::: مـنتدى قبيلـة الـدواسـر الـرسمي ::: - عرض مشاركة واحدة - البيوت السود
الموضوع: البيوت السود
عرض مشاركة واحدة
قديم 01-05-2018, 05:22 AM   #1
 
إحصائية العضو







بن الجراح غير متصل

بن الجراح will become famous soon enoughبن الجراح will become famous soon enough


:r-r-5: البيوت السود


البيـوت الســـود ........

قـلبي عـلى البـدوان يقـنب كما الـذيـب = ومن زاد وجـده. واسـتجـن امعـذوري
شـوقي لهـم. شـوق المناعـير للطـيـب = شــوق النشـاما للقـنـص والطـيـوري
شـوقــي. لهـم مـافـيـه شــكً ولا ريـب = ولـيـا. وصـفـتـه. بالـمحـاني. يـفـوري
اهــل الـعــلـوم الغـانمـه. والمـواجيـب = والطـيب. فـيهـم . واضحً وامخــبـوري
بـيـض النـوايـا صافـيـيـن المشـاريـب = وبالـواجــبـه ما حســـبــوا لمخســوري
وانـا لــيــامنــي. رقـيــت المـراقــيــب = شـوف البيوت السـود يجلب ســروري
ليا مسّن الـخـفـرات حـرش الاطـانيـب = عنـدي تـرا تسـوى الفـلل والقـصـوري
اشــد مـعـهـــم. شــرق ولاّ مـغــاريـب = وفـيهم تزين احـروف معـنى.شـعـوري
يـا شـفت انا ضيفـانـهـــم والمعـازيـب = وطـيب النـبا يجـذب سـرور الحضوري
قــولـة هـلا وحييت باجـمـل تــراحيـب = فــلـة احـجـاج الضـيف واللـي يــزوري
هــذا هــوى بالـي قـبـل يـاتي الشــيـب = مـيـر المـنـاوي مـا تـطــاوع غــروري

محمد بن سوعان الربيّع

 

 

 

 

 

 

التوقيع


الصبر طيب لكن الصمت مكروه ,,,, والحق كلــمه ياجــب إنـــا نقـوله

والكذب خيبه والمناعير ادانـوه ,,,, وعيبً على اللي بالحياة انتموله

والصدق منجى والاجاويد سموه ,,, نــورً ... ينــور للخــلايق إليــوله

    

رد مع اقتباس