كم لاعني هرج زول(ن) عذب بدّاوي=حرف(ن) كواني غدى لعّاب بالخافق
لكنه مطعّمه بالجيم ولها هاوي=صوت الربابه معاها عزف متوافق
تشب و تولّع صويب(ن) مبتلي غاوي=ضلع(ن) رجف بالحنايا لو بها صافق؟
هاضت هموم ومشاعر جرح له راوي=شاهد عليه القصيد وعشق مترافق
قول وتهجّد مدام الروح لك تاوي=أبري عليل(ن) رماه الشوق متشافق
أنعش غرام(ن) مضى، ما كنت له ناوي=أروي خيال ويجيك الشعر حس دافق
ليلة ولا مثلها، منك القمر ضاوي=ليلة سمرها بهيج(ن) بالهوى وافق