[معلومات العضو خالد المشاويه]

بسم الله الرحمن الرحيم


السلام عليكم ورحمة الله وبركاته



تسبا الكحيله ........... ولا يردها بليق
كان هناك رجل ويملك فرس اصيلة وطلبوها منه الشيوخ والأومراء ودفعو مبالغ خيالية علشانها
لكنه رافض وكان واحد من الأومراء يبيها لو يدفع اللي عنده كله
فـ جاب واحد وقال اسرقها وان جبتها لك القيمة .....

وراح الرجال واشتغل عند اهل الفرس مده طويله علشان يأمنونه وكانت الفرس مربطة جيدا ولاهوب اي واحد يركبها ومره من المرات كان راعي الفرس جالس فالبيت وهو شايب وكان عندهم حصان مهجن ماهوب اصيل اسمه بليق وكان ولد الشايب طالع على بليق وحنت بنت الشايب على الكحيله وفكتها تمشي شوي حول البيت ثم ترجع لكن يوم فكتها انتهز الفرصة السارق ويجي ويطمر عليها ويطق ولا هذا ولد راعي الكحيله جاي على بليق ومعه خوياه لكن ما قدر احد من الخيل يلحقها إلا بليق ويوم قرب منها ومجهز الرمح بيضربه والشايب يطالعهم قدامهم ارض قاسيه والكحيله ماتقدر تنخفض سرعتها في الأرض القاسيه وعلى يمناهم دماث وفي الدماث تكون الكحيله اسرع وبليق مايقدر يركض في الدماث بسرعه فصاح الشايب يمين ياراعي الفرس يمين
وراح يمين السارق وتروح ولاقدر يلحقها بليق فقال الولد ليه يايبه قدني بجيب الرجال وانت تبيه ياخذها
فقال :

تسبا الكحيله ولا يردها بليق

فهذا يدل على حب الأولين لخيلهم الأصيلة ومخافتهم ان يردها حصان مهجن وليس اصيل