حمر عين ...غزال ؟؟؟
 

ارجوا أن تنال اعجابكم /

شوقي مرام ٍ بها العرب مزرين
ظبي عدام ٍ ومايحوزها صايد
اللي لها مبسم بقد العنبتين
مامور يحرس مخزون الشهايد
يخفي البسمة بعض الشفاتين
صافي نواياه وعن الناس نايد
الشمس تشرق من ذاك الجبين
وضي القمر في وجنتيه بايد
العين لتكحيها تحتاج ميلين
مابان ودعجها مخلوق سايد
أخاف لايصيب خشمها عين
سيف مابين الخدين حايد
الخال باين ورى الشال زين
ترف الطبع هادي للغنج قايد
تغار من نحره طيور الشياهين
والعنق تتوجد عليه القلايد
الخمر معتوق من زهرة التين
ياوجد حالي على ذيك النهايد
خصر نحيل عظام حوضه يبين
ومتون مضومة ٍ ويا العضايد
حزامها حال عن ثقل حملين
ساعة يوادع ردفها وحين عايد
تقنن الخطوة ع الشبر تقنين
ربت على حيا وسلوم وعوايد
يوم نطحني بمركز حمرعين
ماستاسعتني حدود ديار زايد
شميت بأنفاسه ريح البساتين
وعود أزرق عليه المسك زايد
لاكني بالحنى مع ليل الجديلين
في كفوف ورع ٍ بيوم المعايد
خذاني معه ولا أدري ع وين
سلبني ذاك الذي للحسن رايد
النوم جافاني والناس غافين
متوسد كوعي ماجيت الوسايد
والزاد عفته عقب عصر الأثنين
ما أقلطه ولو قربوا لي موايد
ليته يجيني ع العرف والدين
وأبيع عمر ٍ فيه الحزن كايد
يكفيني أبل ريقي برشفتين
تروى بها ضلوع ٍ غدت جرايد
ياليتني أنادمه والليل ليلين
وأعيف عقبه نادرات الطرايد
يارب أعوذ بك من الحاسدين
وياعل أيامي ماعاد بها نكايد
خوفي لا رشايه ماهو متين
واليا انقطع بي تصلاني وقايد
وأنا من لابة ٍ عليه عزيزين
ماأرضى عليهم لا ذل ونقايد
لابتي لابة ٍ للعرض حامين
صبينا دايم عن الترفات ذايد
ربعي دواسر بفخذ الجمالين
آل خليفة ورثوا لي المجايد

وسلامتكم..

الشاعر / سعد بن صالح آلصالح آل خليفة

رد: حمر عين ...غزال ؟؟؟
 

صح السان الشاعر

الله لا يهينك على نقل القصيدة

الروووعه

تحياتي

:)

رد: حمر عين ...غزال ؟؟؟
 

تسلم ولاهنت ع المرور

رد: حمر عين ...غزال ؟؟؟
 

صح السانك وعتلى شانك قصيده رائعه وجزله

واتمنى لك التوفيق والنجاح

تحيااااااااااااتي

رد: حمر عين ...غزال ؟؟؟
 

تسلم ولاهنت ع المروررر

رد: حمر عين ...غزال ؟؟؟
 

رد: حمر عين ...غزال ؟؟؟
 

لاهنتوا المرور

رد: حمر عين ...غزال ؟؟؟
 

رد: حمر عين ...غزال ؟؟؟
 

لااااهنت اخوووي ريماااان

عالقصيده وصح لسااان الشاااعر

تتحياتتي

رد: حمر عين ...غزال ؟؟؟
 

لاهنتوا على المرور
وصح بدنكم

رد: حمر عين ...غزال ؟؟؟
 

هلا وغلا اخوي ريمان القصيدة روعة
وياليت تعطينا نبذة عن الشاعر سعد بن صالح
لانه اول مرة اسمع عنه وباين مشاء الله الشاعر جزل

رد: حمر عين ...غزال ؟؟؟
 

هلا بك اخوى
عذرا لتاخري في الرد بحكم ظرف السفر والدراسة
قريبا سيتم ارفاق سيرة الشاعر .

رد: حمر عين ...غزال ؟؟؟
 

نحن بانتظار سيرة الشاعر سعد بن صالح

لان ماشاء الله القصيده باين انها من شاعر جزل او انها منقولة من شاعر اخر


على العموم المقصد من ذلك الحصول على الفائدة وياليت نجد ابيات وقصائد لهذا الشاعر الرائع


ارجوا الرد,,,,,,,,,,,,,,,

رد: حمر عين ...غزال ؟؟؟
 

رد: حمر عين ...غزال ؟؟؟
 

بيوت رائعه جداً

صح اللسانك

ونحن في انتظار الجديد

دمت بود