لدي مشكلة من ازعاج اطفال الحاره واريد مشورتكم

[معلومات العضو عاشق السراب]

السلام عليكم ،،

الاجازه جايه وهي اطول اجازه للطلاب ومعلوم ان الاجازه فيها للاطفال من اللعب والفراغ الشئ الكثير حتى تمتد ساعات لعبهم ولهوم حتى الساعة الثامنه صباحا وبعد ذلك يأتي شهر رمضان ومعلوم ان نوم الاطفال خلاله يكون بعد طلوع الشمس ( تقول كانها استلامات)

منزلي يقع في مكان استراتيجي في الحاره على شارعين وهو مجمع لكل اطفال الحاره يوميا . في العصر وخلال وقت االراحه والاستجمام يجتمع ما يقارب 10 اطفال مابين كبير وصغير في احدى الجهات لانها تتميز بالظلال من بعد العصر وهات يا لعب كوره وضرب درايش وجدران.
في المساء من بعد صلاة المغرب ياتون من الجهة الاخرى لان انارتها قوية وضرب الكوره بالجدران والابواب والله يعينك لو ما طلعت الكوره لهم اذا طاحت بالسور . لانهم راح يطمرون في السور ويجيبونها وفي حالات الضروره ممكن يطفون الكهرباء عليك. . هذا خلاف ان عتب باب البيت الرئيسي اصبح متجمع لهم خلال واقات الراحه يعني كل ما طلعت للصلاة او استقبلت ضيف تهشهم عن الباب هش علماً بأنه لا يوجد اطفال لي معهم او اقارب بل جميعم ابناء عمومه وفيهم الاسمر وفيهم اليمني .
تكلمنا كثيرا مع ابوانهم ونصحناهم في المجالس والمساجد وحاولنا بشتى الطرق تهدئة الامر لان الراحة اصبحت معدومة بالبيت . وكل مره يقولون ياولد لا تعلب عند بيت جاركم روحوا العبوا بعيد. مره يقولون هذولا اطفال وش نسوي لهم. ومره يمرون عليهم وهم يلعبون امام البيت والباب هو المرمى ولا يقولون لهم شئ
علما بان هؤلاء الاطفال لا يقدرون على لعب الكوره او الجلوس عند باب اي من سكان الحاره . انا فقط المتبلى وحسبي الله ونعم الوكيل.
يعني عندما تجي من العمل الساعة اربع عصر تبغى تنام بعد ارهاق يوم كامل لا تستطيع النوم .وفي الاجازه تضطر لمصارعه النوم بشتى الطرق خصوصا اذا كان وراءك عمل.وقد تذهب للنوم وانت مواصل.

رايكم ومشورتكم هل لديكم من حلول بارك الله فيكم.

 

 

 

 

[معلومات العضو ابو فهد الغييثي]

مالك الا حل واحد
بس راح تخسر شوي من الراتب
بس مراح تحصل ازعاج الوراعين ثاني مره
مالك الا تشتريلهم بليستيشن 3

 

 

 

 

[معلومات العضو عاشق السراب]

المشاركة الأصلية كتبت بواسطة ابو فهد الغييثي

مالك الا حل واحد
بس راح تخسر شوي من الراتب
بس مراح تحصل ازعاج الوراعين ثاني مره
مالك الا تشتريلهم بليستيشن 3

مشكور على تجاوبك وحل جيد ولكن اهم شئ ما تكون البلاي ستيشن فيها كوره لانها اذا خربت راح يجربون في بيتي اخر صرعات البلاي ستيشن

 

 

 

 

[معلومات العضو فهد بن مبارك الودعاني]

و عليكم السلام هلا أخوي عاشق السراب والله يأخوكـ مابه حل الأ أن تجمع أغراضكـ و تدورلكـ بيت غير بيتكـ اللي أنت فيه. الله يعينكـ بس على غثاهم. تقبل مروري و تعليقي. لـك كـل الأحـتـرام و الـتـقـديـر.

 

 

 

 

[معلومات العضو كليوباترا]

والله ياعاشق عندي حل بس فيه نذاله شوي

اذكر جارنا كان منزعج من لعب الورعان كورة بالبراحه اللي قبال بيته

وش سوى..؟؟

أستأجر شيول وخلاه يحط كتل رمل متفرقه بحيث الارض صارت غير مستويه وماتصلح

للعب الكورة ..ووالله من عقبها إرتحنا وأولهم بيتنا لأننا ضربنا الرقم القياسي في تجديد

النوافذ.

 

 

 

 

[معلومات العضو مبارك الخييلي]

مالك ألا تجطلهم آخر الشارع حديقة صغيره وتحط فيها الألعاب


وتحط معها كمبيوترات وبليستيشن 2 مو 3 يعني أرخص
ههههههه



لكن أقولك اتبع الراي الأول تراه كويس


تقبل شكري والتقدير

 

 

 

 

[معلومات العضو المستشار]

اخي ولا عليك أمر ممكن تصور لنا الشارع

من عدة جهات وتكون الصور واضحه

وإن حصل تصورهم وهم يلعبون يكون افضل

وإن شاء الله راح أجد لك حل

 

 

 

 

[معلومات العضو الزين]

اللـــــــــــــــــــــــه يعينك ......اسأل مجرب>>>>ذكرتنا بالمأساة !!!!!

حل الاخت كلوبترا >>>>>> طيب


عندي اقتراح مطبق كثيررررررررر

اذا كانت هالمساحه لاصقه بالبيت وما يفصلها الشارع انك تسور هاالمساحه وتزرع فيها

نخل او ثيل او غيره وتكون ملكك بوضع اليد وما تترك مسافه الا للعبور .......(( وبيكون

عندك بيت + حديقـــــــــــــه ))


او حــــــــــــــل ثاني لكن يحتاج مجهود !!!!!! انك تجلس برهـ البيت وبيدك

عصــــــا وكل ما مر بجنبك بزر تضربه سواء من اللي يلعبون او مار بطريقه وبكذا

بيخافون وما راح يقربون من بيتك

حل ثالث ...اذا كان لك قريب بالشرطـــــــه خله يجي بالدوريه وقت لعبهم

ويخوفهم ويركب كم واحد بالدوريه ويهددهم ان شافه هنا مره ثانيه يــــــــــــــا ويلهم

لانهم مزعجين الجيران

افكار خطيررررررررررررررهـ

الصراحـــــــــــه


ما لك الا انك تدعي ربك يهديهم ويصلحهـــــــــم .....

 

 

 

 

[معلومات العضو king]

هلااا بعاشق السراب<<<< الظاهر حل مشكلتك سراب ههههههه
الحل سهل وماازيد على حل الاخوان
أأأكيد بما إن الدوله مهتمه بالشعب وبالشباب كثير جداً
ومسويه ملااعب عشبيه ونوادي صيفيه كثيره تشمل كل شي
واهتمام فوق الوصف وبالذات دول الخليج اغنى الدول ومرافقهم يوووووه
شي شي مكتمله ماعندهم مشكله
فيمكن البزارين ذولاا مايدلون النوادي يعني يبي لك تبلغهم مقر النوادي والملاعب
وبيروحون لها
نسيت البطاله عندنا معدوومه والشباب الكبار ماشاء الله مايلقون وقت للعب
شغل بشغل

عسى لقيت لك حل
والله يعينك واذا كان انت الوحيد اللي مزعجينه فتاكدنا انك محترم وطيب
وتقّدر الجار وهذا ماراح تندم عليه لانه نادر

 

 

 

 

[معلومات العضو مناير]

اخوي عاشق السراب الحل هو:

بعد فيه نذالة بس اربه ينفع لجات حزة المغرب صك الليتات وشغل اصوات مرعبة والبس قناع مرعب وطل عليهم والله ان يتحلمون بشارعك ولا عاد يمرون لو مجرد مرور اما يصحون والا يستجنون هههههههههههههههههههه بس حلوة احركة خاطري اسويها انصحك ترا نتايجها طيبة..........