الأســـمـــــر الجــــذاب !!!

[معلومات العضو عبدالرحمن بن عويس]

[[ الأســمـــر الـجـــذاب ]] !!



خذني غلا يـا أصـدق غـلا بالوقـت الأول والأخيـر
أبغـاك تـدرس حالتـي أول وأنــا أدرس حالـتـك

حنا نفس واحد .. وروح .. وقلب .. وعيون .. وضمير
عدالتـي ظلمـك .. وظلـمـي منتـهـى عدالـتـك

يـا بـدري الطلّـة ويـا طلّتـك يـا البـدر المنيـر
تـرى خسـوف القمـر .. بشـارة وصـول إطلالتـك

وإطلالتك عنـدي أنـا .. تعنـي لـي الشـي الكثيـر
لا صارت .. عيوني على خـدّك سحـآب .. وسالتـك

أوقف .. وأسميك الملك .. وشوي أسمّيـك .. الأميـر
أخـاف مـن سطـوة سمـوّك ... وأحتـرم جلالتـك

حبـك كبيـر ... وبالمقابـل .. قـدرك بقلبـي كبيـر
إحساسـي ب محبتـك ... وإحساسـي .. ب زمالتـك

لا يضيق لك خاطر .. فديتك .. لو يصير اللـي يصيـر
إن كان ما شالتك الأرض .. رمـوش عينـي شالتـك

يا أترف مشاعر بالبشر ... يا أرق من لمس الحريـر
ساعة زمن ... ممشاك من غرفتك .. حتـي صالتـك

دلعك يثقل خطوتـك .. وأحيـان .. يمنعـك المسيـر
وأحيـان أشـك إن الدلـع ... سلالتـه .. سلالـتـك

يومك تعض .. شفيفتك .. وإصبعك ل عيوني .. يشيـر
وتقـول هـذي مالتـي ؟؟ ... وأقـول طبعـا مالتـك

تقولها.. وأعيش نشوتهـا .. وأحـس المـوت أخيـر
لا شفت موتي بيـن عقـرب صـدرك .. وسلسالتـك

تدري ؟؟؟ لا شفت بيالتك .. بأطراف ثغرك .. تستديـر
أضرب على صدري .. وأقول الحـظ .. حـظ بيالتـك

مدام أبوك النـاي .. وأمـك ضحكـة الطفـل الغريـر
وتصيـر عمّتـك الشطانـة .. والشقـاوة خآلتـك ؟؟

لازم عليك آغير من نفسـك .. وحتـي منـك آغيـر
ياللي سمـارك .. جامـعِِ .. سكـر وملـح أصالتـك

ما طالتـك .. يالأسمـر الجـذآب .. يالملـح المثيـر
عشـان لـو تطاولـك كـل البشـر ... مـا طالتـك

فتنتنـي .. بعيونـك الخـدرات .. والـزول القصـيـر
وحببتنـي فـي طيشـك ... وحببتنـي .. جهالـتـك

ماعاد لي .. سلطة على حالي .. وأنـا بيديـك أسيـر
ولا عـاد لـي حيـلِِ يساعدنـي .. علـى حيالـتـك

يا علّني فدوتك من راسك .. إلـى إصبعـك الصغيـر
يـا كبـر بختـي .. يـوم ناولتـك يـدي ..ونآلتـك

يا أصدق غلا .. وأعذب غلا .. بالوقت الأول .. والاخير
هـذي خلاصـة حالتـي .. عطنـي خلاصـة حالتـك




وأتمنى أن تنال أعجابكم !!

 

 

 

 

[معلومات العضو عبدالرحمن بن دعس]

صح السان مطلق النومسي ولاهنت على هذي القصيدة الجميلة


تقبل مروري اخوك عبد الرحمن بن دعس