|
الشاعر الكبير شلعان بن ظافر الودعاني رحمه الله
تعريف :
هو الشاعر الفحل شلعان بن ظافر بن فهيد الجماعين الوداعين الدوسري الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة ( إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية. ميلاده : ولد بمدينة السليل عام 1340هــ تقريباً ولما بلغ سن الرشد سافر الى العاصمه الرياض والتحق بسلك الجندية وبقي وقتا طويلاً ثم سافر بعد ذلك لدولة الكويت والتحق بالجيش الكويتي برتبه جندي وبقي بضع سنين ثم عاد للمملكه لوطنه السليل وللمره الثانيه عاد للكويت للعمل في الجنديه وتدرج حتى بلغ رتبة رائد بالجيش الكويتي ثم رغب العوده للمملكه لموطنه السليل وأقام بمزارع الشيديه بالسليل الشاعر شلعان بن ظافر الودعاني تغمده الله بواسع رحمته في الحكمه:
يافهيـد شـب النـار وجـح المنـاره = واحمس من اللـي مـا بعـد عذربـو فيـه الـى انقلـب لونـه وقـرب صفـاره = إصفـح بهـا جمـر الفضـا ليـن تسويـه دقـه بنجـر المـاو تظهـر إعبـاره = حتـى يجـيـك إمــدور الـبـن يبغـيـه لامـن حكمـت الكيـف زود بـهـاره = تـرا صـلاح البـن مـن قـلـب راعـيـه زلـه تـرا اللـي حاضـر بالنتظـاره = وصبـه لمـن هـو بالشحاشيـح يشـريـه وعـده لمـن رايـه تدلـه أفـكـاره = حـلال حبـل إمروبعـات العـقـد فـيـه واثنه لمـن يثنـي القـدم دون جـاره = والـى دعـاه الحـرب رحــب إبداعـيـه وباقي العرب لـو كـان يشـره وداره = لاعـاد ماأنتـب فـي المراجـل بترجـيـه فالمرجلـه حبـلٍ تقـطـع شــراره = مـن يقضبـه يصبـر علـى حرقـة إيديـه والهـون هيـن مـا يبـي لـه إدواره = حبـل نعيـم مـن بـغـا ينـحـدر فـيـه يـا خاسـرٍ بالطيـب ماهـو خسـاره = من طاب فيك مـن الرجاجيـل طـب فيـه ياهيـه ياركـاب زيــن الغـمـاره=بلهـون ليـن أسـجـل الـخـط واطـويـه بلهـون ليـن الليـل يدنـي سـمـاره = مـقـدار فنـجـالٍ يصـوغـه إمسـويـه واخـذ الرسالـه مـن حكيـم القـداره =اللـي خـذا مـن زبـدة الـهـرج وافـيـه لا من ركبـت القـار عطـه الحـراره = خـل النبيـر إيميـل ويـعـد مــا فـيـه أجنب جنـوب والحسـا مـن يسـاره = خـط السليـل مـن ورا الخـرج يدعـيـه تلفـي إحمـام قبـل يطـلـع نـهـاره = مرباعـهـم مصيافـهـم قيـضـو فـيـه ياما حمـوا لدبـاش مـن كـل غـاره=لاصـاح صيـاح الضحـا عـنـد تالـيـه لا ثـار مـن عـج السبايـا إغبـاره = وردوا كمـا سيـل حـدر مــن مناشـيـه هـم ربعنـا لا كـلٍ عنـز إبــداره = والرمـح مـا يرجـع إسنـانـه لحامـيـه يـا كاسبيـن العـز فـي كـل شـاره = سـب القفـا خسـران مـن مدحتـه فـيـه وانتـو كبـار القـوم واهـل النعـاره =عقالـنـا لاضـيـع الـمـاء مـجـاريـه تـرا الدبـا ياكـل اكبـاره إصـغـاره = والحـر مـا يـاكـل طــوارف ثنـاديـه حنـا لكـم ذخـرٍ قــويٍ إسـتـاره = وانتـو سندنـا لا دعــا الـشـر داعـيـه ياهـل الشهامـه والفخـر والـوقـاره = ياربعنـا الـلـي كــل منـكـم بنغلـيـه فكـلٍ يقـول القـاف علـى إقـتـداره = والهـرج يكفـي صاملـه عــن توالـيـه من شـال حمـل الضيـم زاد إنهيـاره = لـو كــان طـيـب راس لازم يوطـيـه ومن شـق جيـب النـاس شقـو إزاره = ومن طاول أطـول منـه ضاعـت هقاويـه ومـن دور العثـرات يلقـى العثـاره = لابـد مـا ينـدم علـى فـعـل ماضـيـه ومـن يدعـي للحـق قـل إعتـبـاره = ومـن يدعـي بالـحـق يفـلـج إمداعـيـه ومن حط لـه بيـت النميمـه إتجـاره = مـكـروه والمـكـروه مـحـدٍ يـدانـيـه ومن شذ من ربعه الـى جـاء مشـاره = هـذاك لـو بوصـفـه ويــش أسمـيـه مـثـل الثـعـل لا قــرب الله داره = وان صـاد شـيء صيدتـه مـا تعشـيـه تـرا الفهيـم إفهيـم يعـرف مغـاره = والـداب فعلـه بـيـن إبـرجـل واطـيـه والرجـل صنـدوق وقفـلـه عـمـاره = وان إنكسـر قفلـه ظهـر كـل مـا فـيـه يـا الله يـا جالـي الخطـر والغيـاره = الله يسـاعـدنـا عـلـيـه وبــلاويــه لو نسـأل التاريـخ واظهـر أسـراره = شفنـا مواقـف كـل رجــل ومماشـيـه فاحـدٍ ذهـب واحـدٍ لسانـه دمــاره =الفـرق واضـح مـا يبـي مــن ينبـيـه واحـدٍ جبـل واحـدٍ دكاكـه جـواره = واحـدٍ سنـد واحـدٍ رمـد عـيـن معمـيـه واحـدٍ كمـا سـورٍ قـويٍ إحضـاره=مـن لاذ بـه بـردان يلقـى الـذرا فـيـه واحـدٍ كمـا شعـبٍ كثيـرٍ خضـاره = لا شافـه العسـاس شــد ونــزل فـيـه واحـدٍ كمـا شعـبٍ كثيـر إغـبـاره = يمـوت ضـبـه مالـقـا عيـشـةٍ فـيـه واخير من طـول الكـلام إختصـاره = ماقـل دل ومــن بـغـا الـرجـم يبـديـه قال رحمه الله في الابل:
بدعت المثايـل والمثايـل لهـا بيبـان = إلـى فتحـت بيبانـهـا جــاك مافيـهـا على القصد والمقصود بعـدل القيفـان=عسـى راع الـبـل عـنـد ذوده يغنيـهـا يغني بهـا فـي خايـعٍ علـه الـودان =بذيك النفـود اللـي عسـى الغيـث يسقيهـا تهشم ربابه من طريـف إلـى نجـران = مداهيل عـوج السـوق ربـي رضـا فيهـا تشوف الخزامى و الشقارى مع المكنان = تخالـف زهـرهـا ساكـنـاتٍ ذواريـهـا تكبر قياع الرمث من زاهـر iiالحـوذان=كساهـا ولـي العـرش وأحسـن iiكساويهـا مداهيل حلوات اللبـن خلقـة الرحمـان =مجاهيـم سـود خالـق الكـون iiمسويـهـا مجاهيم جاذبها الفحل والوجيـه زيـان=وســاعٍ مرافقـهـا طــوالٍ خطاويـهـا جليلات عظم الساق مرفوعـة الحجـان = طـوال الـرقـاب مشرهـفـات أذانيـهـا عراض الخدود اللي تماري بها البـدوان = كبـار الفقـار موسعـة صـدر راعيـهـا مجاهيـم رمليـات لخشومهـا نيشـان =ترافـض بـلا دمـهـا حــدادٍ نواصيـهـا هوى القلب خطوى نايفة والضلوع متان = تجـي بالحـلا والزيـن وتـرد بـه فيهـا كبيرة مزر الورك فجحا مـن السيقـان = تخنـطـل قوايمـهـا كـبـارٍ مواطـيـهـا تمايـح بذبـلٍ مثـل دراهـة الـقـران = نهـار الـطـرب هــذا لـهـذا يوديـهـا لهـا غـاربٍ متقـدمٍ شامـخٍ ملـيـان =يدافـر حبـاك العـيـز والعـيـز حاليـهـا وساع منادغها مـن الـزور للكعيـان = بهـا كـل شـيٍ زيـن والملـح غاشيـهـا طموحٍ تحذف أشناقهـا واسعـة بيعـان = فـروعٍ فتـون البـيـد عـسـمٍ أياديـهـا ولا رايعت كن المعنـق علـى رمـان=تعوجـه مـن العاتـق خـفـوقٍ لواحيـهـا سنودٍ من الغارب فسيحة من الذرعـان = عسـى ربنـا مـن شـر خلقـه ينجيـهـا البل تراها السود والصهـب يالظفـران = وشقـحٍ سـواد اذيالـهـا فـاصـلٍ فيـهـا أنا احب شوف الوضح وضاحة الألوان= مغاتيـر مـن جلـد الوضيحـي تحاليـهـا مغاتيـر جذابـات ومكحـلات أعيـان=جميـع الوصايـف كلهـا كامـلـة فيـهـا مغاتير فنس خشوم فيها الدريعـي بـان = عرانينـهـا وشعوفـهـا فاصـلـة فيـهـا مغاتيـر معروفـات وطبوعهـن زيـان = على الصوت ماتبغي راعي الصـوت يتليهـا الى شفتهن رتوع في خاطـي الجيـان = تشـادي القنـوف المرسيـة بامـر واليـهـا مغاتير لامن سمعت الصوت والدنـدان = لاكـن الذيابـة تهـتـوش عـنـد تاليـهـا مغاتير لاغنـى المغنـي علـى عليـان = ضربها السطر لا صـاح بالصـوت راعيهـا الـى جلعـت لاكنهـا شـرد الغـزلان=وراهــا المـفـرد يابـسـاتٍ علابيـهـا الى من ذعرها الصوت واستولت الميدان = يقـوس ذرايـب عجهـا مــن سماريـهـا ركد عجها من سجها والجـرس رنـان = تجـي ذي مـع هـاذي وهـاذي تباريـهـا ترى البل فرح وسرور من خلقة الإنسان = عسـى الله يبـور بواحـدٍ بـايـرٍ فيـهـا كنوز البداوة منقـذه راعـي البستـان = مواريـث جـدود باشهـب الملـح تحميـهـا مداخيلها عسـرة علـى بايـع الرمـان =ولا تصلح البل كـون فـي مـرّح اهاليهـا حلا ما حلا مرواحها تجـذب الحيـران = الى أقبل غروب الشمـس والليـل ضاويهـا على بيت منهو يكرم الضيف والجيران = عشيـر النشامـى كـل ماحـل طاريـهـا عسى من يسوق المال في غالية الأثمان =يبـارك لـه الرحمـان فيـهـا ويذريـهـا أنا قلتها وادخل علـى الله مـن النسيـان = مع النـاس صفـر وزرق مانـي بناسيهـا وحمر وشعل تختلـف بينهـا الألـوان = إلى تـاه فيهـا الوصـف تعـرف باساميهـا ترى البل تعز الرجل تكفون يالجذعـان = حـرامٍ عليكـم تركهـا والطـمـع فيـهـا وصلاة ربي عد مـالاح بـرق وبـان = بسـود القنـوف اللـي غــلاظ مثانيـهـا على الهادي المبعوث بسنة من الرحمان = شفيـع أمتـه لا نوديـت بـامـر واليـهـا وله ايضا بالفخر
التغلبي والزايدي منبع الكرم=دواسرٍ يشكي العدو من جورها نملك مداين بالسيوف القطّع=صوارمٍ روس الجماجم نقورها يرسخ بنا غرسٍ تمايل عذوقه=ولابنينا من وراها سورها السور حد السيف والخيل والقنا=وذيدانا ترعى بعالي قفورها حن درعها الضافي وحنا جمالها=حتى غدت جنه تبارى نهورها الغوينمي قد قالها في مثايله=دارٍ تلقت من سعدها سرورها بــــدويه حــضريه شـــاويه=فيها المعاوش من جميع جذورها حناسكانها ويانعم السكن=نحمي جوانبها ونجني ثمورها بلادنا راياتها مرفوعه=نـــوضــي لياليها بنور بدورها يامانحينا دونها من سربه=لاقادها خيالها مصطورها نسقيه من حوض المنايا جرعه=بشلفٍ يوردحدها ممروها الشاعر شلعان بن ظافر الودعاني تغمده الله بواسع رحمته دواسر فوق الخيول كواسر
حنا الى حل القدر دسنا الخطـر=والحايـم الظمـيـان وردنــاه نرويـه دم مـن كبـود عدانـا=ونصدره رويـان مـن مـرواه يشهد لنا بالحرب ضرب سيوفنا=والجـمـع لاشفـنـاه فرقـنـاه ويشهد لنا من زارنا فـي دارنـا=واللـي يقولـه فعلـنـا قلـنـاه افعالنا بالحـرب ترفـع روسنـا=والمجـد حنـا ساسـه ومبنـاه حنا هل الوادي بسيف ومنسـف=وكـل يلاقـي عندنـا جــزاه دواسر فـوق الخيـول كواسـر=ياسعـد منـا محمزمـه سعـداه نرمي بنيران الحـروب كبودنـا=لا ضاق من عج الخيول سمـاه سم سقطري فـي كبـود عدانـا=وايضا تري من جا لنـا جينـاه حنـا نـداوي خصمنـا بالعلـة=يـروح جرحـه فيـه مانسـاه حنا هل الغرس الظليل الداجـي=نرعي صخاف الشول في مضماه وحدودنـا بسيوفنـا مـحـدودة=نرعـي بهـا والضـد ضدينـاه ورا بني رمح جنـوب حدودنـا=والخـرج رسـم حدودنـا وراه حامينها يوم القنـا يقـرع القنـا=بمزرج تشـرب وراه اعصـاه ومشوك ماهـس فـي مضرابـه=بين الثنـادي والظهـر يشـلاه بعنا النفوس الغالية مـن دونهـا=واما الفخـر والمجـد مابعنـاه هذا كـلام الشاعـر الودعانـي=من مطلعه قلتـه علـي معنـاه تمشي به الأقلام في كـل ديـره=واللـي ثقـال الـروز قدمنـاه مثايـل يطـرب لهـا عدادهـا=مثل الذهب ياربـح مـن شـراه هذا وأنـا مـن لابـة معروفـه=سقم الحريب اليـا عثـا بشـواه لطّامة العايـل عنـان العاصـي=لاعضت النجـذ علـي الشفـاه ما فاز جمع والوداعيـن ضـده=يرجـع بغلـه زاهـد دنـيـاه وان كبرت القالة وجت بالحمايـا=ذيب عوي قـاد الذيـب عـواه من كان في زايد وفـا بالوعايـد=لبـي نـدا الداعـي لادعــاه من كل فج جا وصوب الـوادي=مـع كـل شيـخ لابتـه تتـلاه جينا كما بحر الى هاج والتطـم=مايشرب الظميـان بـارد مـاه ودعانـي ورجبانـي وعمـاري=والمسعري خوض الحروب مناه وآلاد حسن والمخاريـم درعنـا==مركاظهـم والله مــا ننـسـاه وما فشل جمع فيه لاد الحبيبـي=مـن كـل حـر طيـب مجنـاه وعمور لامن صك حاجب حاجب=اروا حمهـم يـوم اللقـا مهـداه وان جا الغييثي في مقاديم =سريةتكبـر علـي عدونـا بـلـواه ولاد الحريجي ويل من بنحوره=مضربة قضا تعطي الخصيم دواه ومن كان في تغلب الى سمع الندا=جانا وسيف الزيـر فـي يمنـاه ترسي رواسينـا وتفعـل يدينـا=وان صك جمع جمـع حطمنـاه حنا حماة الدار والجار والوطـن=كـم عايـل بالسيـف طوعنـاه قال الشاعر شلعان بن ظافر الودعاني تغمده الله بواسع رحمته
مدح الفتى نفسه يجيب المناقيد=يسكت وتالي كل شيٍ يبيني أرغب جلوسي عند من رايه أيفيد=والمستفيد أبحث وراه أو يجيني لاصار منعور ودليل وصنديد=هذاك لو جار الدهر ما يليني ماكل من يرمي الهدف قال باصيد=أولا كل رجلٍ باللوازم يبيني والبيت ما يبنا بليا عواميد=والدين مايقضيه عذر المديني الحر ما ثارت عليه البواريد=لاشك صاده حيلة الصايديني هواي لامن غرد الطير تغريد=في خايعٍ فيه العرب نازليني فيه الشقارا والخزاما عراجيد=ريحة هواها ينعش الممحليني هواي نجرٍ تالي الليل يافهيد=لجة ضلوعه تجذب الغايبيني لاصار بالمجلس قرومٍ وأجاويد=والهرج راكد بالكلام الثميني وهواي مشرافي على عالي الحيد=وأمد شوفي بالعصير المكيني مدهال قرناسٍ غيورٍ على الصيد=صفقت جناحه مثل ضرب العريني وهواي والله مبعدات العباريد=من لفض شاربها يجي العلم زيني وهواي يوم الهواء فيه توكيد=شوف الجوازي قبل راسي يبيني ما ذرتها واديرها مثل ماريد=بقدرة الله كنها في يميني وهواي لاكثرت عيون الحواسيد=أبعد وخلي ديرة الحاسديني وهواي أجنب عن جميع التقاليد=وعيش بالذكرى مع الأوليني لاوأسفى لاشفت بعض المقاريد=جرعات من كاس الرداء شاربيني دنيا الفتى ماهيب تنصاد وتصيد=إلاوكم غارت على الغافليني إليا عطتك اليوم تفتل لك القيد=قيدٍ يجي في موعده يالفطيني كم طقت أرقاب الرجال الصناديد=شمط اللحا فرسان غبر السنيني كم زخرفت لمعطرات الأجاعيد=وخذت محاسن صافيات الجبيني وكم لوعت قلب وكم نوحت سيد=يروي نهار الهوش حد السنيني للشاعر شلعان بن ظافر عليه رحمة الله في الدواسر ( ومن اروع قصايده في الدواسر
طار الكرى من مقلة العين وامطرت = سحابه يسبق مطرها رعودها في صافي القرطاس يمشي بها القلم = مثايل خيط البريسم يقودهــــــا ناخذ نواديها ونترك هزيلهــــــــا = فعل الردا ما خش بين بنودها ذا شرعنا وطبوعنا وسلومنـــــــا = نسبق على العليا ونرقي سنودها وان جات سوالفنا ينومس دليلهــــــا = صحايف التاريخ تثبت وجودهــا سوالف مهيب لاحد غيرنـــــــــا = جيراننا وجدارنا من شهودها حنا الدواسر ممنة كل خايــــــــف = دايم على العليا تواثب جهودها الطيب ما يخفي على كل طيـــــــــب = الاجواد كسب الطايله ما يكودها الزايدي والتغلبي من دوســــــــــر = افعالهم عود بعين حسودهـــــا بالسيف نملك كل خضرا مدينـــــه = لين اصبحت جنه نهزع فنودها حنا هل الوادي عما كل عادي = لاجت شيوخ القوم تسحب جرودها نحدهم ونردهم عن هواهم = والموت للي جا بقومه يذودها هذي ديرتنا والاذاني تسمع = واللي يسند اذنيه يذودها حنا بني زايد بزود فعولنا = والزايديه كل يوم بزودها نفعل بفعل جدودنا ونزيدها = حيث الضرايب تتبع مهودها حنا هل البل من قديم وحاضر = فنس الخشوم اللي زيان خدودها تفرح بنا لا صاح صياح ريبه = لاحنت الفاطر تبي مفردوها نلحق على قب سكنا ظهورها = كن السهوم المطلقات جسودها ولا من رمت بقناعها الزايديه = وعلى جثيل المال ساقت قعودها نورد الاسياف بيض لوامع = ونصدر الاسياف حمر حدودها خيالة الحرشا ونعتزي بها = عزوة حرار مرثتها جدودها وخيالة الجدعا وهي عزوتنا = ولا نفخت بعض الرجال لغودها وراعي صخوف الشول سيف قاطع = لامن انتخى صاب الخيل جمودها نرعى بها غصب على كل حاسد = يبري لها خيالها نمرودها وفرسانها من دونها تنطح العدا = باللي تقص الراس من جلمودها حنا هل قيمه رجال الشيمه = دواسر كسب الثنا مقصودها الزايدي والتغلبي من دوسر = تاج الفخر ملبوسها من صمودها نحب نكسب كل علم طيب = سوالف يا زين قطف ورودها اهل الحسب واهل النسب والشيمه = نعطي الرجال حقوقها ونزودها هذا كلام الشاعر الودعانـــي = مثايل بافعالها وشهودهــــا ما كل من يرمي الهدف صاب الهدف = ولا كل شجره ينبت الورد عودها تمت وصلى الله على سيد البشر = ما غنت الورقا بعالي فنودها الشاعر شلعان بن ظافر الودعاني تغمده الله بواسع رحمته
يقول من نفسه رفيعه وعاليه=يعطي الرجال حقوقها في مثايله والرجل مايعرف يلين يتكلم =تبين من منطق لسانه دلايله يكفيك منطوقه وتعرف عنه =جميع مايخفيه كنك تخايله اما يجي مثل الحصان العلوة=ولاكديش هافيات اصايله وترىالمثل كالدر في شمخ الذرا=يطيب لامن طاب بالقول قايله وترى الرجال الرجال بهم ثلاثه=والرابع اللي كاملات خصايله الاول الضرغام في حومه الوغا=بين الاخذ والرد يمناة طايله والثاني اللي فكرته محمودة=حلحيل وتصيدالرجال حبايله والثالث اللي سفرته ممدودة=وإلى عطا يعطي كبار جزايله والرابع اللي جامع ذي كلها=غيث تبشر بالربيع مخايله ربعي شغاميم الرجال ال زايد=صمه جبل مايقدر احد يحايله يروون حوض الموت لاحل القضا=لاعود المفلول ينقل فشايله الشاعر شلعان بن ظافر الودعاني تغمده الله بواسع رحمته
طاب كيفي وستوى الطـاروق ليـه = والنفـوس العاليـه تلحـق مناهـا مانعلمهـا علـى طـردالـرديـه = والطويلـة معتليـنً فـي حجـاهـا زايـدي مانيـب مجهـول الهويـه = من وداعيـنٍ تعـدي عـن حماهـا نكسب النامـوس ونحـل القضيـه = بالسيوف اللي علفهـا مـن عداهـا رافعيـنٍ روسنـا فـي كـل هيـه = محتمـنٍ حدودنـا محـدنٍ وطاهـا والسـلـوم الطيـبـه لـزايـديـه = فرحة جريـس اليمانـي مانساهـا يـوم زبـنـاه بـعـزومٍ قـويـه = لابتـن شجعـان ويـذري ذراهــا ومـن سوالفنـا وسيـم العامريـه = يوم صاحت صيحةٍ يصـرخ نداهـا هـزت الـوادي وهزتنـا الحميـه = عقب فجعتها عطيناها ولانبغي جزاها وأذكر أبن مطرفٍ راعـي الجنيـه = يوم عدتـه القبايـل مـن حماهـا جـاء وحطينـاه بحصـونٍ ذريـه = يستريح أبها الزبيـن الـى نصاهـا خايـفٍ مـن ضربـات أدومـيـه = الشريـف وضربتـه محـدٍ قواهـا بيرقـه يطـرخ وساقتـه المنـيـه = رايتـه صبيـان زايـد كسـراهـا كن طرق الخيـل حالـوب أبرديـه = لقبلـت هـذي وهاذيـك تحـداهـا ليـن ضاقـت بالشريـف الجندليـه = وحولوبـه مـن ظهرهـا وقلعاهـا والفخر قوز الشريف أصبح سميـه = تربـةٍ صبيـان زايـد رسمـاهـا ومن سوالفنـا الـى جـاو دخليـه = شرعنا وسلومنـا ناسـم عصاهـا ممنيـن الجـار ونسـوق الوصيـه = سجلـت بجدارنـا كــلٍ قـراهـا والخوي ناخـذ بثـاره مـن خويـه = لامشالـه سنـةٍ مـحـدٍ مشـاهـا نجـزره بسـوق بنفـوسٍ رضيـه = ذبحتـك يالجنبـي خذنـا قضـاهـا وسلمنـا ساقـت ديتـه الزايـديـه = ذابحيـنٍ فيـه وديـتـه أدفعـاهـا تـم قولـي والصـلاة علـى نبيـه = عد ماذعذع الغربـي مـن هواهـا الشاعر شلعان بن ظافر الودعاني تغمده الله بواسع رحمته
يقول من هاجوس قلبه يدله=وعيني تخايل عاليات الشناخيف وادور على الطيب ووهت محله=واحافظ على رفقة بعيد المشاريف رجل الرجال اللي يظلل بظله=مثل الجبل ما زعزعته العواصيف عزيز نفس ما مشا بالمذله=رايات عزه يلعبن الغطاريف لاطالت أيام الدهر ما تمله=تلقى النشامى له ومثله مواليف جالس عزيز ولايجي فيك خله=وترى الجليس يمثلك بالتواصيف ترى الرجال رجال وبهم مفله=أشكال تعرف أعزوم وتصاريف وكلٍ يسير وسيرته شاهد له=وتبين من نيات قلبه طواريف يرسم على نفسه صحايف مجلة=لو كان يخفي سيرته من العرب شيف ومن لا فعل ماب الشرف حاصلٍ له=وقولٍ بلا فعلٍ حكايا ملاقيف والطيب يبغي واحدٍ عاشقٍ له=يرفع خطاه العاليات المشاريف على العسر واللين متحملٍ له=ومعسفٍ نفسه على العز تعسيف قلبه على كسب المراجل يتله=تلة حبال مكسرات العصاريف ثلاث ترفع مستوى الرجل كله=واليا حصل ثنتين جاله مواقيف ألوله يكسى بها طايع الله=والله كريم وشرف الدين تشريف والثاني اللي تنعرف عزوةٍ له=اليا قيل وين اللي يورد شبا السيف والثالث اللي ضيف داره يدله=كريم سبلى يكرم الجار والضيف واللي جمعها كلها سجلت له=عزٍ تقصر من فضاه المحاذيف تاج الفخر ماكل رجلٍ يشله=الا الذي رجله تدك الشواطيف نوبٍ تجي ضده ونوبٍ أرضله=ونوبٍ تحذف به على البر والسيف ونوبٍ عراقيب الليالي تمله=ويصبح يصارع لفحة البرد والصيف وجهه على كسب العلا جابرٍ له=لوكان ماها مايبل المغاريف راع الصخا رب البرى عاينٍ له=ضيقات وقته من خرجها مناكيف والقصيده هي للشاعر /شلعان ابن ظافر الوداعين ومناسبته نزاع حصل بين الدواسر وقحطان على عد يقال له الجزلا جنوب وادي الدواسر على عهد المللك خالد رحمه الله وحصل قصائد من شعار قحطان وفيها سب للقبيله وقام شعار الدواسر بالرد ومن ضمن الشعار وهو الذي اشتهر الشاعر شلعان وهو يقول في القصيده ولست احفضها كامله:
حنا بني زايـد وسـاع البنايـد=-صـوارمً طيـر السعـد يبرالهـا حمر مضاربنـا بـروس اعدانـا=لا مشعت بين الرجـال اسلالهـا ومن كان يبغى ينتصـر بلسانـه=حنـا بضـرب ايماننـا نحتالهـا قم يا نديبـي وارتحـل عمليـه=يعجبـك ياركابـهـا سربالـهـا لاروحـت مـن ديـرة الزايديـه=تلفي على قوم يضـل اضلالهـا قحطان لاذكرت فـروع القبايـل=يانعم بالاجنـاب لا جـا مجالهـا نوخ الى من جيت بيت اميرهـم=وسلـم علـى خيالهـا رجالهـا وسلم على من كان فيـه نعـاره=للي ثقيلات الحمـول ارتكالهـا ياكاسبيـن العـز جانـا منـكـم=كم خامله شفنا الردى من خلا لها من شاعرً يضرب بزيره عندكـم=نفسه على الدرب الخبيث امها لها يقول في سمحين الوجيه آل زايد=هرجة ردى ماغيره احـدً قالهـا وانتوا معرفتكـم تكـذب مقالـه=لا صحصح البيـن وراح خبالهـا جا دوركـم ياكاسبيـن النفايـل=ويـن انـت يافتالهـا حلالـهـا تقدموا بالراي والميـز والذكـى=قبـل النفـوس يبيعهـا دلالهـا ياشين ذاك اليوم في حومة الوغى=مجـازرًا تكثـر يتامـا اطفالهـا منـا ومنكـم والصحيـح اقولـه=والغيب خلف ايامها مـع ليالهـا اما خذينـا الطايلـه وانتصرنـا=ولا تساوينـا بـذي وامثالـهـا حناهل الـوادي معفيـن المـدر=كالغيث يسي الارض عقب محالها نرعى بحد السيف وندوس الخطر=وبلادنـا حنـا قمرهـا هلالهـا ترسي رواسيها بفعـل ارجالهـا=ونعدل العاصي الى مـن جالهـا هاذي مواقفنـا وهـاذي افعالنـا=ياللي طواك الياس حط رحالهـا خـل المهابـد والمزابـد وافلـح=واترك شغاميم الرجـال وفالهـا ان كان فيك من الرجـال طبيعـه=فاترك معايهـا وهـات جزالهـا تمت بختمان الصلاة على النبـي=ما لاح برقً فـي رفايـا خيالهـا هذة قصيدة قالها الشاعر شلعان ين ظافر بن فهيد الجماعين الودعاني وكانت المناسبة (هيه ) بين الرجبان من الدواسر والقحاطين.
يانديبي وارتحـل عجـل المفـر=مع طلوع الشمس في ضوح النهار ينحر الرجبـان تيجـان الفخـر=حاش فعل ايمانهـم تـاج الوقـار ياهـل النامـوس يابيـت الظفـر=كلنامعكم بعزم وافتخار نرقب الداعي الـي حـل القـدر=لاد ابن ودعان مرخصة العمار كلنـا رجبـان لاحـل القـشـر=ننطح العايل وبندقناقرار ضربنـا بالـراس والابالنـحـر=من وقع بنحورنا ماله فرار نكسب الناموس وندوس الخطـر=والعدو نرمي صفوفه بالدمار يبطي المكسور عظمـة ماجبـر=والمعافي شـال حملـة واستـذار من حربنا شرب من كاس القهـر=مـالـة الاالــذل والاانتـحـار حن هل الديـرة معفيـن المـدر=ناخذالجودات غصـب بانتصـار من يجـي بنحورنـا مالـة مفـر=ضاع عقلة من سريعـات المثـار كم عدو جـاب جمعـة وانكسـر=لاخذينـا منهـم قصـار العمـار حـي ربـع مايغيرهـا الـدهـر=لادعا الداعـي تسابقـوا المفـار من يعارضنـي الاجـاه الخبـر=عـارف بافعالنـا ولـه الخيـار الشاعر شلعان بن ظافر الودعاني تغمده الله بواسع رحمته
طاب كيفي ورجلي زان ممشاهـا = والمعاني وزنهـا عـدل ميزانـي مـا نبـي ناقـد بالنقـد يقفاهـا = خايف من بعض الاشخاص يقفاني مـن شواذيبهاعليّـت مرقـاهـا = نازله فـي منـازل كـل ديقانـي ياحـرار رفعهاطيـب مجنـاهـا= من كرمها لها بالطيـب عنوانـي تشبع اضعوفها من ظرب يمناهـا= تكسب المدح شيبانـن وشبانـي مرحبـا عـد ماهلـت رفايـاهـا= اوالتراحيب للقاصي مـع الدانـي من بني عمنـا واللـي توحاهـا= وكل قرم إلي من جيت له جانـي ليلة مـن ليـال العمـر فدناهـا = وقفتي بين ربعي تبعـد أحزانـي لابة للمراجـل تشقـح أخطاهـا = تكرم الضيف والجيران والعانـي لابتي مايـدوس الضـد بحماهـا = من على عصر زايد وبن بدراني لابتـي زايـد الملطـوم منشاهـا = ممنـة جارهامـن كـل عدوانـي ترتفع روسنـا لامـن ذكرناهـا= ذا كلامي ونا مـن لاد ودعانـي لاد ودعان راس الرجـم مرقاهـا = كاسبين المراجل سـر وعلانـي لابتي من يريـد العـز ينصاهـا = يستريح بذرا ذربيـن الايمانـي قصت الشمري يانـاس محلاهـا = يوم ثور عسـام الجـو دخانـي فوق سيارتـه والقـوم تشعاهـا = اجنبـي وحيـد مامعـه ثـانـي قل عزم المكينـه ونقطـع ماهـا= قال هـذا قعـد مافيـه عقلانـي ياوداعيـن بحرقهـا وبنسـاهـا = والعوض عند ربي عالي الشانـي عودولـه ولا واحــد تعـداهـا = حذفو بالهـدوم طيـور حوانـي شلحوهـا بنـي عمـي وشلاهـا = لابـة فالقـا مـاهـم بـذلانـي والقنابـل تخطفهـم شظايـاهـا = ماختلف واحد مـن لاد ودعانـي حملوها ونـار الحـرب تصلاهـا = اشهد انهـم مناعيـر وشجعانـي عقب يومين في نجـران ملفاهـا = وشترو نقصها من سوق نجراني ماتعـدو مكانـه ليـن شـداهـا= وشتغل صافين ماهوب خربانـي ذي سوالف بني عمي شرحناهـا= ماضياتـن لهـا فعـل وبرهانـي الشاعر شلعان بن ظافر الودعاني تغمده الله بواسع رحمته [poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" shadow(color=burlywood,direction=135)"] بدعت المثايل والمثايل لها بيبان=إلى فتحت بيبانها جاك مافيها على القصد والمقصود بعدل القيفان=عسى راع البل عند ذوده يغنيها يغني بها في خايعٍ عله الودان=بذيك النفود اللي عسى الغيث يسقيها تهشم ربابه من طريف إلى نجران=مداهيل عوج السوق ربي رضا فيها تشوف الخزامى و الشقارى مع المكنان=تخالف زهرها ساكناتٍ ذواريها تكبر قياع الرمث من زاهر الحوذان=كساها ولي العرش وأحسن كساويها مداهيل حلوات اللبن خلقة الرحمان=مجاهيم سود خالق الكون مسويها مجاهيم جاذبها الفحل والوجيه زيان=وساعٍ مرافقها طوالٍ خطاويها جليلات عظم الساق مرفوعة الحجان=طوال الرقاب مشرهفات أذانيها عراض الخدود اللي تماري بها البدوان=كبار الفقار موسعة صدر راعيها مجاهيم رمليات لخشومها نيشان=ترافض بلا دمها حدادٍ نواصيها هوى القلب خطوى نايفة والضلوع متان=تجي بالحلا والزين وترد به فيها كبيرة مزر الورك فجحا من السيقان=تخنطل قوايمها كبارٍ مواطيها تمايح بذبلٍ مثل دراهة القران=نهار الطرب هذا لهذا يوديها لها غاربٍ متقدمٍ شامخٍ مليان=يدافر حباك العيز والعيز حاليها وساع منادغها من الزور للكعيان=بها كل شيٍ زين والملح غاشيها طموحٍ تحذف أشناقها واسعة بيعان=فروعٍ فتون البيد عسمٍ أياديها ولا رايعت كن المعنق على رمان=تعوجه من العاتق خفوقٍ لواحيها سنودٍ من الغارب فسيحة من الذرعان=عسى ربنا من شر خلقه ينجيها البل تراها السود والصهب يالظفران=وشقحٍ سواد اذيالها فاصلٍ فيها أنا احب شوف الوضح وضاحة الألوان=مغاتير من جلد الوضيحي تحاليها مغاتير جذابات ومكحلات أعيان=جميع الوصايف كلها كاملة فيها مغاتير فنس خشوم فيها الدريعي بان=عرانينها وشعوفها فاصلة فيها مغاتير معروفات وطبوعهن زيان=على الصوت ماتبغي راعي الصوت يتليها الى شفتهن رتوع في خاطي الجيان=تشادي القنوف المرسية بامر واليها مغاتير لامن سمعت الصوت والدندان=لاكن الذيابة تهتوش عند تاليها مغاتير لاغنى المغني على عليان=ضربها السطر لا صاح بالصوت راعيها الى جلعت لاكنها شرد الغزلان=وراها المفرد يابساتٍ علابيها الى من ذعرها الصوت واستولت الميدان=يقوس ذرايب عجها من سماريها ركد عجها من سجها والجرس رنان=تجي ذي مع هاذي وهاذي تباريها ترى البل فرح وسرور من خلقة الإنسان=عسى الله يبور بواحدٍ بايرٍ فيها كنوز البداوة منقذه راعي البستان=مواريث جدود باشهب الملح تحميها مداخيلها عسرة على بايع الرمان=ولا تصلح البل كون في مرّح اهاليها حلا ما حلا مرواحها تجذب الحيران=الى أقبل غروب الشمس والليل ضاويها على بيت منهو يكرم الضيف والجيران=عشير النشامى كل ماحل طاريها عسى من يسوق المال في غالية الأثمان=يبارك له الرحمان فيها ويذريها أنا قلتها وادخل على الله من النسيان=مع الناس صفر وزرق ماني بناسيها وحمر وشعل تختلف بينها الألوان=إلى تاه فيها الوصف تعرف باساميها ترى البل تعز الرجل تكفون يالجذعان=حرامٍ عليكم تركها والطمع فيها وصلاة ربي عد مالاح برق وبان=بسود القنوف اللي غلاظ مثانيها على الهادي المبعوث بسنة من الرحمان=شفيع أمته لا نوديت بامر واليها [/poet] الشاعر شلعان بن ظافر الودعاني تغمده الله بواسع رحمته [poet font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" shadow(color=burlywood,direction=135)"] وجودي على بدوٍ رعو حومة النقيان"="رعو في جديد العشب لازاف زملوقه وجودي على شوف المعاشير والحيران"="مظاهير أهلها جات للقفر مسيوقه نصو مرتعٍ فيه الخزامى مع المكنان"="يعط الندا به ما بعد يبست عروقه وبنوا به أبيوتٍ واستقلت كما الحيطان"="وترى ذي حياة الروح والنفس ملحوقه وشب المناره متعب البن للضيفان"="وتلافو عليه اللي يحبون منطوقه حمس طبخةٍ تقعد خوا الدايخ العمسان"="ولاهيب لانيه ولاهيب محروقه نكبها بنجرٍ كل ما ضرب زاد جنان"="الى من ضجر كن صوته يجيه من فوقه حكمها على غاية هل الكيف والظفران"="بها زعفران وهيل واشكال مرفوقه وخذاها خفيف النفس في دلة الرسلان"="بها طمغةٍ من حقوها فوق مدقوقه وبعد ساعةٍ قامت تواردهم الذيدان"="رتع كل ذودٍ عقب مشيه وطاروقه رعت كل عشبٍ ٍخايعٍ مــاتبي رعيان"="مع كل شقه عشبها تومي عنوقه كساها الشحم عقب الهزل لين جات سمان"="فضايل كريم خاط من جوده إفتوقه فحلها مع طرفها والوجيه إزيان"="كما الطار محني الزبد يضرب أشدوقه الا ياوجودي وجد من فارق البدوان"="طواه الهيام وثومة القلب محروقه انا ما ذبحني كود من عودها ريان"="كما غصن موزٍ تدبح بروسه عذوقه رقيق المعنق كنها قايد الغزلان"="الا من مشت كنها من الحقو منتوقه جرحني وراح ومكسبي منه الحرمان"="جداي الونين ودمعة العين مدفوقه [/poet] وفاته : إنتقل إلى رحمة الله في يوم الأربعاء 9-5-1424هـ الشاعر الفحل شلعان بن ظافر الودعاني الدوسري أحد أشهر شعراء الدواسر بعدما صال وجال في مضمار تفاصيل كثيره في مجال الشعر التقطها بحكمة بالغه رحمه الله رحمة واسعه وأسكنه فسيح جناته وإنا لله وإنا إليه راجعون . جمع الموضوع من قبل تركي الودعاني جميع الحقوق محفوظة للمنتدى الرسمي قبيلة الدواسر |
رحم الله الشاعر الكبير شلعان بن ظافر الجماعين واسكنه فسيح جناته
لاهنت اخوي تركي على هذه الموضوع المتعوب عليه. تقبل تحياتي،، |
لاهنت ياتركي على المجهود الواضح والمشاركه المتعوب عليها وبيض الله وجهك والله يرحم الشاعر برحمته ,,,,
|
الله يرحم الشاعر الفحل شلعان
وبيض الله وجهك يابن عمي على طريقه وضعك للموضوع والله لا يهينك . تحياتي ،،،، |
العماني لاهنت علي مرورك واشهد انه متعوب عليه
|
لاهنت يالنشمي الله يعطيك العافية ويرحم ابو ظافر ويكثر أمثاله
|
الله يرحم الشاعر الفحل شلعان بن ظافر
شخصية غنية عن التعريف وسطر لها التاريخ في مجال الشعر عنوان عريض فيه من معاني الرجولة والحمية والكرم والمباديء والقيم بيض الله وجهك يابن العم على مجهودك وموضوع يستاهل التثبيت |
اخوي نايف وجهك ابيض يالقرم واشهد انه متعوب عليه لاهنت يالقرم علي مرورك
|
رحم الله الشاعر الكبير شلعان بن ظافر واسكنه فسيح جناته
ولاهنت اخوي تركي وبيض الله وجهك يالقرم والله يعطيك العافية وطوله العمر تقبل تحياتي,,, |
البراق يشرفني مرورك علي مواضيعي ولي الشرف طال عمرك
وجهك ابيض يابن عمي والي الامام |
الله يرحمه ويسكنه الجنه الشاعر الكبير شلعان بن ظافر بو هادي تسلم يمناك ولا عدمناك ابداع يا بو هادي وعساك على القوه |
سفير السليل ولا انت والله يعافيك يالقرم
|
ابو محمد الودعاني وجهك ابيض ياولد عمي ويشرفني مرورك الكريم
|
لاهنت ياتركي على الموضوع الطيب والله يرحم ابوفهيد ويسكن روحه الجنه وجميع موتى المسلمين وهاذي عوايدك يالقرم وننتظر منك المزيد
|
حمد الودعاني وجهك ابيض يالقرم والله يعافيك ويسعدني مرورك الكريم
|
الله يرحمه ويسكنه الجنه .الحقيقه هذا رجال نادره من مثله .الرجل الذي لم تلد النساء مثله.
يعطيك العافيه اخوي تركي على الموضوع المتعوب عليه. تحياتي لكـ: محمد الحبشان |
الله لا يهينك يا تركي على المجهود الواضح
ونسال الله ان يتغمد روح الشاعر شلعان بواسع رحمته اخوك في الله محمد الغريري |
الشكري بو عبدالله لاهنت يالغالي علي مرورك الكريم
|
السلام عليكم ورحمة الله وبركاته الأخ العزيز ( تركي الودعاني ) موضوع من أجمل المواضيع التي قرأتها عن الشاعر الكبير شلعان - رحمة الله عليه - الذي لم يألوا جهدا في الدفاع عن قبيلته ( بيده ) قبل ( لسانه ) والذي كان محبوبا من جميع قبائل الدواسر ( بدون أستثناء ) عسى أن يكون عوضنا في أبناء اليوم ( ان شاء الله ) . تقبل تحياتي ,,, أخوكم :- الهيلاني . |
اخوي تركي الطيب مايجي منه ال كل علمن طيب فديتك وفديت الجماعين والوداعين عامه ويانعم العرب
|
الشكري لاهنت يالقرم علي مرورك
|
المبيعيج ولا شنت يالقرم ويسعدني مرورك
|
ابن حبشان الله يعافيك ولاهنت علي مرورك
|
اخوي محمد الغريري ولا شنت يالغالي ويسعدني مرورك
|
الله يرحمه ويغفرله
اقول اشهد انبه شاعر ماقد جا مثله |
بسم الله الرحمن الرحيم
السلام عليكم ورحمة الله وبركاته واللة انك جزال اللة يوفقك يا شيخ |
الله يرحمه ويسكنه فسيح جناته
والله يعطيك العافيه ياتركي وأنـــــــــت واحــــد من خوالــــــــي |
واجب على كل دوسري أنه يسمي حدا عياله شلعان
هذا اقل القليل في حق هذا الشاعر الرمز وله منا الدعوات بالرحمة والمغفرة وان يجمعنا الله به في الجنة قولوا آمين لاهنت ياتركي على الجهد الطيب |
الله يرحم شاعرنا ولاهنت ياتركي على الموضوع الطيب........
|
لاهنت يا بوعبدالهادي وبيض الله وجهك يالغالي والله يرحم الشاعر شلعان رحمة واسعه ويسكنه فسيح جناته0000
|
|
ايها العضو الجزل ان قلت مشكوووووووووووووور وبيض الله وجهك فوالله العضيم لا تفيك حقك في عيني ولكن اقول كثر الله من امثالك
لك الود الخاص |
بيض الله وجهك اخي تركي على هذا النشر للشاعر الهرم شلعان بن ظافر الجماعين وهو رجل لايختلف عليه اثنان وفعلا هو شاعر الدواسر الاول بدون منازع وهو رجل مواقف بطبعه ورحمة الله عليه واسكنه فسيح جناته0
تحياتي0 |
طول الله عمرك يابن العم
على جمعك الطيب لشاعر الفحل/ شلعان بن ظافر الودعاني رحمه الله |
السلام عليكم ورحمة الله وبركاته
طول الله عمرك يابن العم على جمعك الطيب لشاعر الفحل/ شلعان بن ظافر الودعاني رحمه الله |
رد: الشاعر الكبير شلعان بن ظافر الودعاني رحمه الله
بيض الله وجهك تركي الودعاني وقبل مني حبت خشم على هالقصائد اللي من رجال جزل رحمه الله وعلى نقال جزل
|
رد: الشاعر الكبير شلعان بن ظافر الودعاني رحمه الله
الله يـــرحـــم الشاعـــر الفحــل
شـــاعـــر الدواســـر : شــلعــان بن ظافـــر الودعــاني وبيــــض الله وجـــهك يالذيـــب على المـــوضـــوع المتكامــل والرائـــع وعوايـــدك يــا كحـــيلان ماتجيـــب الا الجـــزل والله يبارك فيـــك ويســدد خطــاك |
رد: الشاعر الكبير شلعان بن ظافر الودعاني رحمه الله
الاخ العزيز تركي ال فنيس
بيض الله وجهك وانا اشهد انك ماقصرت تعداك الملام رحم الله الشاعر رحمة واسعه |
رد: الشاعر الكبير شلعان بن ظافر الودعاني رحمه الله
لاهنت ياتركي على الموضوع الطيب والله يرحم ابوفهيد ويسكن روحه الجنه وجميع موتى المسلمين وهاذي عوايدك يالقرم وننتظر منك المزيد
|
رد: الشاعر الكبير شلعان بن ظافر الودعاني رحمه الله
رحم الله الشاعر
الكبير شلعان وبيض الله وجهك يابن فنيس |
الساعة الآن 12:18 PM
 |
Powered by vBulletin® Copyright ©2000 - 2024, Jelsoft Enterprises Ltd.
---