::: مـنتدى قبيلـة الـدواسـر الـرسمي ::: - عرض مشاركة واحدة - يـآرب تغفر لي وترحمـني ليـآ من قيل مـآت !
عرض مشاركة واحدة
قديم 08-06-2010, 12:34 AM   #1
 
إحصائية العضو







الـشرآفي غير متصل

الـشرآفي is on a distinguished road


:e-e-3- يـآرب تغفر لي وترحمـني ليـآ من قيل مـآت !

يالله يامنـزل تبـارك والضحـى والـذاريـات=يامنـزل التـوراة والانجيـل وكتـاب الزبـور
انت العليم اللي على علمك ما تخفى الخافيـات=يالمطلع في خاينة لاعين وما تخفـي الصـدور
انت المجيب لمن دعـاك العالـم بكـل اللغـات=يا من حفظ يونس ببطن الحوت في قاع البحور
ياربي انـا اطلبـك ياسامـع جميـع الدعـوات=انت الرؤف انت الرحيم انت الودود انت الشكور
يارب تغفر لي وترحمنـي ليامـن قيـل مـات=وبعد القصور الشامخات امسيت في ضيق القبور
وتبـددت كـل الامانـي والامـل والامنـيـات=وفاللحد مسكاني عقب ما كنت في عال القصور
ورديت لي روحي وانا اسمع فالخطى اللمقفيات=عن قبري الموحش وانا رهينة تحت الصخـور
ما عاد تنفعني دمـوع عيـون نـاس باكيـات=تبكي من افراقي وانا ما بين الالحـاد محصـور
يارب ذكرني الثلاث اللـي بقبـري المنجيـات=ذكرك وذكر محمد ودينـي علـى كـل الامـور
سبحانـك اللهم يـا رحمـان واطلـب الثبـات=واقبل معاذيري ولو ماني فـي الاصـل معـذور
لاني جنيت من المعاصي والذنـوب المهلكـات=وانا اعرف ان اللي جنيته ذنب واثـام وفجـور
ياما ارتكبت من الخطايـا والذنـوب الموبقـات=وافرح بكسب الذنب واعيش به لـذات وسـرور
لاني بشر واجهل وتغريني الامـور المغريـات=خلف الملذات اندفع وانسـاق والدنيـا غـرور
لو ماني من اهل الرشاوي والدعاوي الكاذبـات=ولا اجمع اموال الربـا ولا اشهـد بظلـم وزور
ولا اسير في طرقة ضعيفين النفوس التافهـات=ولا من ادعاة الظلال اهـل التبـرج والسفـور
ولا ني من اقلال الرشاد مروجيـن المسكـرات=اللي يجمّعهـم ظـلام الليـل باوكـار الخمـور
لكني اخشى من الذنوب اللي بعينـي محقـرات=مسجلات في سجلـي مـن قديمـات العصـور
ولا عاد ينفعني التندم بعد مـا يفـوت الفـوات=لكني ارجي عفـوك ورحمتـك يالـرب الغفـور
واسألك تغفر لي ذنوبـي فالسنيـن الماضيـات=وتظلني في ظل عرشك يالولـي يـوم النشـور
وتدخلني الجنات يامنشي النصـوب الممطـرات=وبجاه وجهك استجيرك من لهـب نـار تفـور

 

 

 

 

 

 

التوقيع


آآآآحبك




آخر تعديل عبدالله الحافر الغييثي يوم 08-06-2010 في 04:01 AM.

    

رد مع اقتباس