::: مـنتدى قبيلـة الـدواسـر الـرسمي ::: - عرض مشاركة واحدة - ارجي عطايا خالقي ما اطالع يدين البخيل
عرض مشاركة واحدة
قديم 06-07-2017, 12:32 AM   #16
 
إحصائية العضو







بن الجراح غير متصل

بن الجراح will become famous soon enoughبن الجراح will become famous soon enough


:r-r-5: زعيم ونجوم الليالي جنودك

زعيم ونجوم الليالي جنودك
------------------------------------
ارسلت انا لك ياهــوى البـال مرسال = لكـن حسـافـه مـا لـفـتـني ردودك
اشغـلتني يا صـاح حـيث الجـفا طــال = وشـحّت ينابيع الـوفـا مـع ورودك
ولعـتني وابطــيت يا سمح الاقبال = يـاللـي وجودي مرتبط فـي وجودك
تـدري غـيابـك يتلـف الـروح والحال = واطيـب واحيـا مــن مـوارد اعــدودك
مـا غير زولك داخل الفـكر يجتـال = ولــو أبعـدت عٰني مشاحي حـدودك
حبـك وشــم قـلبـي ولا عــاد ينشـال = للمـوت وحروف المشٰاعـر اشـهودك
واليــوم انـا ترجمـت قـولي للافعـال = واسرجت خيلي وانـت نفّـذ وعــودك
جيتك على وضح النقٰا. عـز. واجـلال = والشــك حـذرا هــاجســه لا يـقـودك
عيني تشـوفك في دجــا ليـلي. هـلآل = زعيــم وانجــوم اللـيٰـالي جنـودك
ماشوف غيرك زول من بيـن الازال = بس انـت لا تنقـض وثـايـق عهـودك
ويفـداك من يـذخـر جهـوده. والامـوال = واصبـر وربـي مـن نعـيمـه يــزودك

محمد بن سـوعان الربيّع
في 10 شــوال 1438 هـــ
الموافق 2017/7/4 مــ

 

 

 

 

 

 

التوقيع


الصبر طيب لكن الصمت مكروه ,,,, والحق كلــمه ياجــب إنـــا نقـوله

والكذب خيبه والمناعير ادانـوه ,,,, وعيبً على اللي بالحياة انتموله

والصدق منجى والاجاويد سموه ,,, نــورً ... ينــور للخــلايق إليــوله

    

رد مع اقتباس