اقتباس:
المشاركة الأصلية كتبت بواسطة عبدالرحمن الشرافي
(( هــذه الـــمــشاركـــه خاصه بــمـنــتـدى قــبـيــلة الـــــدواســـر ))
اخواني اخواتي,,
أسعد الله أوقاتكم بكل خير ,,,
أضع بين ايديكم هذه القصة والقصيدة التي جرت على الشاعر / مترك بن فلحان المخاريم الدوسري.
(( ذهب الشاعر / مترك بن فلحان المخاريم لخواله
المسارده من قبيلة قحطان يربع معهم وكان معه فرس من اطيب الخيول في وقتها
وكان ما يمسي الا وهو محدد فرسه لكي لا تسرق .
وكان عند خواله المسارده راعي من قبيلة الاحباب..
وفي إحدى الأيام تغفّلهم الراعي الأحبابي وطمر على فرس مترك وهرب بها إلى ربعه
الاحباب ولحق المسارده الاحبابي ولكن لم يستطيعوا من مسكه لان فرس مترك كانت سبوق وذهب القحاطين لــلاحباب وجدو شيخ من شيوخ الاحباب على الطريق يسمى ( حسين بن طفله ) ومسكوه وكانت معه بنت فقال لها ابوها اذهبي وسوقي لبهم لأهلك ولا تعلمين احد الا اخوك (علي) ولما ذهبت حكت لأخيها علي ما حصل وكتموا الخبر عن الجميع ..
واما الشيخ ( حسن بن طفله )فقد وضعوه المسارده في مكان حديد الفرس وكان يقومون بواجب الضيافه على اكمل وجه وقالوا انت هنا على فراش الكرامه حتى يأتون ربعك بــفرس عانينا الدوسري
وأخذ مترك بن فلحان المخاريم ينشد بهذه القصيده:
البارحه جاني من النوم حادي = ليلٍ علي ماهوب ليل أبن سران
على جواد مثل فرخ الريادي = والا الفهد لا من نفج بين حزمان
غدا بها ذيخٍ من البيت عادي = لا علق المزهب ولا لبس حذيان
ياليتها عقرت نهار الطرادي = بين الدواسر يوم روغات الأذهان
لكن أنا برجوا الله ورجوا العوادي = ربعٍ مساردةٍ على الخيل ظفران
يدّونها لا كان ما به قوادي = فإن الحبابي من رفيدة و.........
وفي يوم من الايام اخذ (علي) ولد بن طفله يتحيل حتى جأته فرصه وطمر على ظهر الخيل وذهب بها الى المسارده القحاطين لكي يفك ابوه وذهب بها الى المسارده وفك ابوه وعندما فكوا المسارده بن طفله أعطوه ذلول محمله بــ زهاب وطعام ...
ولما رجع مترك بن فلحان إلى الوادي قص على اخوه ( عبيّد )
ما حصل
فقال اخوه ( عبيّد ) هذه القصيدة مسندها على خواله ال مبارك من المسارده القحاطين
(( لا احفظ منها الا هذه الابيات ))
يقول فيها:
يا راكبٍ خمست عشر حيل و أسمان = أملاط ما ركبوا عليها الجواذيب
ترعا من العفجه ليا ابرق سليمان = ومرباعها ترعا ثلاثة لشاعيب
تسرح من الوادي مع الصبح لا بان = وتلقا لها لا جات جاشٍ معازيب
تبشر ليا من جات كبشٍ من الضان = وحيلٍ تقلط فوق برٍ معاصيب
نص الهضيب محمدٍ هو راكان = ...................................
خوالي اللي فالملاقات شجعان=.......................................
جت الفرس من غير ضربٍ وخسران=وحقانها ضرب العيال المعاطيب
تنشر لهم بيض ٍعلى راس ما بان = بيضٍ بها ذاري الهبايب مناديب
وسلامتكم ,,,,,
تقبلوا فائق التحية والتقدير
أخوكم / عبدالرحمن بن سالم الشرافي |
اخوي
عبد الرحمن الشرافي
تسلم يمينك ياسلالة كحيلان=مدك جزيل من يدينا كريمه
تعطي جزيل المدمن غير نقصان=وماهو غريب لك عوايد قديمه
والك التحيه من هل العرف والشان=واثني تحيات الرجال الحكيمه
عرفتهم بالنت ذربين الايمان = ونعم المعرفه بالرجال العظيمه
ربعا يعزونك ولك عندهم شان=ورجلا جمعنا جعل ربي يديمه
سامحني على القصور لاعدمتك وتستاهل اكثر
لاعدمتك
ابن عمك:سلطان ابن دخيل الله ابن محمد الشكره