|
|||||||
27-08-2007, 11:40 AM
|
#1 | ||||
|
مدري ( تفووو ) هي مدح ولاّ شتيمـة ؟؟ ...,,
البارحة جاني مـن الحـب مرسـال
من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة
|
||||
|
|
|
|
27-08-2007, 11:50 AM
|
#2 | ||||||
|
رد: مدري ( تفووو ) هي مدح ولاّ شتيمـة ؟؟ ...,,
سباعي مغترب ... الله يحييك ... ويجيبك بالسلامه سالم غانم ... الحقيقه قصيده اكثر من رائعة ... مليئة بالمعاني ... اشكرك جداً على هذه المشاركة ... لكن اعتقد ان لو تنقلها لمكان الشعر والقصائد قد يكون افضل ..
|
||||||
|
|
|
|
27-08-2007, 11:59 AM
|
#3 | ||||||
|
رد: مدري ( تفووو ) هي مدح ولاّ شتيمـة ؟؟ ...,,
صح السانك ياسباعي قصيده جميلة... والله يرجعك سالم غانم.
|
||||||
|
|
|
|
27-08-2007, 12:22 PM
|
#4 | ||||
|
رد: مدري ( تفووو ) هي مدح ولاّ شتيمـة ؟؟ ...,,
صح لسانك على القصيدة الاكثر من رائعة وتسلم..............
|
||||
|
|
|
|
27-08-2007, 02:51 PM
|
#5 | ||||||
|
رد: مدري ( تفووو ) هي مدح ولاّ شتيمـة ؟؟ ...,,
صــــــــح لسااااااانك...لاهنت
|
||||||
|
|
|
|
27-08-2007, 02:52 PM
|
#6 | ||||||||
|
رد: مدري ( تفووو ) هي مدح ولاّ شتيمـة ؟؟ ...,,
صح الله لسانك على الجزل وعساك على القوة دايم
|
||||||||
|
|
|
|
27-08-2007, 05:19 PM
|
#7 | ||||||
|
رد: مدري ( تفووو ) هي مدح ولاّ شتيمـة ؟؟ ...,,
سباعي مغترب >>>>>>>>تسلم يمينك علي هالقصيده والبنت لا اقفى عرضها بيد الأنـذال والله مـا يبقـى لهـا أي قيـمـة و  لسان الشاعـــــــــــــــــــــــــرالزين
|
||||||
|
|
|
|
28-08-2007, 07:10 AM
|
#8 | ||||
|
رد: مدري ( تفووو ) هي مدح ولاّ شتيمـة ؟؟ ...,,
أشكر لكم مروركم
|
||||
|
|
|
|
28-08-2007, 01:31 PM
|
#9 | ||||
|
رد: مدري ( تفووو ) هي مدح ولاّ شتيمـة ؟؟ ...,,
يعطيك العافية يا" سباعي مغترب " على نقل هذه القصيدة الرائعة وإن شاء الله ماتعرف الغربة وانت
|
||||
|
|
|
|
28-08-2007, 01:39 PM
|
#10 | |||||
|
رد: مدري ( تفووو ) هي مدح ولاّ شتيمـة ؟؟ ...,,
اقتباس:
والبنت لا اقفى عرضها بيد الأنـذال =والله مـا يبقـى لهـا أي قيـمـة
هنا بيت القصيدة
سلمت يمينك يابن العم على نقل هذا الرائعة ، وصح لسان شاعرها ( وياليت تبين لنا اسمه ) سلمت وتقبل صافي الود ،،،
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| جوانب أخرى للامير/ سعود الفيصل وزير الخارجيه | عقاب بن هذال ال بريك | :: قسم المـواضيع الـعامــة :: | 8 | 11-10-2010 11:50 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:58 PM
