مبـارك الحريـص
هيض اللعاب جمعٍ على العايل = لايحطون المحاجي ولافيهم ذليل
ليا أعتزوا بالعود وردوا كما ورد القطا = في سموم القيظ ورد على قيفٍ ظليل
شيخنا سبل وحنا وطينا ماوطا = لاتهيفينا ولاصار ممشانا ثقيل
زعزع المرحوم بالكون شايبنا عطا = لين بواق القصاير تزايد بالجفيل
يوم اخذنا بالصويهد شوي بلا بطا= ساوقوا قدام ربعي مزبنة الدخيل
كم صبي بس تالي حياته بالنحطا = من ضرايب لابتي طاح بالمنحني قتيل
وش تبي في حية الهيب ياراعي الخطا = مايروز جموعنا باللقا كود الهبيل
هيه ياللي تعمل البن بالهيل اخلطا = صبها للي هزم باللقا جمع القبيل