[معلومات العضو شموخ بدويه]

هذه مساجلة شعريه بين ((الشاعر عبدالله بن عون الرويس العتيبي ))

و (( الشاعر حسين بن ظيف الله الكبرى الدوسري ))

بارك الله في نهار غدا فيـه البعيـر
أثر بعض المال تظهر بركته في شقاه
أشهد انه عقب ضاع سوى فيّ خيـر
بارك الله فيـه ليتـه تقـدم بمغـداه
كان متعب طاعني عن دورته يستخير
بصر دوار البعير إن لقـاه أو مالقـاه
عقب ضاع مدرمح العين خير الله كثير
عاضنا الله فيه بمشاهد الوضحا الفتاه
يا صباح الخير والعيد واليوم المطير
يا مشاهد واحد ردّ فالـرّوح الحيـاه
يوم واجهني على موترٍ دوبه يسيـر
قلت يا سبحان من صوّره وأكمل حلاه
كنّ عينه عين حرٍ تنهّـض للمطيـر
وعاتق آدمي تذيّر بعد شاف الرّمـاه
يوم جينا راعي البـلّ ونيتنـا تحيـر
ماعرفنـا وش نسـوّي ولله السّـواه
بسّ أناظر به وادير الفكاير واستديـر
في نتال بقلبـي وفـي كبـدي لـواه
قلت يا راعي البل عسى دربك سفيـر
ما ذهبت النا جمل. قال : ما عينتنـاه
ورد الدوسرى

هيه ياللي بالمضامـي تعـرّض للصّديـر
لا تعرّض مومنٍ حافـظٍ فـرض الصّـلاه
الذّهب والماس يفرق على سلـك الحريـر
شوف ضلع ( النّير ) دوّر ذهيبك في حصاه
يا مدوّر لا تحـطّ المنافـق لـك شويـر
المنافـق جنّبـه كـان ربّـك مـا هـداه
اللّغـه بيـن القبايـل لهـا شـانٍ كبيـر
ليـه مـا قالـت كـلام المـدوّر مانبـاه
انت ابن عون ولد مـن يفكّـون القصيـر
والسّوالف بيننـا لا يجـي فيهـا اشتبـاه
الرّجل يعرف وبعض السّوالـف ماتصيـر
والفلك دوّار والنّجـم خلّـه فـي سمـاه
ياستاذ الشّعر قبلك سمـع صـوت النّذيـر
والمها محمي وحكم الشّريعـه مـن وراه
ماخبرنا هذيل تاسم مثـل وسـم الظّفيـر
والمعاني واضحة والدّهـر يطحـن رحـاه
والحكم من حدّ الأردن إلى ديـرة عسيـر
ومن يخالف شرعنا قطّ راسـه فالصّفـاه
والسّـلام ختـام والسّالفـة بيـر غزيـر
والقصير ليا نـزل عندنـا ناسـم عصـاه

ورد العتيبى

ما نزلنا الهضب ياحسين معكـم بالقصيـر
ولا وسمت عصيّنا مثل من تاسـم عصـاه
فيك سرعة مير يا حسين حاسـب لاتطيـر
كيف تتّهـم لـك بـريٍ بشـيٍ مـا نـواه
ما حصلل منّا زلل مـع كبيـر ولا صغيـر
ولا درقنا جارنـا مـن تحـت ردن العبـاه
سلمنـا وسلـوم أهلنـا بنـوره نستنيـر
ما يلـد الرّجـل منّـا بشوفـات قصـراه
مـا نطيـع بسلمنـا لا صغيـر ولا كبيـر
يوم بعض النّاس طبعـه يبيّـن لـك رداه
من مجاراتك مللـت المشاعـر والشّعيـر
الشّعير أغلـوه والشّعـر صابـه مـا رزاه
انت مثـل الـوادي اللـي سيلـه عويـر
ما تشوفه لين تاطـا برجلـك فـوق مـاه
يا حسيـن السّالفـه خلّهـا بيـرٍ حفيـر
ردّ ما بيّنت فـي قاعتـه واقصـب رشـاه
لاتخلّيهـا تـوسـع لعـمـر ولا عمـيـر
لين يكبـر حجمهـا مـع منقّلـة الوشـاه
وأقـرد العربـان دايـم يلـيـم للذّخـيـر
..................................؟؟؟؟؟؟؟؟


ورد الدوسرى

طير ياللي فيك لامواس والباقي نجيـر
لاتنهّض وانت في كفّك اليمنـى حفـاه
لاتلتفت فالجدي وانـت قدّامـه غثيـر
مثل من جاله لـزوم وعـوّد ماقضـاه
يا أبو نايف لاتحسب العرب كسب العقير
الرّجل مثلـك نعـزّه ولا نقبـل خطـاه
سلمنا ما سالفت به سميره مع سميـر
تعقل العيّال منّـا علـى طـول الحيـاه
والله انّي مالبست البشت في بيت الفقير
من يوم بعض النّاس قام يتكبّر في خلاه
ما تعرّضنـا لربعـك علامـك تستثيـر
لا تعكس العلم وتحطّ وجهه فـي قفـاه
انت مثل اللي على الدّيك فالعجّه يغيـر
كلّ ما قلنا تراجـع تقـدّم فـي غمـاه
أقرد العربان منهو يجي مالـه ضميـر
كلّ ما شاف المشاكل ذبح للشـرّ شـاه
المنافق باكـر منزلـه فـي زمهريـر
قصدي الشّيطان واللي يصير من خوياه
أنت خصمي فالقضيّه ولا غيرك خشيـر
كـلّ رجـل بالمعانـي يبيّـن مستـواه

وكفو بالدوسرى وردة
والعذر على الاطاله