السلام عليكم ورحمة الله وبركاتة
مفارق
يا عذابي كل ما حان الفراق وبيّن = ولا ذكرت ان كل وصلٍ يقتفيه مفارق
وين ابلقى مثل وقفاتك ووين اعيّن = من يرد العلم لا صار الزمان مزارق
أنت لو تدري بعد فر قاك ويش ازيّن = كان ما تشره على دمع الفراق الحارق
قاسيٍ ما ترحم عيوني وعودك ليّن = غاربٍ عن وجهتي دايم وحبك شارق
ياكثر ما سجيت لك رجلي ابيك عويّن = وياكثر ماجريت لك صوتي لا لاح البارق
والله ان قد لي وانا أكمي طعنتك متشيّن = وان سهم فرقاك في عوج الحنايا خارق
كل شيء الا غرابيل المحبه .. هيّن = وكل شيء في لقاء الاحباب .. شيء وفارق
ماتبي توضيح لكن للفرص متحيّن = من قبل لا يطرق أذنك من عذولي طارق
كنت اظن انك تومّن بالهوى وحنيّن = ولا دريت ان حضرتي مسروق وأنت السارق
ماجد مهنا