|
حفلات الزواج بين الإفراط والتفريط !!
حفلات الزواج بين الإفراط والتفريط !! في حين يعاني بعض الشباب من غلاء المهور فـ يعزف عن إكمال نصف دينه ، يعاني البعض الآخر من تكاليف الزواج الباهظة وهو ما تسعى إليه الفتاة وأهلها وربما بعض أهل الزوج حيث بدأنا نلاحظ الأمور المكلفة والمتكلفة عند إقامة حفلات الأعراس ! ابتداء بحفلة الحناء وهو ما يطلق عليها في بعض مناطق المملكة بـ ( الغُمرة ) مروراً بـ القاعة ، العشاء ، المطربة ، عربية المهر ، الكوشة ، المصورة ، وانتهاء بشهر العسل وما أن تنقضي ليلة العمر حتى يستيقظ العروسان على تل من الديون !! " سبق " ومن خلال نوافذ نسائية تفتح المجال للتعليق من النساء والفتيات بشكل عام ليكون السؤال : كيف نجمع بين ( أكثرهن بركة أيسرهن مهوراً ) وبين متطلبات الزواج وتكاليف المعيشة ؟ وهل يمكن الحد من انتشار متطلبات الزواج الدخيلة على مجتمعاتنا الإسلامية ؟? تعليقات الزوار ( 26 تعليق) 1 الديوون دماار الحياة الزوجيه.. اخي الكريم .. هذا الكلام لا نطبق على جميع مناطق المملكه .غلا المهور ولليلة الحناء عند اهل الجنووب.. لكن اكثر قبايل المملكه المهور منظمه عندهم باقل من ال40 الف.. لكن نظرت الشباب اختلفت الان الشاب يبي يشترى سياره اخر موديل وعلى ما يسدد الاقساط . ويجمع المهر وعندك البيت واثاث البيت .. وظروف الغلاء الفاحش ما اظن احد يستطيع يبالغ لكن ليتهم يتزوجون ... تقبلوو تحياتي .. الريم - 2 ...... ساتحدث عن المجتمع الذي اعيش فيه حتى يكون ردي أقرب للواقعية .. مجتمعي الذي اعيش فيه يهتم بالمظاهر التي غالبا ما تكون مكلفة وخاصة فيما يتعلق "بحفلات الزواج ", هذا المجتمع ينظر بدونية لمن لا يهتم بالمظاهر .فالشخص المقبل على الزواج لا بد ان يقيم زواجه في قاعة فخمة وان يقدم احسن الاشياء حتى ولو لم تكن ميزانيته تسمح بذلك ...هذا ما عدا المهور التي غالبا ما تكون عالية .. بدأت ارحم اخي المقبل على الزواج ...من التكاليف الباهظة ومن الديون التي بدأ يتدينها اقتباس: "لكن نظرت الشباب اختلفت الان الشاب يبي يشترى سياره اخر موديل وعلى ما يسدد الاقساط . ويجمع المهر وعندك البيت واثاث البيت .. وظروف الغلاء الفاحش ما اظن احد يستطيع يبالغ لكن ليتهم يتزوجون ..."" المشكلة في المجتمع المحيط الذي دفع الشباب لحب هذه الاشياء حتى لا يصبحوا أقل في نظره .."يعني الواحد لو كان حافي منتف ..يضغط نفسه بالديون والتكاليف ..اهم شيء ما يطلع أقل في نظر غيره من الناس" مع التقدير ندى المطيري - 3 *********** اعرف كثير بنات صغيرات وكبيرات مايطلبون مهر كثير عشرين الف وزواج بسيط وانا ما اخذا اكثر من خمس مئة ريال اللي يبغا يتصل فيني (( كثر الله من امثالها هالبنيه )) *********** - 4 احنا في زمن الوحوش السلام عليكم ورحمة الله وبركاته من جد شي يقهر يعني الان اذا الواحد يبي يتزوج لازم يتلحط ويتمرمط من بنك لبنك يدور على قروض طيب ليييييييش؟؟؟ بس تدرون الشرهه والملامه على مين ؟على الاب يعني ابي افهم هو مايفكر؟؟؟ وش راح يستفيد اذا قالوا الناس اووووووو والله زواج بنت فلاان في القاعه الفلانيه او قالوا ماشاء الله زوج بنته بمليووون(كثر منها)طيب مر هذا اليوم الحافل والممتع وكلا راح لبيته وش ذنبه المسكين الزوج اللي راح يبدأ بالأقساط اللي مالها نهايه....بس لو كانوا اهل البنت عاقلين وفاهمين وفعلا يبون السعاده لبنتهم كان يسروا الأمر على الزوج وبدل مايدفع كل هالتكاليف في مهر وفرح و....الخ يستفيد من هالمبالغ بعد الزواج ويعيش هو وزوجته احلى عيشه بعيد عن الاقساط والديون اللي مالها داعي.. ترى فيني كلام كثير بس ماودي اطول عليكم.. بس مااقول غير عسى الله يرزقني وكل عزوبي ببنت الحلال اللي تغنيينا وتبعدنا عن الحرام.. تحياتي لكل ولي أمر واعي,,, عزابي - 5 ظاهرة سئيه ظاهرة نتمنى زوالها موضوع راااائع sbawazeer - 6 ياجماعه اتركو المهور على جنب اسمعوني لحظه احيان يكون المهر قليل جداً يمكن 40 الي 20 الف ريال فقط ناتي للتكاليف الاخري قاعه افراح بقيمه 10000ريال ثم فستان خياط بقيمه وقدرها احيان اجار بقيمه 2000 او 3000 مطربه او دقاقه بقيمه 7000 اقلها واحيان تصل الي 30 الف ريال عفش وان قل قيمته 30 الف ريال ذبيايح بقيمه 10000 ريال مع الطبه يكلف 120000 حلاوة بقيمه 2800 للقاعه البسيطه شريط الزفه اصبح يتسجل بقيمه 5000 اليس هذا تعجيز انا خطبت لاخوي وكان المهر بسيط جداً واسعدت كثيراً ولكن لما جت بقيمه المشاريط جن جنوني والله دفعنا الي فوقنا والي تحتنا ويادوب خلصنا ياناس حسو بهذولي الشباب ياخوان وياخوات كل وحده تحط نفسها محل هذا الشاب ويشوف كيف يصير حاله ونقول ليش يعزف الشباب عن الزواج ولا يتزوجون من غير السعوديات اصبح المكياج والتسريحه 600 وهو كله اصباغ وبرستيجه يناس شو هذا الجور العروس اقل مكياج 1500 واكثرها 4000 يناس حرام والله ربي راح يعقبنا الله يمهل ولا يهمل يناس اصحو حسو ينماس لازم نتكاتف ونقف ضد هذي الظاهر مافيه مثل الزواج البسيط الي يحس معاه الجميع بالفرحه ارجو ان يصل صوتي مو كل انسان يقدر على هذي التكاليف الله يهدي الجميع شموخ انثى - 7 متزوج منذ ثلاث أعوم ( أكثرهن بركة أيسرهن مهوراً ) أعيش حياة هانئة ورغيدة بسبب امتثال اهل زوجتي لهذا الحديث .. لدرجة أن المقربين لي يتعجبون من جمال حظي وسعة رزقي ، رغم اني لااملك الكثير من شهادة ومعارف "واو" .. أو خلافه . هذا كلام واقعي وليس مبالغة ، متابع - 8 يارب أسألك الستر والله العظيم الكل صار غريب الخوف إن نكون اصبحنا في زمن القابض على دينه كالقابض على الجمر مرسى الأحلام - 9 اعجاب أسجل اعجابي بما سطرته انامل الأخت شموخ انثى - -- لا تكلفوا على زوج بنتكم. صدقوني اذا تزوج وكان عليه مديونيات وقروض حتى نفسيته تتعب وتتعب بنتكم معاه. ماعليكم بكلام الناس البذخ والمظاهر ماتسوى. اهم شيء بنتكم تعيش مع زوجها براحة وسعادة. أحمد ب - 10 مجرد رأي نصيحة للشباب والشابات المقبلين على فكرة الزواج لاتقدموا على الزواج إلا وأنتم مؤهلين له تماماً فالزواج مسئولية كبيرة جداً وليس صغار السن أهلاً له وتكاليف الزواج يجب أن تقسم بالنصف بين أهل العريس وأهل العروس وتقام في أوسط الظروف ولانقول أعلاها ولا أدناها لأن لكل مجتمع عادات وتقاليد يفترض السير عليها وفق الله الجميع لكل خير. متخصص في علم الإجتماع - 11 الكماليات ياشباب المقبلين على الزواج الغالبيه العظمى وبنسبة 70 في المئه من التكاليف كماليات صح ولا لا نبغى نفكر وننظر في الامر بمنظور الصراحة والواقعية ليه طيب كل هذا متل ماذكرت شموخ انثى والله مالها داعي اوكي تتزين المراه بس في حدود المعقول وانا اييد فكرة التعاون بين اهل العروسين لانهما وجهان لعملة واحدة ان صح التعبير هذا تهمه مصلحة ابنه والاخر تهمه مصلحة بنته ولاهو لازم ينادي اصحابه كلهم واللي قد درسوا معاااه والثاني والثالث سوااء من جانب العريس ام العروس واقولهم الفلوس اللي بتقعدون تهايطون بها على الفاضي احسن لكم تحفظونهاعندكم عشان تفلون فيها في شهر العسل بماليزيا الــــكــــاســـــر - 12 راي ذبحنا غلا المهور تكفون مليص - ف 13 الله يعين الموظف الحكومي الي يدفع مهر في سعودية اكثر من الف ريال غلطان هذك اول تدفع مهر وانت عارف انك ماخذ مره بنت رجال لكن هلحين حتي بنات .......... ماتدري وش تسوي ....... ومافيها من فساد البنت السعودية لليست للزواج والتربية (فقد الشي لا يعطية ) للمنضرة والتلكع س / هل تتوقع البنات الموجدات حاليآ الا من رحم ربي قادرات على التربية واخرج جيل محترم يحس بالمسؤلية تجه أسرته ونفسه ووطنه و دينة .......... الخ ؟ وفي الختام مانقول الا الله يعين موظف القطاع الحكومي* (مدرس -عسكري.......) ماخذ سعوديه ...ماخذها الله لايعوق بشر *ملاحظة :من شروط التعيين ,,,, (حاقد على السعوديات ذا الله يسامحه ) الرامي - 14 حسبي الله والله الناس مو واحد وفي كتير يلتزم بحديث الرسول صلى الله عليه وسلم "" اكثرهن بركه ايسرهن مهورا "" بس للاسف في شباب ما يراعو الله في البنات اللي اهلها يتساهل بالمهر والزواج يعني صراحه حنا بكل زواجات خواتي الوالد يدفع مع العريس بكل شي النص بالنص بس واحد منهم للاسف بعد الزواج ذلها وقالها ابوكي دفعلي علشان يخلص منك والا في احد بهالزمن يشارك بالتكاليف الا اذا كانت بنته معيوبه ويبي يخلص منها عاد بعدها حلف الوالد ماعاد يحط شي بس للحين متساهل بالمهر يعني يفكر بالستره لبناته بس ياليت في ناس تقدر حزن - 15 ياحلو التبذير شوفوا ياسبق بصراحه انا ماتزوجت الى الان ولكن على حسب علمي بالمهور اللي عندنا بالشمال والله بالهبل يعني اذا هي مواصفات لايقل مهرها عن 80 الف ريال << حشى موتر ماهي سيارهـ طبعا اللي 4 سلندر مهرها من 50 الف وانت طالع و8 سلندر دبل وانت ماشي عاد ياليتها البنت تسوى كل هالمهر والمصاريف اللي رايحه تروح عليها اخر شي تفاجئ بليلة الدخله كنك جالس بالاستراحه مع واحد من اخوياك بس بدون شنب :27: قصتي في دفترهـ - 16 امممم برائيي المتواضع اتوقع المشكله ليست في المهر لان بالعقل اكثر من 40000 ريال ما صار اسمه مهر المشكله في التكاليف من هدايا الي تأثيث المنزل الى الحفله الغلاء الموجود الان من ايجارات للمساكن وتاثيث للمنزل حتى قاعات الافراح وباسعار خياليه والمشكله من اسمها قاعه فرح يعني بيحضرون يفروحن لك ساعه وبعدها محد طق لك/ي خبر عموما العلم وسلامتكم كله في راس ابو البنت ان بغى ييسرها لك وعليك او يخليك تبوس كوعك HITLER - 17 لاتعليق على التكاليف لكن هل هناك في هذا الزمان رجل ( كفؤ ) للزواج؟ (( لاتعليق )) اكيد فيه رجاجيل :16: اذا كان هناك رجل بكل معاني الكلمه انا لا اريد ماله ولا اريد مهر ولا اريد زواج كبير ولا زواج عائلي ولو طلب اهلي منه مهر سوف ابيع دمي واشتري ثمنه مهر واقدمه له لكن للاسف ( في هذا الزمن ) لا يوجد رجال لهذا يحّق لكي ايتها الفتاه التي ترفضين الزواج وانت ايها الرجل أصلح من حالك وتخلص من التدخين والشرب ومغازله النساء ثم ( فكر بالزواج) الله لن يعينك على الزواج مادمت تعمل على عكس ماتتمناة سكرة - 18 حسوا في الشباب وراعوا ضروفهم والله أنا شخص عمر 29 سنه وماتزوجت لحد الحين وكل ماابي اتزوج اشوف المهور والغلا والمصاريف احط يدي على قلبي واقول يارب سترك لزم يحسون في الشباب وخاصه الغالبيه منهم مديونين وخاصه بعد نكسة الاسهم والعواقب اللي خلفتها ياناس والله الشباب ضعاف حسوا فيهم لايغركم الواحد موضف ويستلم سبعه ولاثمانيه بعضهم يصرف على اهله وعنده ضروف حسوا في الشباب وساعدوهم وبلاش من الشروط التعجيزيه وكثرت الطلبات اللي تكسر الظهر الله يكتب لنا ولكم ولجميع شباب المسلمين وفتيات المسلمين الستر يارب .. سعود السواط - 19 يادولتنا الحبيبة الحل بيدك اقترح على الدولة انشاء قاعات افراح وتاجيرها للمواطنين باسعار رمزية وانشاء مطاعم ومكان حلويات لهذه القاعات تكون نظيفة وجيدة وباسعار قد التكلفة الحقيقة وليس كما هو الان باسعار عالية للكسب المبالغ فيه وهذا سيؤمن للبنات الفرحة بليلة العمر والاقتصاد في المصاريف على العريس وتاكدوا ان الناس تتمنى شيء كهذا وسيقبل عليها الكل الاغنياء قبل الفقراء لان مشكلة المصاريف هذه صارت كابوس حقيقي واصبح كل عريس مديون وتعيس والنتيجة انه بعد الزواج والتعود على العروسة يبتديء يكرهها واهلها كلما انهرس تحت ثقل الديون عيدة - 20 الله يعينهم الله يعين شبابنا الطيب صح الحين مو زي اول الناس صابها خبال وهباله والله كله مظاهر كذابه وتفاخر قدام بعض والا ايش فيه لو حفله صغيره في بيتهم وعشاء بسيط ومختصره على الاهل والله ربي يبارك لهم نونو - 21 الاب هو السبب باقول لكم قصة زواجى وياليت تكون عبره ويستفيد منها الكثير خطبنى ابن الحلال اللى على قد حاله ولسمعته الطيبه وافق الوالد وتمت الخطبه الزوج كم المهر الوالد حنا نبي رجل وشريناك ونحن نعين ونعاون وياولدي اذا ماعندك شىء لا يهمك وانت ولدى الحين ولا عاد تجيب سيرة الفلوس اي وقت تبي زوجتك تعال وخذها الزوج جاب مبلغ بسيط والله بارك فيه والزواج في البيت وبيتنا صغير و2 من الخرفان وتم كل شى والبيت بسيط وصغير حق ناس مبتدئه اقصد عش الزوجيه المهم ايش صار الزوج حب ابو زوجته حب مو عادى خدمه من كل قلبه في كل شىء يحتاجه يتلمس احتياجته ويوم الله وسع على الزوج ورزقه وزاد راتبه من3الاف حتى وصل 20 الف لان الله بارك له اقلهن موءنه اكثرهن بركه مانسى الزوج صاحب الفضل وفعل ذلك مع كل بناته وكان كل الازواج يحبونه ويخدمونه بكل سرور ولقى رجال لما احتاجهم ومن قدم السبت لقى الاحد نونو - ف 22 لكن مايمنع انك تحاول انا اقول انه فيه حلول كثيرة ممكن الواحد يفكر فيها ويحاول يقنع الاطراف المعنية بالموضوع وكل مجتمع له وضعه وطريقه لإقناعه فكروا في ان يكون الزواج عائلي ترى فيه توفير كثير بعدين ليش مايكون الزواج في استراحات بدل القصور ايضا اغراض البيت ممكن تقتصر على الاساسية فقط قبل الزواج وبعد الزواج تشتري الاشياء الكمالية على شوي شوي وصدقوني اذا تفهم اهل العروسين ان التيسير في الطلبات من مصلحة عيالهم وسعادتهم ما راح يقصرون ابد ( قولوا امين عسى الله يرزقني الزوجة التي اتمناها ان تكون صالحة ناصحه جميلة لطيفة عطوفة مؤدبه خلوقة تحب العلم والأدب والاخلاق الحسنه تحب الخير وتعينني على نشره يارب امين إنك على كل شيء قدير ) تعبت في البحث عنكِ اين انتي !! ياربي يسرها طبيب - 23 احترم نفسك ياشاب عندما تتقدم لفتاة وأنت شاب كفو وشفت شروطهم طالعه من راس أمها على طول أعقد اجتماع معهم وأخبرهم أنك لاتملك أي بنك وأن أسهمك في البورصة مبيوووعه منذو مبطي ثم أخبرهم بأنك تستطيع أن تجعل الناس يحبونهم ويفتخرون بهم بسيرتهم الحسنة لا بإثقال كاهلك.. بعد ذلك إذا لم تجد تجاوباً فأرجو منك أن تكون قدها وتترك البنت لأهلها لأن إذا بدايتها كذا الله يعينك بيركبونك رايحين جايين.. فأنت تريد أن تعيش حياة سعيدة لاتريد أن تضيف لنفسك مشاكل وكلفات على الفاضي.. ولو فكرت أم البنت التي غالباً تكون هي السبب أقول لو فكرت في الأمر بعقل(للأسف قليل عندهم عقول) كان ماتصرفت هالتصرف.. على كل أتمنى لك التوفيق يامن تقدم على الزواج.. وتراك مسؤوووول عن كل مايحصل لان بيدك القرار الأخير. شكرا لسبق مع ان الموضوع تحول عن ما كان عليه. أرشد أكرم أسعد أمجد - 24 عن ايش تتكلمون والله ياسبق احنا مانشوف غلاء المهور 40 الي 50 وتكاليف الزواج على البنت ... وين الغلاء اللي تتكلمون عنه وليته يكفي يدفعون الاهل اضاعفه ... ريمااااا - 25 مهرها رياااااااال والله العظيم أني اعرف واحد مزوج بنته بمهر رياااال واحد وبنته مدرسه وجميله وهو انسان مقتدر والفلوس تجييه من كل مكان أسأل الله أن يزيده في رزقه ويوفقه ويسعد بنته هذي عينه من مجتمعي اللهم وفق شباب وبنات المسلمين ويسر لهم أمور دينهم ودنياهم الدانه - 26 ردد ياليل مطولك على هذاالموال والله الواحد لو بيتكلم من هنا لين بكره ماراح يرضي احد بس الي صار لي ليتها على ان المهر كان قليل لا كان فيه تشرطات غير الحين صارت الموضه اطلب مؤخر 50 الف وشغاله مقدم انا بفهم وين المكتب الي بيعطيني شغاله بدون كرت عائله فيه اولاد والمصيبه اني كنسلت الزواج بسبت الشروط الي مالها داعي بعد ما حجزت قاعه وطقاقه وحلويات والحين يا زين حيات العزوبيه الى ما يفرجها الله المشمئز - http://www.sabq.org/?action=showMaqal&id=34 تعمدت ابقاء غالبيت الردود لملامست الجرح والتباحث في هم يتفاقم مع الوقت انقل لكم الموضوع بكامل الردود وفي النهاية أقول للجميع واخص البنات والأسر والله اللي يروح من العمر ما يقدر بثمن أتمنى التوعية والاهتمام بما بعد الزواج لا ما قبل الزواج محبكم اخوكم أبو بدر |
رد: حفلات الزواج بين الإفراط والتفريط !!
|
رد: حفلات الزواج بين الإفراط والتفريط !!
اقتباس:
الشكر لكي انتي يالمطنوخه على المرور الكريم |
رد: حفلات الزواج بين الإفراط والتفريط !!
|
رد: حفلات الزواج بين الإفراط والتفريط !!
اقتباس:
يامال العافيه يانوره على المرور الكريم الله لايهينك تسلمين على الورد الجميل |
رد: حفلات الزواج بين الإفراط والتفريط !!
|
رد: حفلات الزواج بين الإفراط والتفريط !!
اقتباس:
ارحبي يالخيالية يامال العافيه على المرور الجميل |
رد: حفلات الزواج بين الإفراط والتفريط !!
|
رد: حفلات الزواج بين الإفراط والتفريط !!
اقتباس:
هلا وغلا يالشقرديه يامال العافيه على المرور الجميل لاهنتي |
رد: حفلات الزواج بين الإفراط والتفريط !!
ماتجيب الا اللي يهم الاغلبيه يازين السوالف بالعرس ياالحبيبي بس اللي عجبني رد وحده تقول اللي يبي يعرس بعشرين الف يتصل فيني ليتها تسوي لها قسم عندنا:17: ههههههههههههههههههههه والله من الانقلابااات بتصير بحياة المسلمين:30: رووعه ياالحبيبي موضوع بجد يستااهل المناقشه والرد والتعليق |
رد: حفلات الزواج بين الإفراط والتفريط !!
النتيجة فتاكهههههه الشباب ما تزوجوا والبنات عننننسوووووووا
فمن المستفيد ماقصرت يا الحبيبي01 |
رد: حفلات الزواج بين الإفراط والتفريط !!
الله يوفق الجميع من مغالين ومن ميسريين وكل هالخساير لاجل التباهي امام الجميع بس اهم شي التوفيق ارق التحايا لهذا الطرح الرائع دمت بخير |
رد: حفلات الزواج بين الإفراط والتفريط !!
اقتباس:
أكثرهن بركة أيسرهن مهوراً والله يالكنق مدري وش اقول لك هم كبير اشهده كل يوم ونلاحظة على وجيه الشباب ومازلت اقول ان اللي يروح من العمر ما يقدر بثمن الوقت يمضي والعمر يطوف ويلقى الوحد نفسه متأخر كثير اذا كانت الديون فيك فيك اخذها من اول العمر وافتك والزواج هو الوحيد سبحان الله اللي يتيسر ولا يحتاج اكثر من البديه فقط لاهنت يالكنق على المرور الكريم واتمنى التوفيق للجميع والله يوفق من توفق محب الجميع ومحبك بشكل خاص ابو بدر |
رد: حفلات الزواج بين الإفراط والتفريط !!
اقتباس:
مشكله كبيره وخطيره على الاسر والمجتمع واحب اوجه الكلام لصغار السن بوجه خاص واقول اقدم والله يعينكم باذن الله وفيه احديث لا تحضرني تنص وتحث على اكمال نصف الدين والتوفيق فالهم ان شاء الله يامال العافيه حفيد الجدين على المرور الكريم |
رد: حفلات الزواج بين الإفراط والتفريط !!
اقتباس:
يامال العافيه يانجديه على المرور الكريم وياليت البنات يتنزلن عن بعض الشي لجل ترتاح بعد الزواج وتعيش عيشه كريمه ولهوب كل المجتمع قادرين او مولودين ولهم ارصده بالبنوك يعني تتنازل عن القاعه الفلنيه وبعض الامور الدخيله مثل حفلت الخطوبه والتكلف بها من شبكه ب 20 الف والهدايا لناس من الاقارب وكلها على ظهر الزوج المغلوب على امره وبدل ماتتقضى الاثاث من العليا فيه سوق ابن دايل وغيره كثير الا العليا والجوده نفس الشي والذوق مابه زود بعد تلقين اللي بالاسواق المعقوله افخم واشيك ومتعدده الانواع يعني غرفت نوم فخمه في ابن دايل 7 قطع مدري 10 ب 8 الف وهي نفسها بالعليا ب20 الف ليه كلام كثير والمستفيد من على قولت حفيد الجدين |
رد: حفلات الزواج بين الإفراط والتفريط !!
متحمس يالحبيبي10 ههههههه شكلك ناوي على نيه ؟ ولا بتعالج قضيه اجتماعيه !! بس مارح تحصل صدى من الاباء ولا اقدام واندفاع من الشباب متخوفين ومتهوبين ردة الفعل من اللي يسمعون بس مثل ماقلت انت يتقدم ويتوكل على الله ,, والله يكتب له اللي فيه الخير والصالح ان كان له نصيب بيسهل الله له الامور او العكس ومحد ماخذ الا نصيبه حتى لو تعسرت الامور .. والارزاق والتوافيق بيد الله .. والله ييسر لكل شاب ويرزق كل شابه .. ولا هوب كل الاباء متنعنتين او عندهم جشع او اتنزاف ماعند المتقدم واقرب مثل الوالد الله يحفظه لمن كان يزوجنا كان المهر يندفع عالي من الازواج تعرف كان ياخذ بس 20 الف بطلب من الوالده الله يجزاها خير والباقي يرجع للزوج ولا كان يتكلف بالزواج يقام على قدر الاستطاعه وتخيل وحده من خواتي تزوجت بلاااش بس كان رجل ينشرى قربه شراء ويستاهل الله يوفقهم والرجال قليلو:16: .. والله يسهل للجميع ويوفقنا وياهم وعوافي عليك يسلمووو |
رد: حفلات الزواج بين الإفراط والتفريط !!
اقتباس:
ناوي نيه,,,,,,,,,, والله مهيب شينه يانجديه بس من اللي بيفكنا من (........) لكن لصارت عاد تستاهل ماعلي منها :16: بس انتي عاد مافيه طلبات طلبتيه مافيه اشياء كان يمكن التنازل عنها ولا تنازلتي منها ما اهتميتي بالاسعار اكثر من الانسب او الا اقل تكلفه لاتقولين لا؟ لاان كل وحده بتقول ليلة العمر لزم الفساتين وفستان الزواج ب10 الف او 5 على اقل تقدير بعكس الزوج يمكن اذا فصل 10 ثياب ما تتجاوز الفين وبشت بالف ريال و5 شماغ البسام ب500 وغترتين او 3 ب 300 وكرتون فنايل ومثله ؟ ماتجي كلها 5الف وهو بيستخدم الثياب هذي سنه كامله وانتن الفستان هذا في 3 او 4 ساعات ليه :29: وغير الكماليات وبالذمه المكان ماله دور عندكن يعني القطعه وش الفرق اذا كانت في اسواق ابن دايل ولا العويس ولا حتى باسواق العرب ليه من الاثاث الراقي والعامر والثاني والثالث والقائمه كثير انا ما اتكلم عن المهر المهر حق مشروع لك بنت والمتعارف عليه 50 الف لكن الامور الاخرى تاصل 100 الف غير المهر على اقل تقدير وبالنسبه للي ذكرتي عن الاب الله يحفظه ويكثر من امثاله انا اشوف انه اب مثالي ((وتجاهلت كلمة الوالد؟ لان فيه كثير ما يحبون يطلق عليهم بهذا القب)) والوالده الله يحفظها مكمله لهذا الاب الكبير وله نظره بعيده غير غالبيت الاباء اليوم اللي لهم نظره قاصره مع الاسف ويتفاجاء ببنته بعد سنه بشنطتها عند الباب لعدة اسباب ومنها البنت صارت حياته صعبه وصارت تبحث عن مخرج لان زوجها مثقل بالديون ما تقدر تصبر على هذي العيشه وواجد تحملت سنه او ردت فعل الزوج عندما يفكر في اسباب الظيق اللي يتعايش معه ويحط الوم على الزوجه وتكاليف الزواج وشلون بيحبها والنهايه مولمه في كل الاحول ان صبرت وان تطلقت متحمس من جد مع اني متأكد ان المشكله كل مالها بازود لكن الحمد لله على كل حال نحتاج لطرح مثل هذه الامور المهمه ونحاول بقدر الامكان التوعيه قدر المستطاع وعلى فكره فيه سلم عند اهل الجنوب جميل جداً وهو ان المعرس اذا اقدم على الزواج وهو مثلاً بالرياض يسافر للجنوب ويطق مخيم ويستقبل العانيات الزاميه على كل القبيله تخيلي لو ان الفكره تنتقل لدى الدواسر كان تزوجوا كل ابناء القبيله وفتحوا بيوت بعد لو كان هناك صندوق على ابناء القبيله لدعم الزواج لو بالشي اليسير ويعلن تبنيه في هذا الصرح الشامخ لكن له اثر ايجابي ليه ماتبيني اتحمس اتمنى اني اشاهد شي يتحقق عن قريب لابناء القبيله |
رد: حفلات الزواج بين الإفراط والتفريط !!
0000ffمن المستفيد من هذا الغلاء؟ومن له مصلحة في تزايد عدد (العزاب,والعوانس)؟؟
والله انها مشكله كبيرة وتحتاج الى جهد كبير وتكاتف من كافة الجهات ذات العلاقة والتي تعنى بشئون الافراد والمجتمع,, في سبيل التصدي لهذه الظاهرة والتي اصبح(بعض الاباء) هداهم الله يغالون في طلبات الزواج وهذا الشئ انعكس على عزوف الشباب عن الزواج !!واخذوا يبحثون عنه 0شريكة الحياة في اماكن اخرى!!!!!!!!!!!!!!!!!!!!!!!!! تحياتي والله يزوجكم جميعاً. |
رد: حفلات الزواج بين الإفراط والتفريط !!
اقتباس:
اللهم امين شكر لك الخطاف على المرور الكريم والاضافه |
رد: حفلات الزواج بين الإفراط والتفريط !!
صراحة هاذي الظاهرة مالها اي داعي المراة على زوجها والله يوفقهم وخلاص حفلة صغيرة بين الاهل وانتهى والله ليلة الزواج ماوراها الا النكديمكن يصير هواش بين الطرفين يعني اهل العروس واهل الزوج وهاذي تصير كثير لاهنت يالحبيبي على طرحك
|
رد: حفلات الزواج بين الإفراط والتفريط !!
مشكووووووووووور على الموضوع جهد تشكر عليه :27
|
رد: حفلات الزواج بين الإفراط والتفريط !!
بارك الله فيك يا بوبدر على ماقدمت
|
رد: حفلات الزواج بين الإفراط والتفريط !!
اقتباس:
كلام سليم 100% لاهنتي رفيقة الوفا على المشاركة والراي السديد تحيااااااااااااااااااااااااااااتي |
رد: حفلات الزواج بين الإفراط والتفريط !!
اقتباس:
محمد السند الشكر لك انت على المرور الكريم لاهنت |
رد: حفلات الزواج بين الإفراط والتفريط !!
اقتباس:
ارحب يامحمد لاهنت على المرور الكريم |
رد: حفلات الزواج بين الإفراط والتفريط !!
<< هجل ياليت كل الرياجيل مثل شايبنا:icon10:
متوااااااااااااااااضع ومايحب هالكلام الفاضي شروط وماشروط واحلى قصر ومدري وش ... عاد يقول ميد اخوي ترا عرسك فالبـــــــــر من هاللحين:d9: |
رد: حفلات الزواج بين الإفراط والتفريط !!
اقتباس:
هههههههههههههه ياليت والله كلهم مثل شايبكم الله يخليه لكم ويحفظه تدري عاد والله ان حفلات الزواج المقامه في البر له طابع خاص وحضور قوي وهي اللي تبقى في الذاكره اكثر من غيرها لاهنت ماعلي قصور على المرور الكريم |
رد: حفلات الزواج بين الإفراط والتفريط !!
هههههههه
اخوي الحبيبي صدقت بكلامك يومك تعلق ع رد نجديـــه وكل ماقلته هو الصحيح والله يجزانا وياك الجنـــــــه <<آآميـــن |
رد: حفلات الزواج بين الإفراط والتفريط !!
اقتباس:
مرحباااا جيييت من جديد عشان ارد على تساؤلك اللي توي أقراه وبقولك لااااااااااااااات مو (لا) وحده لان مالي في زواجي لاناقة ولاجمل كله بتصرف من (الوالده الله يجزاها الجنه) ماكان عندها بنت تدخل السوق وهي لسى ماتزوجت (وش يعني هذا) يعني اللي يجي منها خير وبركه نعرف ان ذوقها مو ذوقنا بس صار ذا الموضوع راضيين عنه غصب مالنا اللي اللي تجيبه لانه من مسلمات بيت الوالد جعله عامرا بهله وغير كذا اصلا اقيم حفل زواج عادي جدا مافيه تكلف ولا بهرجه عالميسووور وصدقني السعاده والتوفيق ماهو بالبذخ والتكلف وكسر ظهر الزوج هي على الحظ يامااا من زواجات متكلفه جدا ومطربات وزواج صباحي لساعه 7 ومع ذلك بعد شهر العسل صارت الزوجه ببيت الاهل مطلقه وياما من بنات تزوجو عالبركه والميسووور وكانت احلى زواجه الله يسعد الجميع والواجب على الاباء اختيار الزوج المناسب الصالح فقط وعلى البنات عدم الاخذ بمظاهر الحياة لاجل التفاخر امام الصديقات والاقارب وما التوفيق الا بيد الله :) |
رد: حفلات الزواج بين الإفراط والتفريط !!
اقتباس:
ماعلي قصور هلا وغلا اشكرك على المتابعه والمرور الكريم اللهم امين |
رد: حفلات الزواج بين الإفراط والتفريط !!
اقتباس:
والله غريبه يانجديه انا اخبر البنت معها امها وخواتها يعجن الاسواق من الذهبان الا الملابس والفساتين والعطورات والمكيج والاثاث وقبل الزواج بكم ليله تجي دينا بالشنط اللي ويبقن كم يوم وهن يروحن ويجن يرتبن في هالغرف لا ويشاركن بعد في الديكور والتصاميم للبيت او المكان اللي بتقيم فيه بنتهم يعني يجن ويشوفن الشقه اللي تم بنائها وعدل وبدل وحط الباب ذا منا وذا مناك والزوج صعب يقول لا تصدر الاوامر وعليه التنفيذ ويمكن تكون الزوجه معهم وهو مايدري (( منخشه هههههه:16: )) الله يكثر من امثال الوالده اللي مهما شرت وسوت ماراح تتجاوز عشر العشره من البنت (( بنات اليوم )) :27: شاكر لكي المرور المهم جداً عسى تكون باقي البنات كذا |
الساعة الآن 06:54 AM
 |
Powered by vBulletin® Copyright ©2000 - 2024, Jelsoft Enterprises Ltd.
---