مساكم الله بالخير

في البدايه اعتذر عن الغياب لضروف خاصه

واتمنى مشاركتي اليوم تبرر غيابي وتنال اعجابكم

وهي قصيده للشاعر / تميم محمد الخضران الدوسري



يالله انا طالبك يالخالق الوالي // تغفر ذنوب ٍ عملنا مايغطيها
الا بعفوك ومنك ترحم الحالي // نفس ٍ ترجاك عفوك لاتخليها
مقصرين ٍ وفضلك عم الاجيالي // ومدات جودك على ذالناس مضفيها
نرجوك ياربنا علام الاحوالي // تنشي قنوف ٍ تحدر من مناشيها
تحيي بها ارض ٍ كلاها طول الامحالي // ياللي عروق الشجر والقشع تحييها
يامحيي الهشيم الدمدم البالي // اسبوع عقب الحيا تشبع مواشيها
يامحلا شوف سيله يطمي الجالي // سيل المقارن تلاقي مع مجاريها
لاشفت نوّار نبته زايف ٍ مالي // احس روحي تجدد من تواليها
هذا مع شوف ربع ٍ يطرب البالي // ذي منوة الروح دام الله محييها
ربعي هل المجد واهل المستوى العالي // وافعالهم كل حي ٍ يعترف فيها
عاداتهم في الملاقى كسب الانفالي // وارواحهم في اللقا ترخص مشاريها
خضران لامن وزاهم خايف ٍ جالي // يرقا بـ عيطا طويلات مبانيها
يرقد ونومه هني ٍ داله ٍ سالي // وهمومه اللي مضت ماعاد يطريها
هم درعي الضافي اللي ملبسه غالي // درع ٍ ركونه تعدي دون راعيها
من جدنا الاول الى جدنا التالي // اهل راية ٍ عاليه محدن ٍ يوطيها
ان جات بالسلم عراف ٍ وعقالي // وان جات بالجهل نبطش مانداريها
شيبانا اللي لهم تاريخ وافعالي // اعدد افعالهم وازريت لا احصيها
من ضربهم وين ولد الجابري زالي // من بندق ٍ والعيون تشوف راميها
عاقه غلام ٍ يحول لا جذا التالي // له عادت ٍ في الملاقى مايخليها
وله عزوت ٍ سمعها اللي عنده موالي // في ساعة الضيق مايدرا قوافيها
وصلاة ربي عدد ماهل همالي // على نبي ٍ فروض الدين محييها



وسلامتكم

خضران لامن وزاهم خايف ٍ جالي=يرقا بـ عيطا طويلات مبانيها
يرقد ونومه هني ٍ داله ٍ سالي=وهمومه اللي مضت ماعاد يطريها
هم درعي الضافي اللي ملبسه غالي=درع ٍ ركونه تعدي دون راعيها
من جدنا الاول الى جدنا التالي=اهل راية ٍ عاليه محدن ٍ يوطيها
ان جات بالسلم عراف ٍ وعقالي=وان جات بالجهل نبطش مانداريها
شيبانا اللي لهم تاريخ وافعالي=اعدد افعالهم وازريت لا احصيها
من ضربهم وين ولد الجابري زالي=من بندق ٍ والعيون تشوف راميها
عاقه غلام ٍ يحول لا جذا التالي=له عادت ٍ في الملاقى مايخليها
وله عزوت ٍ سمعها اللي عنده موالي= في ساعة الضيق مايدرا قوافيها
وصلاة ربي عدد ماهل همالي=على نبي ٍ فروض الدين محييها

كفو كفو ياعزوتي من غير قصور فالجميع

لاهنت يالسبع وبيض الله وجهك ياذيبان

وصح لسان الشايب والله يطول عمره على طاعه

تقبل تقديري ولاتبطي بما عندك من جزاله