زمن هذي القصه والقصيده في بداية عهد الملك فيصل يرحمه الله عندما كان شاعر قبيلة الشكره الشاعر المرحوم/مسفر بن حسين ال برجس الشكره موظفا في المؤسسه العامه للصناعات الحربيه بالخرج وبعد سنوات نقل الى قسم لايوجد الا في خميس مشيط وبعده نقل الى هناك تاركا اهله وجماعته في مدينة الخرج وكان معه اصدقاء من قبيلة عتيبه في خميس مشيط وكانوا يقولون له انت اللي مصبرنا على خميس مشيط وجبالها السود وكان يمازحهم ببعض الابيات والتعليق على اهل الديره حتى اشتاق الى دياره وربعه فكتب ابيات جميلة يشكو فيها مرارة الغربه والبعد عن مدينة الخرج اللي يقول فيها
لابغيت ارفع بصوتي ماحصلي = وان بغيت اخفي من المكنون زادي
مل قلبن من خميس مشيط ملي = عايفه لكان في جوه برادي
والله لوانه لنا يفرش بزلي = مانريده عايف منه فوادي
دار اخوان سعيد مهيب ديرة لي = ديرة ابن مشيط يامال الهجادي
المفاحس عندهم مع شين دلي = والحلايل مايهابن السوادي
راكبلي لاركبته ماتملي = لا وطا التغريز كنه مع حمادي
فوقه اللي لاسرى بالليل دلي = صالبن ممشاه والمسرى قوادي
ماحلا لامن سنامات زملي = فوق من يقطع تخاتيخ الريادي
ناحرن الخرج به ربع وهللي =مجلسن من بينهم غاية مرادي
وسلامتكم
علما ان مدير المصانع الحربيه علم بالقصيده واتوقع انه الامير/بن فرحان ال سعود انذاك
وقال بعد هذي القصيده انشالله ماتجلس في خميس مشيط يوم واحد وبعده نقله وعاش بقية حياته في مدينة الخرج الى ان توفاه الاجل عام 1421هــ وانشالله سوف امتعكم ببعض قصائده الشيقه في الايام القادمه