الشاعره : غزية العنزية

[معلومات العضو سالم بن صمهود]

يحكي ان بنت عقاب العواجي العنزي وتدعى ( غزية ) فقدت أهلها ولجأت الى عمها ، وكان له أبن أحبته ، فسافر في طلب الرزق مع صاحبه يدعى( عيـــد ) فتغيبا قرابت الثلاث سنوات ثم رجع عيـــد وحده وكان بالحي رجل غريب يريد الزواج من هذي الفتاة غزية لكنه يعلم انها :سترفض طلبه لحبها لأبن عمها . وقابل عيــد وقال له لك عندي جمل ان اشعت ان ابن عم غزية قد توفي .. لعلها تتزوجني بعد ان تأيس منه فلبى طلبه وأشاع الخبر فلما سمعت بالخبر غزية أنشدت الابيات التاليه :


تعــززوا للي عشــــــــــيره تـــنوى ،،، يم الشمال وحط ( حوران ) دونه
أقفى وخـــــــلا له يتيـــــــــم يلوى ،،، واليه عمام ليتهم يرحـــــــمونه
فات الربيع وعشـــــــب الاجراد لوى ،،، واخانة الطرشان مايذكــــرونه
ياعيـد اسالك با لولي كيف سوى ؟ ،،، هو ميت وألا اهله يرتجــــونه؟


فأجابها عيـــــــد :

يابنت شوقك خابره وبش سوى ،،، بالموس قصوا لك قصــايب قرونه
أتلى الخبر به يوم قبره يسوى ،،، وخـام جديد بيــــــــــنهم يذرعونه
وعلمي برواي العرب يوم روى ،،، بايسر ( نوى ) علمي بهم يدفنونه




وقيل أنها ماتت حزناً على ابن عمها بعد سماع شعر عيــد ولما عاد أبن عمها وسمع بالخبر وبما فعل عيــد بأشاعته وماتت غزية بسببه قتل عيـــد جزاء بفعلته

 

 

 

 

[معلومات العضو نايف الخييلي]

لاهنت ياسالم على هذه القصه النادره

 

 

 

 

[معلومات العضو ولد ودعان]

بيض الله وجهك يابو فيصل على القصه الجميله

تقبل تحياتي

ولد ودعان

 

 

 

 

[معلومات العضو السيف دايـم]

لاهنت اخوي على القصه والقصيده..

 

 

 

 

[معلومات العضو ابو فهد الغييثي]

يعطيك العافيه على القصه

ولاهنت على كل حال

تحياااااااااااتي

 

 

 

 

[معلومات العضو المطنوخه]

الف عافيه على طرح القصه ولاهنت...

 

 

 

 

[معلومات العضو ابوبدر المصارير]

الله يعطيك الف عافيه على هذه القصه والابيات الجميله


قمه في غاية الروعه الله لا يهينك يا سالم بن صمهود

تحياااااااااااااااااااااااااااااااااااتي

 

 

 

 

[معلومات العضو ريتآل]

لاهنت على هالقصه سالم بن صمهود

والله يعطيك العافيه