|
|||||||
25-06-2007, 12:20 AM
|
#1 | ||||
|
لبيك لبيك ياصوت يناديني
في عام 1421 هـ اطلع الشاعر حسين الحبابي القحطاني على أحد أعداد مجله اليمامه الصادره في عام 1416هـ ووجد بها قصيده للشاعر دسمان بن مناحي السبيعي وكانت مناسبتها أن والده كان مريض على اثر جلطه افقدته القدره على النطق والحركه وظل حبيس السرير فتره طويله ، وفي إحدى الليالي نطق بإسم ابنه دسمان في نداء انهكه المرض والضعف ،،، فقال دسمان هذه الأبيات:
لبيـك لبيـك ياصـوتٍ يناديـنـي=لبيك من بـدة القاصيـن والدانـي لبيـك لبيـك مـن قلبـي ملايينـي=لبيـك لبيـك ثـم لبيـك بلسانـي ماهوب لبيـك ياصـوت المزايينـي=لبيك ياصوت ابويـه يـوم نادانـي كفي لك فراش ولحافك هدب عينـي=مادام انا حـي تامرنـي وتنهانـي يابوي مافيه شـيٍ عنـك يلهينـي=طاعتك من طاعة اللي سنّ الاحساني ان مت قبلي بكيتك ليـن توحينـي=وان مت قبلك فلا تبكي علي شانـي عندها كتب حسين قصيده يجاري بها الأبيات السابقه ولكن بعد مرور خمس سنوات من صدور العدد الذي وردت به الأبيات وكان ذلك قبل وفاة والديهما رحمهما الله رحمة واسعه وأموات المسلمين ... يقول حسين:
دسمان ويش فيك بابياتـك تبكّينـي=ما كل ماسمعت يـا دسمـان بكانـي حتي لو ابكيتنـي هرجـك يسلينـي=دسمان دسمٍ على اسمك هرجك سماني الله يسامحـك يـازبـن المخلّيـنـي=حتى لو ابكيتنـي ياطيـر حورانـي ذكّرتني واحدٍ لـي رحـت يدعينـي=يقول لـي ودّي انـك دايـم اوزانـي وان كانّي غبت يا دسمـان يومينـي=جيته وقلبه علـي القـرم شفقانـي وان غبت عنّه لكنّـك شايـفٍ فينـي=خلّه وقلبي خطيـر يصيبـه جنانـي دسمان يفدونك اللي حظّهـم شينـي=الكل منهـم يخلّـي ابـوه بالعانـي شيبانهـم بالخـلا دايـم مخلّيـنـي=ندعي لهم دايـمٍ بالمـوت عزرانـي متكبريـنٍ بـلاش وهـم مساكينـي=وان قلت غلطان قال الا انت غلطاني ومـودّع أمـه ردي الحـظ عامينـي=يقول تزعج عيالـي هـم وجيرانـي إلين ماتـت وجـاه العلـم بعدينـي=خسران ياجاحد المعـروف خسرانـي ناس على الحقد والبغضـا مربينـي=دايم تغيض الرفيق وتشتـم العانـي في ذمتـي مالهـم مذهـب ولادينـي=البعد عنهـم تـراه يجلّـي احزانـي ياعين يرزقـك سلطـان السلاطينـي=عن رفقه افلان وبن افـلان وفلانـي عليك باللي مثـل دسمـان ياعينـي=قصيده العذب يشرح سـر الانسانـي دسمان لاهنت جعل ايامـك سنينـي=حبيت اجاريك لو ماهيـب تنصانـي ياليت دسمان مـن ربعـي الادنينـي=انا اشهد ان رفقته تشرى بالاثمانـي لاشـك ذي حاجـة ماهـي بيدينـي=هو من سبيع وحن من روس قحطاني والختم ياعين كفّـي الدمـع تكفينـي=لابد وان ما وطى دسمـان ياطانـي الغيـب عنـد الله عـدّال الموازينـي=وصلّوا على سيد خلقه نسل عدنانـي وصلت المجاراه للشاعر دسمان السبيعي ولكن وصولها كان بعد وفاة والده ورد على المجاره بهذه القصيده:
ياحسين بعد البطا وش بك تجاريني=تنبش جروح الزمان اللي تحدّانـي وانا عن مجاريات الناس يا حسيني=يكفيني اللي من أسباب الدهر جاني مع قو عزمي ربع ما صار يكفينـي=والخافي أعظم من اللي للعرب باني ألاوي الوقـت ويدينـه تلاويـنـي=والاول من الثنين اقوى من الثانـي يا بِعد فرق التكافي بيـن الاثنينـي=شتان بين الزمان وبيـن الانسانـي مرحوم ياللي عليك ملبـد الطينـي=يسقي ضريحك من الهمـال ودانـي اختارك الله وكـل الخلـق فانينـي=هذا القدر والجزع نقصٍ بالايمانـي وانا عن مكابـد الفرقـى يعزّينـي=صبـرٍ جميـلٍ ودعـواتٍ بغفرانـي ياحسين يامقدم الربـع الكريمينـي=يانجل شيخٍ يعزّ الضيـف والعانـي البر ياحسين وقت العسـر واللينـي=في والدينك مثل مـا قـال لقمانـي خلّك لهم غيث ورجوع وبساتينـي=واخفض لهم من رقيق الذل جنحاني ياحسين مادامهم ياحسيـن حيّينـي=فرصه ترى العمر يافرز الوغى فاني لاتمسي إلا وهم ياحسين راضينـي=كانك تبي جنة الفـردوس مسكانـي اللي يقصّر بهم مـا فالـه بزينـي=حتى لو انه يذبـح عقـر الضانـي هذاك دينه ودين اسحـاق رابينـي=خسران دنيا ويوم الحشر خسرانـي ما تنتوصّى ومثلـك لـو يوصّينـي=شلته من المقدريه فـوق الامتانـي خابرك ياحسين من روس القحاطيني=وانا بعد مثلكم من روس سبعانـي وان كان ودّك مع الطرقة تخاوينـي=يا مرحبا بالعديم ان كـان خاوانـي إنشد وتلقى مع الطيّـب عناوينـي=مثل ابن زامل معه رقمي وعنوانـي ولاّ ما دام اليمامـه بينـك وبينـي=في كل ميدان تجمع بين الأخوانـي وسلامة الجميع ،،،
|
||||
|
|
|
|
25-06-2007, 01:01 AM
|
#2 | ||||||
|
رد: شوفو بر الوالدين والقصيّد اللي يهيّض
|
||||||
|
|
|
|
28-06-2007, 12:24 AM
|
#3 | ||||
|
رد: لبيك لبيك ياصوت يناديني
بيض الله وجهك ياراشـــــــــــــــــــــــــــــــــــــــــــــ ـــد المسعري
|
||||
|
|
|
|
29-06-2007, 03:11 PM
|
#4 | ||||||
|
رد: لبيك لبيك ياصوت يناديني
|
||||||
|
|
|
|
29-06-2007, 05:37 PM
|
#5 | ||||||
|
رد: لبيك لبيك ياصوت يناديني
ان مت قبلي بكيتك ليـن توحينـي ..وان مت قبلك فلا تبكي علي شانـي
|
||||||
|
|
|
|
30-06-2007, 01:25 AM
|
#6 | |||||
|
رد: شوفو بر الوالدين والقصيّد اللي يهيّض
اقتباس:
يامرحبا والله ومسهلا يابو زابن
اسفرت الصفحة وانورت بمرورك الكريم والله يرزقنا وإياك البر بوالدينا ولك مني أجمل الود والتقدير ،،،
|
|||||
|
|
|
|
30-06-2007, 01:35 AM
|
#7 | ||||||||
|
رد: لبيك لبيك ياصوت يناديني
الاخ العزيز راشد المسعري
|
||||||||
|
|
|
|
30-06-2007, 01:55 AM
|
#8 | ||||||
|
رد: لبيك لبيك ياصوت يناديني
الاخ العزيز الغالي/ راشد المسعري
|
||||||
|
|
|
|
09-07-2007, 09:53 PM
|
#9 | ||||
|
رد: لبيك لبيك ياصوت يناديني
مـــا أجمل بر الوالدين
يابوي مافيه شـيٍ عنـك يلهينـي=طاعتك من طاعة اللي سنّ الاحساني ان مت قبلي بكيتك ليـن توحينـي=وان مت قبلك فلا تبكي علي شانـي جعل يمناك مايجيها العطب يا(( بو محسن )) على هـــذا النقل المميز وصـــح اللسان دسمان السبيعي وحســين القحطاني على الابيات المعبرة على فقد اغلى أنســان يمكن ان تفكر به ( الاب ) حقاً هي معبره محبك ومغليك ابو زيد الغييثي
|
||||
|
|
|
|
09-07-2007, 09:56 PM
|
#10 | ||||||
|
رد: لبيك لبيك ياصوت يناديني
الاخ العزيز راشد المسعري
|
||||||
|
|
|
|
01-09-2008, 01:41 AM
|
#11 | |||||
|
رد: لبيك لبيك ياصوت يناديني
|
|||||
|
|
|
|
01-09-2008, 02:17 AM
|
#12 | ||||
|
رد: لبيك لبيك ياصوت يناديني
صح السان الشاعرين على المجاره
|
||||
|
|
|
|
01-09-2008, 02:38 AM
|
#13 | |||||||
|
رد: لبيك لبيك ياصوت يناديني
|
|||||||
|
|
|
|
02-09-2008, 03:37 AM
|
#14 | ||||
|
رد: لبيك لبيك ياصوت يناديني
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 07:13 AM
