يالله يامعبود ياوال الاقدار=انك تفرج ظيقنا باأتساعه
البارحه ليلي هواجيس وافكار=سهران لين الصبح بيُن افراعه
من ماجرى كني على واهج النار=وقلبي من التفكير كثرت اوجاعه
جونا الاطبه بالفحوصات واقرار=وجميع ماشافوا بصورة الاشاعه
وقالوا ترى الوالد به الوضع محتار=والرأي واحد في المواقف شجاعه
فالحمد لله مؤمنينٍ بالاقدار=وماجاء من المعبود سمعٍ وطاعه
يالله عسى يبقى لنا درع وستار=الوالد المعروف شيخ الجماعه
يفرح به العاني ويفرح به الجار=ويفرح به اللي دالهٍ في رضاعه
واسلم وسلم لي على واف الاشبار=كريم سبله في ليال المجاعه
وختامها صلوا اعداد هدار الامطار=على النبي الهاشمي راع الشفاعه
 |
|
 |
|
الشاعر// فايـز بن فالح الشرافـي |
|
 |
|
 |