لابن بطحيّة أبغى من يودّي=سلام من ضمير له مودّي
سلام عد ما ناحت حمامه=وعدد ما قال عاشق باح سدّي
رفيق رفقته تجلى الهمومي=ونفسه دوم للعليا تجدّي
صديق حافظ معنى الصداقه=وفي الأصحاب طيبه ما يعدّي
على الأصحاب كالشهد المصفّا=وسيف للعدا دايم يقدّي
ألا يا جعل يفداه الزلابه=ومن نفسه تسوقه للتردّي
بيوتي قلتها في مدح منهو=معرب بين خال وبين جدّي

هلا يا مرحبا عال صداها=تشادي للسبايك ما تصدّي
بخط باعثه تركي رفيقي=وله في الصدر قدر مستبدّي
بعث قاف مفاهيمه ثمينه=بمدح فايق ماهوب قدّي
عسى ربي يجمّلنا ويستر=بوقت صار به جزر ومدّي
نبي نكسب على الدنيا جمايل=ونرفع للردا سيف التحدّي
ونحيا في حياة العز فتره=وندحر كل خصم وكل ضدّي
وألا يا ابن المنيعي ما بقالي=من القيفان ما تكتبه يدّي
خذيت أزهارها وأغلى دررها=وأنا في دربها مسرع وأهدّي
بعد جتني بقيت أجمع وأفرّق=من الأفكار كنّي في محدّي
أحول جاهد ردٍ عليها=لو ان الفكر جو مجرهدّي
ومرسولك عسى ربي يعينه=يعوّد لك معه شكري وردّي