::: مـنتدى قبيلـة الـدواسـر الـرسمي ::: - عرض مشاركة واحدة - الراس عالي والكرامه مصانه
عرض مشاركة واحدة
قديم 19-12-2019, 01:39 AM   #1
 
إحصائية العضو







بن الجراح غير متصل

بن الجراح will become famous soon enoughبن الجراح will become famous soon enough


:e-e-5-: الراس عالي والكرامه مصانه

الراس عالي والكرامه مُصانه
....................................

الله يمسي راعـي الطيـب بالخير == يالله اتحــيـي حـافـظـيـن الامـانه

انشد عن الطيب ولا همني غـير == اشـفـق عـلى شـوفه وادوٌر مكانه

ابـذله المجهـود حشمه وتقـدير == ويـكـبـر بعيـنـي كــل يـــومً كـيـانـه

وافــرح بقـربـه وآتمناه وآغيـر == لاجـات لـه ســيـره وجـابـو بيـانـه

ماانشد عـن اللي كل يومً ابتغيير == مثـل الهبـايـب مـاعـلـيـهـا ظـمانـه

بيـن النفاق وبيـن كـذبً وتـزوير == متـذبــذبً مابـيـن غــدر وخـيــانـه

حسب المصالح مركبه واصل السير == باع الكرامه وارتضى بالاهـانه

بانت اعلومه وانكشف برقع الطير == اطلق سـبوقـه وانكشف سر شانـه

وابـن الحموله والرجال المناعير == مايـهـيــن نـفسـه لـو يظـيمـه زمانـه

مــا ينحني الا لـــرب المقـاديــر == الـراس عــالي والـكـرامه مـصـانـه

القصد واضـح ما يبـيـله تفاسـير == ومـن لافــهـم معــناي خيـره دفـانـه

الـموت أنســب للـوجـيه المحاقـير == اهـل العلــوم الهـابــطـه والعـفـانه

ومن لاتهـمه سـمعـته موتـه اخيـر == حـقـيــر تـافــه والمـــزايـا مُــدانه

ابديت رايي دون ما ابدي معاذيـر == وعندي عـزيمه واعـتزاز ومتانـه

واللي يبي يشتـك قـدمه زمهريـر== وعـليـه مـن رب العــبـاد اســتعانـه

محمد بن سوعان الربيٌع

 

 

 

 

 

 

التوقيع


الصبر طيب لكن الصمت مكروه ,,,, والحق كلــمه ياجــب إنـــا نقـوله

والكذب خيبه والمناعير ادانـوه ,,,, وعيبً على اللي بالحياة انتموله

والصدق منجى والاجاويد سموه ,,, نــورً ... ينــور للخــلايق إليــوله

    

رد مع اقتباس