??تنشد عن احوالي تراها صعيبه
من عقب ما غروك ثم صرت مغرور
ماترد لا مَ'ـّنَ شفت رقمي غريبه
متغيرٍ طبعك لك ايام وشهور
خابرك توصي بالوفا وتحكي به
واثر الوفا ميت ولا عندك اشعور
قلبك جرح قلبي وربي حسيبه
جرحٍ كبير ولا يداويه دكتور
وصالك لـ قلبي دواه وطبيبه
شحيت بوصالك ولا قلت ماجور
عز الله ان قلبي تردا نصيبه
وانا اشهد اني من سواياك مقهور
ياحظ من هو مايفارق حبيبه
وان مر طاريّه ماهو يضرب الزور
قلبي يقول اللي رحل وش تبي به
واقول خل الحال ياقلب مستور