ياعل رجل ٍ في المواجيب محسوب
ماتصدمه سود الليال العنيفه
ذاك العديم اللي من العز منتوب
وكره على روس الهضاب المنيفه
مايسمع الناقص ولا يدني الطوب
مبداه واضح في ربيعه وصيفه
قضّى حياته بين حاكم ومنصوب
ان مابذل جاهه سعى في وظيفه
ياعل دربه لامشى الدرب مسهوب
ويكفيه شر اهل النفوس الضعيفه
عين الحسود اللي من الشح لاهوب
سقم القلوب الطيبّه والنظيفه
لويلبس امن الخام ويمسمس الثوب
عجفاه من بين النشاما نحيفه
جِيده على ربعه مثل رشفة الكوب
وقدم العرب يلبس لبوس العفيفه
لا من تمرجل ولعّ السور من صوب
والصوب الآخر مايولّع مضيفه
كنّه على حق المطاليق مغصوب
من ضيرته قل الخطاطير .. كيفه
ماجدبن رويه