::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   يـآرب تغفر لي وترحمـني ليـآ من قيل مـآت ! (http://alduwaser.org/vb/showthread.php?t=51182)

الـشرآفي 08-06-2010 12:34 AM

يـآرب تغفر لي وترحمـني ليـآ من قيل مـآت !
 
يالله يامنـزل تبـارك والضحـى والـذاريـات=يامنـزل التـوراة والانجيـل وكتـاب الزبـور
انت العليم اللي على علمك ما تخفى الخافيـات=يالمطلع في خاينة لاعين وما تخفـي الصـدور
انت المجيب لمن دعـاك العالـم بكـل اللغـات=يا من حفظ يونس ببطن الحوت في قاع البحور
ياربي انـا اطلبـك ياسامـع جميـع الدعـوات=انت الرؤف انت الرحيم انت الودود انت الشكور
يارب تغفر لي وترحمنـي ليامـن قيـل مـات=وبعد القصور الشامخات امسيت في ضيق القبور
وتبـددت كـل الامانـي والامـل والامنـيـات=وفاللحد مسكاني عقب ما كنت في عال القصور
ورديت لي روحي وانا اسمع فالخطى اللمقفيات=عن قبري الموحش وانا رهينة تحت الصخـور
ما عاد تنفعني دمـوع عيـون نـاس باكيـات=تبكي من افراقي وانا ما بين الالحـاد محصـور
يارب ذكرني الثلاث اللـي بقبـري المنجيـات=ذكرك وذكر محمد ودينـي علـى كـل الامـور
سبحانـك اللهم يـا رحمـان واطلـب الثبـات=واقبل معاذيري ولو ماني فـي الاصـل معـذور
لاني جنيت من المعاصي والذنـوب المهلكـات=وانا اعرف ان اللي جنيته ذنب واثـام وفجـور
ياما ارتكبت من الخطايـا والذنـوب الموبقـات=وافرح بكسب الذنب واعيش به لـذات وسـرور
لاني بشر واجهل وتغريني الامـور المغريـات=خلف الملذات اندفع وانسـاق والدنيـا غـرور
لو ماني من اهل الرشاوي والدعاوي الكاذبـات=ولا اجمع اموال الربـا ولا اشهـد بظلـم وزور
ولا اسير في طرقة ضعيفين النفوس التافهـات=ولا من ادعاة الظلال اهـل التبـرج والسفـور
ولا ني من اقلال الرشاد مروجيـن المسكـرات=اللي يجمّعهـم ظـلام الليـل باوكـار الخمـور
لكني اخشى من الذنوب اللي بعينـي محقـرات=مسجلات في سجلـي مـن قديمـات العصـور
ولا عاد ينفعني التندم بعد مـا يفـوت الفـوات=لكني ارجي عفـوك ورحمتـك يالـرب الغفـور
واسألك تغفر لي ذنوبـي فالسنيـن الماضيـات=وتظلني في ظل عرشك يالولـي يـوم النشـور
وتدخلني الجنات يامنشي النصـوب الممطـرات=وبجاه وجهك استجيرك من لهـب نـار تفـور

عبدالله الحافر الغييثي 08-06-2010 04:04 AM

رد: يـآرب تغفر لي وترحمـني ليـآ من قيل مـآت !
 
اختيار رائع يالشرافي بيض الله وجهك يالقرم
تقبل مني فائق الاحترام والتقدير

ابو نايف الحربي 08-06-2010 05:23 AM

رد: يـآرب تغفر لي وترحمـني ليـآ من قيل مـآت !
 
الله الله

اللهم امين يارب وللجميع يارب


صح لسانك ودااااام فضلك

قصيده مافيها كلام طيبه ومقصدها خير كله


الله يوفقك اخوي

ناصر بن فهد 08-06-2010 09:34 AM

رد: يـآرب تغفر لي وترحمـني ليـآ من قيل مـآت !
 
الله الله
ابيات رآئعه ومعانيها من الذهبُ
وبيض الله وجهك على النقل والاختبار الرآئع

رماد 09-06-2010 02:22 PM

رد: يـآرب تغفر لي وترحمـني ليـآ من قيل مـآت !
 

.
.

اهنئـًٍگ على ذوقـًٍگ واختيـًآٍرگ الرائًـٍع ..

سلم النآقل .. والمنقول ..
فعلآاً ..
مُتصفح .. رآق


الـشرآفي 11-06-2010 06:21 PM

رد: يـآرب تغفر لي وترحمـني ليـآ من قيل مـآت !
 
خميس الغييثي!

آبونآيف الحربي!

فهدالدوسري!

رمـآد!

آسعدني توآجدكم في متصفحي

لآعدمت هالطله

مسفر جمعان الصفا 01-02-2019 09:40 PM

مكرر بالخطا

مسفر جمعان الصفا 01-02-2019 09:43 PM

رد: يـآرب تغفر لي وترحمـني ليـآ من قيل مـآت !
 
شكرا لك على نقل

قصيدة الى هذا الملتقى الراقي
ولك تقديري


الساعة الآن 11:44 AM

Powered by vBulletin® Copyright ©2000 - 2024, Jelsoft Enterprises Ltd.
---