دواسر ٍ ....واسعد منهم له امجير
 

يسعد مساكم ياهل الطيب بالخير
خير ٍ يعم اهل الوجيه السماحي
اللي لهم في صفحة المجد تنوير
واهج سناها فالمسا والصباحي
دواسر ٍواسعد منهم له امجير
مانسأله عقب الرخا ليه راحي
في مامضى يوم العرب كانت اتغير
جمع الدواسر في جميع النواحي
قوم ٍ لهم هيبه وسطوه وتأثير
وبوقتنا الحاضر حماة الضواحي
تلقى لهم في كل ديره مشاهير
ويفتح لهم في كل قبّه جناحي
مكانهم من وين ماصاروا ايصير
مركز زعيم ٍ قلدوه الوشاحي
تاريخهم يشهد وكل التقارير
بن الدواسر صخرةٍ ماتزاحي
في شور عاهلنا نرص الطوابير
وحنا بعد للدار ريف وصلاحي
ياربعنا في سالف الذكر تفسير
شي ٍ قريته في متون الصحاحي
بمواصلة لرحام من دون تأخير
يضفي على النفس الرضيه فلاحي
لو نتحد وقفه وكلمه وتفكير
نصنع لنا مجدٍ جديد ونجاحي

ماجد بن رويه