http://www.qzal.net/01/2013-01/13637830477.gif

أختي وحبيبتي في الله

نفسك تقربي من ربنا ؟
نفسك في بيت في الجنة ؟
نفسك ربنا يحفظك من الشياطين ومن كل مكروه ؟
نفسك تعتقي رقاب زي ما كان الصحابة بيعملوا وتنالي الأجر زيهم ؟
نفسك تتكتبلك مئات الحسنات وتُمحى عنك مئات السيئات ؟
نفسك يتكتبلك أجر صدقات كتير على الأقل 360 صدقة في اليوم ؟
نفسك يتكتبلك أجر عمرة وحجة تامة مع الرسول صلى الله عليه وسلم ؟

وكل ده يوميا
يعني أجر غير منقطع بإذن الله

http://files2.fatakat.com/2013/9/13787956981122.gif


حاسة إنها حاجات صعبة؟
أبدا والله كل الأجر العظيم ده مقابل أفعال بسيطة جدا جدا جدا ومش هتاخد من وقتك كتير لكن هتزود ميزان حسناتك كتير

أمور بسيطة نحاول نعملها يوميا وإن شاء الله نحصل على كل الأجر ده وأكثر
بس نعاهد نفسنا إننا نحاول نلتزم بيها دايما ولا نتركها أبدا على قد ما نقدر

http://files2.fatakat.com/2013/9/13787959941775.gif


أذكار الصباح والمساء
قوليهم وربنا يحفظك من الشياطين ولا يضرك شيء ، ويكتب لك مئات الحسنات ويمحو عنك مئات السيئات ، ويكتب لك عدل عتق 10 رقاب ، ويعتق رقبتك من النار ، وتكوني أديتي شكر يومك ، وربنا يرضيكي يوم القيامة

والأمر موسع ممكن تقوليها قبل صلاة الفجر أوبعدها
وفي المساء قبل غروب الشمس في العصر أو بعد الغروب
المهم تقوليها في الصباح وفي المساء
وطبعا افضل وقت لأذكار الصباح مابين صلاة الفجر وشروق الشمس وبالنسبة لأذكار المساء من صلاة العصر لغروب الشمس

( نقول تاخد 10 دقائق الصبح و10 في المساء)
مستنية ايه مش خسارة كل ده يضيع منك؟
وهتلاقيها هنا

? لا تنسوا قراءة أذكار الصباح و المساء...جزاكم الله خيرا ..الجزء الثاني?

http://forums.fatakat.com/thread4302101

http://files2.fatakat.com/2013/11/13843488731887.gif

ركعتي الضحى
صلاة الأوابين ركعتين فقط
ركعتين أوصاكي بيهم نبيك صلى الله عليه وسلمفعَنْ أَبِي هُرَيْرَةَ رَضِيَ اللَّهُ عَنْهُ قَالَ : ( أَوْصَانِي خَلِيلِي بِثَلَاثٍ لا أَدَعُهُنَّ حَتَّى أَمُوتَ : صَوْمِثَلاثَةِ أَيَّامٍ مِنْ كُلِّ شَهْرٍ ، وَصَلاةِ الضُّحَى ، وَنَوْمٍ عَلَى وِتْرٍ) .

صليهم وتخدي أجر 360 صدقة اللي المفروض تتصدقي بيهم كل يوم عن مفاصلك
فعنْ أَبِي ذَرٍّ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ :( يُصْبِحُ عَلَى كُلِّ سُلَامَى مِنْ أَحَدِكُمْ صَدَقَةٌ ، فَكُلُّ تَسْبِيحَةٍ صَدَقَةٌ ، وَكُلُّ تَحْمِيدَةٍ صَدَقَةٌ ، وَكُلُّ تَهْلِيلَةٍ صَدَقَةٌ ، وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ ، وَنَهْيٌ عَنْ الْمُنْكَرِ صَدَقَةٌ ، وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنْ الضُّحَى )

وربنا يكفيك شغلك وحوائجك وكل ما يهمك ويدفع عنك ما تكرهين من وقت صلاتها إلى آخر النهار بس نزودها شوية وتبقى أربع ركعات مش اتنين، فعَنْ أَبِي الدَّرْدَاءِ و أَبِي ذَرٍّ رضي الله عنهما عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ عَنْ اللَّهِ عَزَّ وَجَلَّ أَنَّهُ قَالَ : ( ابْنَ آدَمَ ارْكَعْ لِي مِنْ أَوَّلِ النَّهَارِ أَرْبَعَ رَكَعَاتٍ ، أَكْفِكَ آخِرَهُ )

ركعتين وقتهم من بعد طلوع الشمس بحوالي ثلث ساعة إلى قبل صلاة الظهر بحوالي ثلث ساعة

ولو صليناها بهذه الشروط المذكورة في الحديث التالي كأننا قمنا بحجة وعمرة تامةعن أَنَسِ بْنِ مَالِكٍ رضي الله عنه عن النبي صلى الله عليه وسلم أنه قال :( مَنْ صَلَّى الْغَدَاةَ فِي جَمَاعَةٍ ، ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ ، ثُمَّ صَلَّى رَكْعَتَيْنِ ، كَانَتْ لَهُ كَأَجْرِ حَجَّةٍ ، وَعُمْرَةٍ ، تَامَّةٍ ، تَامَّةٍ ، تَامَّةٍ)

( 5 دقائق بالكتير )

http://files2.fatakat.com/2013/11/13843488731887.gif


السنن الرواتب
بتحلمي تسكني في بيت واسع وفيه كل المواصفات اللي بتحلمي بيها بس مش هتقدري؟
طيب ايه رأيك تبني بيت في الجنة ؟ يقول صلى الله عليه وسلم :" ما من عبد مسلم يصلي لله كل يوم ثنتي عشر ركعة تطوعاًغير الفريضة إلا بـنـى الله له بـيـتـاً فـي الـجـنـة"
12 ركعة بس هتصليهم كل يوم
ركعتين قبل صلاة الصبح
أربع ركعات قبل الظهر واتنين بعدها
ركعتين بعد المغرب
ركعتين بعد العشاء
و أفضل السنن الرواتب هي ركعتا الفجر لقول أم المؤمنين عائشة رضي الله عنها:"لم يكن النبي صلى الله عليه وسلم على شيء من النوافل أشد تعاهداً منه على ركعتي الفجر"

( 12 ركعة يعني تقريبا كلهم على بعض وقتهم مش هيجي ابدا نص ساعة خلال اليوم )

http://files2.fatakat.com/2013/11/13843488731887.gif


الوتر
علشان تقدري تتخيلي فضلها لازم تعرفي إن الرسول صلى الله عليه وسلم كان لا يتركها ابدا في سفر ولا حضر
أقلها ركعة واحدة صليها من بعد العشاء وحتى صلاة الفجر
وأفضل الوتر إحدى عشرة ركعة يصليها مثنى مثنى ويوتر بواحدة
لقول عائشة رضي الله عنها:" كان رسول الله صلى الله عليه وسلم يصلي بالليل إحدى عشرة ركعة يوتر منها بواحدة "وفي لفظ" يسلم بين كل ركعتين ويوتر بواحدة"أخرجه مسلم.
بس خلينا دلوقتي في ركعة واحدة بس
أو حتى ثلاثة ركعتين وركعة
( 5 دقائق )

http://files2.fatakat.com/2013/9/13787960371209.gif


كل ده هياخد منك وقت قد إيه ؟ حوالي ساعة ويمكن أقل ؟
ده إحنا بنقعد قدام التلفزيون و النت اضعاف الوقت ده
بخلانة على نفسك بساعة من وقتك في اليوم تديكي كل الثواب ده ؟

http://files2.fatakat.com/2013/9/13787961622000.gif


عايزن نشد العزم وكل يوم بإذن الله نفتح الموضوع ونلتزم بعمل كل اللي مكتوب فيه

يمكن يعجبك الثواب وده يشجعك على الالتزام بيه
أو تلاقي أخت تعينك على الطاعة وتلتزموا بكل المكتوب وتشجعوا بعض

http://www.qzal.net/01/2013-01/13637830478.gif