::: مـنتدى قبيلـة الـدواسـر الـرسمي ::: - عرض مشاركة واحدة - الشاعر سلطان بن وسام
عرض مشاركة واحدة
قديم 10-12-2017, 10:53 PM   #1
 
إحصائية العضو








ساقان الدواسر غير متصل

ساقان الدواسر is on a distinguished road


افتراضي الشاعر سلطان بن وسام

لصبـر زيـن وللغنـايـم مفاتـيـح وأكحل عيـونٍ بالحسـد تلتفـت بـي !



يالله يـاربـي علـيـك التسـامـيـح
....................................لولاك عرجات السنين إعرجـت بـي
منك أستمـد العـون رهبـه وتسبيـح
......................................والعفو كان إجروح وقتي سطـت بـي
الحـظ كـورة والنـوادي ضحاضيـح
.....................................سددتها في العارضـه وإحـدرت بـي
شوطين إضافيـه وركـلات ترجيـح
....................................وآخـر نهايـة مابعـد سجلـت بــي
أقـول لحظـه للجماهيـر وإتصـيـح
....................................خسرتها كاس الفـرح وأخسـرت بـي
لو طاحت إنفوس الرجاجيـل ماطيـح
......................................علّيـت نفسـي للعـلا وإعتلـت بـي
صّم الجبال إللـي حجرهـا صلافيـح
.....................................لو جيت أهـز حيودهـا مـادرت بـي
لكـن لـي مبـدأ معـزه وتصفـيـح
......................................أبـوي سمانـي بهـا وإستمـت بـي
أقـدر ظـروف الوجـيـه المفالـيـح
.......................................وأبقا على هقواتهـا إللـي هقـت بـي
وأذخر فواعيـس الرجـال الطحاطيـح
.....................................إللـي ليامـن جيتهـا رحبـت بــي
و قولة هلا وأقلط علـى هبـة الريـح
.....................................ثروة غنى فيها أغتنـي وأغتنـت بـي
ماهـو كـلام ملاعبيـن المسابـيـح
....................................إللـي نمـوذج كتبهـم غيـر كتـبـي
ملقحيـن منـمّـق الـهـرج تلقـيـح
....................................ياما حكت عنـدي ويامـا حكـت بـي
تصـوم وتصلـي قـيـام وتـراويـح
.....................................لكنّهـا فـي الشـذب ماقصـرت بـي
عيـال رعيـان الحـلال السـواريـح
......................................لو حصلّت ضحك(ن) علّي إضحكت بي
ولولا العصا كـان الكـلاب النوابيـح
.....................................عن مشرب العد العذي صـدرت بـي
والصبـر زيـن وللغنـايـم مفاتـيـح
.......................................وأكحل عيـونٍ بالحسـد تلتفـت بـي

 

 

 

 

 

 

التوقيع

ناصر بن عبدالرحمن آل ساقان بن خلف آل مانع آل عمارالدوسري

    

رد مع اقتباس