مافيه شك إن كل رجل لسانه=لاجت مواقيف الرجال حصانه
كلن تجي الابيات من منظوره=والمستمع قدامها بآذانه
شاعر له الجمهور يسمع منصت=وأهل الجزيل تقول: صح لسانه
وشاعر يجي ويروح محدن يمه=ماله لزوم ولالشعره خانه
السوق حامي والبضايع واجد=بس الذهب يفرق بزود أثمانه
والتاجر اللي مايجيب الغالي=ليته قعد وارتاح في دكانه
الشعر ديوان العرب من مبطي=لكن وضعه في زمنــّا هانه
أول مع الفرّيس واهل الحكمة=فرايدٍ لايومنا رنانه
واليوم موضه من حساب الموضه=عاثوا بعرشه قوم يالادانه
وظيفة اللي مالقى له شغلة=كلن على ليلاه جرّ ألحانه
وأكيد ماللذوق وأهله حاجة=في بيت شعر(ن) ماتعز أركانه
وقصيدة(ن) تنظم بليا معنى=سحاب صيف(ن) ماتخال أمزانه
وفي ليلة(ن) رفعت راسي فيها=اخترت من سوق القصيد اسمانه
نوادر(ن) ماسقتها لسواكم=يامستقر الطيب ياشيخانه
نوادر(ن) باسم الدواسر توسم=وبأذكارهم وامجادهم مزدانه
من شاعر(ن) لااستل كلن شعره=الخيل خيله والسنان سنانه
اليوم خيل الشعر له روضها=وأمس(ن) تهاب الخيل من جدانه
حقايق(ن) ماهي سوالف مجلس=ياجاهل التاريخ.. عانه...عانه
يقمح صبي(ن) ماوقف موقفهم=ويقمح حفيد الجود لامن خانه
سلام ياهل العز ياهل الهيبة=ياهامة التمجيد ياعنوانه
سلام ياربعي عصابة راسي=يانصرة المضيوم خير أعوانه
يامكرمين الضيف ياعز الخوي=يامهملين الجار ياصـوّانه
دواسر(ن) وسلومنا شاهدنا=....بين الرجال وكل رجال وشانه
دواسر(ن) ماتنحني هامتنا=إلا خضوع لربنا سبحانه
دواسر(ن) لاعال عايل علْنا=ولاذاق سطوتنا لعن شيطانه
وساع(ن) مضاربنا وخطلن يدينا=وياويل منهو حطنا ديانه
حنا هل الهومات ياجاهلنا=سور البلاد موسعة حدانه
تاريخنا مهوب توه يبدا=سبعة قرون تشع في ديوانه
سبعة قرون وكل قرن(ن) شاهد=أرض العرب بامجادنا رويانه
أرض(ن) سكنـّاها ونعم المسكن=ولاهيب ترضى غيرنا سكانه
سيل(ن) تحدر من حدود الوادي=برقه سيوف... وهيجنا ودّانه
حتى ملكنا أغلى المداين عنوة=والمُلك يثبت دامنا سيسانه
لكن: ياهل العز واهل الطالة=وش ينفع الرجال: كانه... كانه
من كان ورثه من جدوده ثروة=لازم يصون المال هو واخوانه
مادام هذي هي فعايل جدودنا=كلن يحط الطايلة نيشانه
هذي يميني حطها بيمينك=رجل(ن) يشيد وصاحبه بوزانه
وش صار قبل شهور في نشرتنا=وبموجز الاخبار بان إعلانه
تباشرت كل البلاد بشوفه=وكلن يلد لدارنا بأعيانه
واليوم ماله حس ماله طاري=تكفون ياهل المجد ياتيجانه
تكفون لايفرح علينا حاسد=تكفون ياهل الحق ياميزانه
وتكفى يامير الجود راس الشيخة=ياعز نجد وهيبته سلطانه
سلمان لاكبرت بنجد(ن) قاله=الله يخلي لنجدنا سلمانه
حر(ن) شهر كلن يعرف وصوفه=وتشرّ به للكايدة جنحانه
سلمان تكفى مالها إلا نادر=يالول فعل الطيب يامرجانه
واليوم يوم الشعر مهوب أمسه=أطلقت من جزل القصيد عنانه
نوادر(ن) ماسقتها لسواكم=يامستقر الطيب ياعنوانه
والتاجر اللي مايجيب الغالي=قوموا عليه وسكروا دكانه!

والتاجر اللـي مايجيـب الغالـي=قوموا عليـه وسكـروا دكانـه!

دواسـر(ن) ماتنحنـي هامتنـا=إلا خضـوع لربنـا سبحـانـه
دواسر(ن) لاعـال عايـل علْنـا=ولاذاق سطوتنا لعـن شيطانـه
وساع(ن) مضاربنا وخطلن يدينا=وياويـل منهـو حطنـا ديانـه
حنـا هـل الهومـات ياجاهلنـا=سـور البـلاد موسعـة حدانـه
تاريخنـا مهـوب تـوه يـبـدا=سبعة قرون تشـع فـي ديوانـه
سبعة قرون وكل قرن(ن) شاهـد=أرض العرب بامجادنـا رويانـه

المشاركة الأصلية كتبت بواسطة فرحان فهد ال فرحان (المشاركة 287145) سلمان لاكبرت بنجـد(ن) قالـه الله يخلـي لنجـدنـا سلمـانـه حر(ن) شهر كلن يعرف وصوفه وتشـرّ بـه للكايـدة جنحانـه الحقيقه قصيده معبره وجميله اشكرك عليها وصح لسانك

المشاركة الأصلية كتبت بواسطة أبو سعود الودعاني (المشاركة 287147) صح الله لساااااااااااااااانك وبيض الله وجهــــــــــــك تقبل خالص ودي

المشاركة الأصلية كتبت بواسطة ابو زابن المسعري (المشاركة 287151) والتاجر اللـي مايجيـب الغالـي=قوموا عليـه وسكـروا دكانـه! اشهد بالله انك شاعر وتجيب الغالي الله يبيض وجهك ويصح السانك

والتاجر اللـي مايجيـب الغالـي=قوموا عليـه وسكـروا دكانـه!

المشاركة الأصلية كتبت بواسطة مبارك الخييلي (المشاركة 287155) أبن مسرع صح ألسانك وجعل يمينك سالمه لما نقشت لنا من أبداعك الطيب ولمسانه هناك في الحفل الثالث الوعد يابن مسرع في الخرج تقبل شكري والتقدير

المشاركة الأصلية كتبت بواسطة ابوعبدالعزيز (المشاركة 287373) صح الله لسانك وبيض الله وجهك على القصيدة الجزله والجزل مايجي الا من رجال جزل مثلك يا ابو مسرع .. وننتظر كل جديدك

المشاركة الأصلية كتبت بواسطة الزين (المشاركة 287387) دواسـر(ن) ماتنحنـي هامتنـا=إلا خضـوع لربنـا سبحـانـه دواسر(ن) لاعـال عايـل علْنـا=ولاذاق سطوتنا لعـن شيطانـه وساع(ن) مضاربنا وخطلن يدينا=وياويـل منهـو حطنـا ديانـه حنـا هـل الهومـات ياجاهلنـا=سـور البـلاد موسعـة حدانـه تاريخنـا مهـوب تـوه يـبـدا=سبعة قرون تشـع فـي ديوانـه سبعة قرون وكل قرن(ن) شاهـد=أرض العرب بامجادنـا رويانـه صـــــــــــــــــــح لسانك يابن مســـــــــرع وبيض الله وجهك

المشاركة الأصلية كتبت بواسطة هايف العماني (المشاركة 287499) اليوم خيل الشعـر لـه روضهـا وأمس(ن) تهاب الخيل من جدانه الشاعر الكبير الشامخ ابومسرع صح الله لسانك مدد مهوب عدد على القصيدة الرائعه والشامخة بشموخ راعيها وبشموخ المذكورين فيها والتي تشرفنا بسماعها منكم في الحفل الأخير ونالت استحسان واعجاب الحضور حيث انها تناولت كل مايجول في خاطرنا . وبيض الله وجهك يابومسرع وما شاء الله عليك مبدع مبدع مبدع تقبل خالص تحياتي وتقديري ،،