علمٍ سمعته يا عسى كله اكذاب=من واحد دايم على الصدق ممشاه
علمٍ علينا كلبونا والاصحاب =مثل الصواعق ما حدٍ قد تمناه
اسوء خبر جمره على القلب شباب=يوحيه منهو تفعل الطيب يمناه
قالوا لنا صرح الدواسر على الباب=نهايته حلت على عكس مبداه
نهايةٍ ماهيب تهدى للاقراب =ميسامها في داخل الجوف مركاه
هذا تعبنا ماحسبنا له حساب=نرفع مقامه لجل تبقا مزاياه
نرفع مقام العز والطيب ماغاب =باسم الدواسر عالي العز مبناه
مهما حصل من اختلافات واعتاب=نبقى على دربٍ وحيدٍ سلكناه
صرح الدواسر شامخٍ سيف ونصاب=سامي على العليا على سطوة اعداه
يامنتدانا لجلك نحل الاصعاب=وناقف مواقيفٍ تنومس هل الجاه