يامدور الضيقة تراها هنيّا = شفني تراني أنا كلي متضايق
تبغا تخاشرني همومي سويّا = واصبر على همٍ قليلٍ وطايق
حسبي عليك الله يا راع العبيّا = حبيتني ونسيت كل العوايق
وفارقتني والقلب لا ما تهيّا = والعين أعماها دموع غرايق
ولا عاد لي صاحب ولا من خويّا = يا حسرتي يا شين فرقى الرفايق
حاولت ابنسى لكن الشوق عيّا = يذكر مجالسنا وذيك الدقايق
اشتاقلك شوقي يا شوق الشقيّا = شفني غريقٍ بين موج وعلايق
أبغى ذنوبي قلي وشي الخطيّا = خليتني ما بين حزن وشقايق
اقعد على حيلي وحالي رديّا = ولا ذقت طعم الزاد واكل الرقايق
والنوم من عيني ما جاله هنيّا = اقعد سهيرٍ بين كل الخلايق
اصبر وكن الصبر عيّا يتريّا = يقول ما يقوى ولاهوب طايق
خلاص لا ترجع وانه القضيّا = ما عاد بالي فيك يا زين رايق
صحيح احبك والمحبة بليّا =لكن شموخي فوق كل العوايق

المشاركة الأصلية كتبت بواسطة محمد بن المنخس المري (المشاركة 415698) ابوزايد صح لساانك اول شي مهما كان فيها كسر او لا يوجد معاني وبيوت جزله فيهاا دليل على القوه الشاعريه بداخل الشاعر رغم وجود بعض الهنات في الابياات بس دربك خضر ونتظر جديدك وانت شاعر ولا عليك اخوك : محمد المنخس المري

المشاركة الأصلية كتبت بواسطة خلاّد الزايدي (المشاركة 415721) أبوزايد أخذ الكلام اللي يجمد على الشارب : القصيدة مافيها كسر وموزونة ومقفاة وهي على المسحوب نعم هناك في بعض الأشطر مايسمونه النقاد ( جبر) و ( ثقل)وهذا يقلل من جودة السبك ولكن لايعني الكسر نهائياً ونصيحة لاتستشير إلا شعراء متعمقين في الشعر ومعرفة الأوزان والبحور فلاتأخذ بآراء شعراء مبتدئين بعضهم كان يكسر ولم يتعلم الوزن إلا قبل أشهر قليلة ونصيحتي للنوع الأخير أن يهتموا بتطوير مواهبهم والتبحر أكثر في عالم الشعر ويتركوا عنهم نقد الغير وتوجيههم لأنهم لم يصلوا بعد لهذه المرحلة والمستقبل قدامهم إن شاء الله فلايستعجلون على رزقهم ولا أقصد أحد بعينه بل كلامي عام لكل شاعر مبتديء وفق الله الجميع لكل خير

المشاركة الأصلية كتبت بواسطة الشـيخه (المشاركة 434206) صح الله لساانك اخوي ابوزايد قصيده في غاية الجمال اتمنى لك التوفيق والى الامام دمت بود تقبل تحيااتي ،،