|
|||||||
14-05-2006, 04:00 PM
|
#1 | ||||
|
قصيدة في قمة الجزالة، (يهمني رأيكم فيها)
فهيد هاك العلم واحفظه ذا السـاع=وارم القلم مـا هيـب لحيـة كتابـه احفظ بيوتٍ جات من قلـب منـلاع=لوعـة كسيـرٍ حاوطتـه الذيـابـه في صحصحٍ ما فيه حامي و فـزّاع=لا احتال فالممشا و عاقـه صوابـه ودارت به الدنيا وضيّق بـه القـاع=وايضاً طرا لـه شـي زوّد عذابـه طفلٍ خذا في الطول شبريـن وذراع=وتعثّـره فالمشـي طـارف ثيـابـه فز و تعزوا لكن السـاق مـا طـاع=مـا عيّـن الاّ الذيـب كشّـر بنابـه يابوك لاع القلب من وقتـه اوجـاع=اوجاع من وقتـه و سـرع اقتلابـه يومٍ على يمّه و يـومٍ علـى ضيـاع=ما عاد يعرف للخطـا مـن صوابـه قلّت به الشيمه من خداع فـاخـداع=كـلٍّ غـدا همّـه يـزود اكتسـابـه رجلٍ طمع به لـو تناصحـه طمّـاع=عند الهلـل والقـرش يرهـن ثيابـه لا من عطا لك مد طالبك في صـاع=بينه و بين المـال سـرق و نهابـه رشوة ربا حيله حرامـي و قطّـاع=اقصى همومه كيـف يكثـر حسابـه و ألعن من اللي راح مدمن و بيّـاع=دمّر عصب الامـه و دمّـر شبابـه يا الله يا من ترشد العبـد لا ضـاع=انّـك تـدّلـه او تعـجّـل ذهـابـه نرتاح منّه دام مـا هـوب منصـاع=ويجزاه رب الكـون باطـن ترابـه وصنفٍ شبه رجال مشيـه تمريـاع=بالله يا اهـل الـراي وش ينبغابـه؟ خسارتٍ فالحمـل وولاد و رضـاع=الله يعظّـم اجـر مـن كـان جابـه وصنفٍ سمرمد قاصر عزوم وذراع=يبشر بشين الكسب من هو غزا بـه إخمام لا طاعه و لا هوب مطـواع=سيّـان فوجـوده و ساعـة غيـابـه وصنفٍ ردي اخلاق وآداب و اطباع=فالنـاس لا يحشـم و لا لـه مهابـه كريم فـي شـرّه و للخيـر منّـاع=خطرٍ مـن الخسّـه يسمّـم شرابـه وصنفٍ منافق وجهه الوان و انـواع=يخدعك فـي نـوّه و لامـع سرابـه لا جاك في وجهك ضحوكٍ و خضاع=ولا رحت منّه قـام يشحـذ حرابـه حاسد و نمّـاكٍ و كـاذب و خـداع=أسأل عليـم السـر يهتـك حجابـه لو هو بعيدٍ بان في كـل الاوضـاع=شكله دمـار و فـي فـواده خرابـه حتّيش لو يذكـر و طاريـه ينشـاع=ما يدري ان العمـر تبـرك ركابـه مركبه لا ابحر يدفعه موج و شـراع=وان صلفقت الامواج حـان انقلابـه يا ما حـلا فالليـل يابـوك ذعـذاع=نودٍ تـداوي القلـب ممـا لجـا بـه في خايعٍ من جاه شـرّاي مـا بـاع=يسج عن جـرح الزمـن و إلتهابـه يا سين من هـم عارفيـنٍ للاسنـاع=حامين للمعـروف حضـرة جنابـه ذولاك قلّـه نورهـم لـه تشعشـاع=مثل البدر لا بـان عقـب السحابـه ويا وجد قلبٍ من عنا الوقت منـلاع=وجد الكسيـر اللـي حدتـه الذيابـه وسلامتكم ،،، وتقبلوا خالص تحيات أخوكم ومحبكم في الله/ صالح الجعيدي
|
||||
|
|
|
|
15-05-2006, 04:21 PM
|
#3 | ||||||
|
رد: قصيدة في قمة الجزالة، (يهمني رأيكم فيها)
|
||||||
|
|
|
|
19-05-2006, 09:02 AM
|
#4 | ||||||||
|
رد: قصيدة في قمة الجزالة، (يهمني رأيكم فيها)
وعليكم السلام عليكم ورحمة الله وبركاته
العزيز الغالي " صالح الجعيدي" يامرحبا والله ومسهلا ياابن العم تطلب رأينا فيها والله القصيدة أقل مايقال عنها قمة وتتحدث وتفرض نفسها وأنت وجهك أبيض إختياراتك موفقه للغايه جعلك تحيى وأنت دايم سباق للمواضيع والقصائد الجزله والله يصح السانك ولسان العاصمي على القصيده الجزله وتقبل تقديري واحترامي وإعتزازي في مقامك العالي
|
||||||||
|
|
|
|
19-05-2006, 10:29 AM
|
#5 | ||||
|
رد: قصيدة في قمة الجزالة، (يهمني رأيكم فيها)
القصيده قمتآ في الجزاله روعتآ في ألأسلوب صح لسان قائلها ويسلم لنا ناقلها وله مناجزيل الشكر والتقدير
|
||||
|
|
|
|
19-05-2006, 04:44 PM
|
#6 | ||||
|
رد: قصيدة في قمة الجزالة، (يهمني رأيكم فيها)
وعليكم السلام عليكم ورحمة الله وبركاته
|
||||
|
|
|
|
21-05-2006, 10:05 AM
|
#7 | |||||
|
رد: قصيدة في قمة الجزالة، (يهمني رأيكم فيها)
اقتباس:
تبقى يا أبو مرحبا ،،، ما عليك زود يالقرم.
جعل وجهيك ما يشين ،، وعسى حياتك سعيدة. صح بدنك. و الله يرفع مقامك يا أبو راشد. تقبل خالص تحيات أخوك/صالح الجعيدي
|
|||||
|
|
|
|
21-05-2006, 10:15 AM
|
#8 | |||||
|
رد: قصيدة في قمة الجزالة، (يهمني رأيكم فيها)
اقتباس:
تبقى يا أبو مرحبا ،،، جعل وجهك ما يشين و لا تفقد غالي،، وعسى حياتك سعيدة.
صح بدنك. و الله يرفع مقامك يا أبو محمد. وعسى ممشاك للعز يالقرم. تقبل خالص تحيات أخوك/صالح الجعيدي
|
|||||
|
|
|
|
21-05-2006, 10:19 AM
|
#9 | |||||
|
رد: قصيدة في قمة الجزالة، (يهمني رأيكم فيها)
اقتباس:
صح بدنك ،، وعساك سالم يالسنافي. مرورك شرف.
تقبل خالص تحيات أخوك ومحبك في الله/صالح الجعيدي
|
|||||
|
|
|
|
21-05-2006, 10:23 AM
|
#10 | |||||
|
رد: قصيدة في قمة الجزالة، (يهمني رأيكم فيها)
اقتباس:
مرحبا بأخوي/ الصقر الحر ،،
جعل وجهك ما يشين ،،، و لا تهون يالسنافي. مرورك شرف. تقبل خالص تحيات أخوك ومحبك في الله/ صالح الجعيدي
|
|||||
|
|
|
|
24-05-2006, 11:20 AM
|
#11 | |||||||
|
رد: قصيدة في قمة الجزالة، (يهمني رأيكم فيها)
اقتباس:
مشكور اخوي والله يعطيك العافية
|
|||||||
|
|
|
|
24-05-2006, 06:05 PM
|
#12 | ||||
|
رد: قصيدة في قمة الجزالة، (يهمني رأيكم فيها)
تسلم يمينك أخوي صالح
|
||||
|
|
|
|
04-06-2006, 04:00 PM
|
#13 | ||||
|
رد: قصيدة في قمة الجزالة، (يهمني رأيكم فيها)
|
||||
|
|
|
|
04-06-2006, 05:48 PM
|
#14 | |||||
|
رد: قصيدة في قمة الجزالة، (يهمني رأيكم فيها)
اقتباس:
اخوي صالح الطيب مايجي منه الا كل طيب واخيتار رائع كما عودتنا دائما على جلب الجزال تقبل تحياتي،،
|
|||||
|
|
|
|
14-06-2006, 07:42 AM
|
#15 | |||||
|
رد: قصيدة في قمة الجزالة، (يهمني رأيكم فيها)
اقتباس:
رئيسنا الغالي/ هايف العماني ،،، ما عليك زود يالنشمي.
الطيّب وجودك ومرورك الكريم يالقرم. لا هنت على ردك الطيب. وتقبل خالص تحيات أخوك ومحبك في الله/ صالح آل جـعـيد
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً. | الإداره | :: قسم اللقــاءات والفعاليات والتغطيات الخاصة:: | 24 | 13-03-2011 02:39 AM |
| فضل العشر الأواخر وليلة القدر | صادق الود | :: الخيمة الـرمضـانـية 1431هـ :: | 10 | 08-09-2010 10:33 AM |
| تلمس ليلة القدر | ابوعبدالكريم | :: الخيمة الـرمضـانـية 1431هـ :: | 5 | 30-08-2010 06:59 AM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:53 AM
