


بانتظار ابداعاتك القادمة بشووق


لاهنت

وتقبل تحياتي

 

 

 

 

[معلومات العضو شموخ بدويه]

بنت ابدويً كاثـحً فـي سبيلـه
عايش بوسط البر والبـر فلـه

عبرتها من هاجسـي بالجزيلـه
والحين سامعهـا يقـول الله الله




صح لسانك

 

 

 

 

[معلومات العضو ابن الّمنع]

صح لسانك
شاعر جزل