::: مـنتدى قبيلـة الـدواسـر الـرسمي ::: - من لهجة الدواسر المميزة ( الجمع بين ثلاث ضمائر بفعل واحد)

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

من لهجة الدواسر المميزة ( الجمع بين ثلاث ضمائر بفعل واحد)

قال أبوعبدالهادي:

هذه الظاهره خاصة بقبيلة الدواسر ، ولا يشاركها فيها سوى قبيلة السهول على نطاق أضيق وشهرة اقل.

والمعروف ان القبيلتين من قبائل جنوبي نجد.

وتتمثل هذه الظاهرة في جمع ثلاث ضمائر في فعل واحد على النحو التالي:

(1) ضمير المنفصل ( أنا - للمتكلم)
(2)الضمير المتصل ( تاء - الفاعل)
(3) مع أحد من :

(أ) الضمير المتصل ( هاء - الغائب)
(ب)الضمير المتصل( هاء- الغائبة)
(ج)الضمير المنفصل( هم- للغائبين)
(د) الضمير المنفصل( هنّ-للغائبات)

فيقولون : جيتناه ، وخذيتناه ، وزوّجتناه ، ونسيتناه ...الخ .

بدلا ً من : جئته ، وأخذته ، وزوجته ، ونسيته ... الخ.

ويقولون : جيتناها ، وخذيتناها ، وزوجتناها ، ونسيتناها ... الخ .

بدلا ً من : جئتها ، وأخذتها ، وزوّجتها ، ونسيتها ... الخ .

ويقولون : جيتانهم ، وخذيتاهم ، وزوّجتناهم ، ونسيتناهم ... الخ .

بدلا من : جئتهم ، وأخذتهم ، وزوّجتهم ، ونسيتهم ... الخ .

ويقولون : جيتناهن ، وخذيتاهن ، وزوّجتناهن ، ونسيتناهن ... الخ.

بدلا من : جئتهنّ ، وأخذتهنّ ، وزوّجتهنّ، ونسيتهنّ ... الخ .

وقد ذكر الشيخ عبدالله بن خميس هذه الظاهره فقال:

(( والتي تجمع بين ثلاث ضمائر في فعل واحد ، وتصل بينها مع كون أحدها منفصلاً واثنان منهما للرفع ، فلعلك تدركها حينما تقرأ الأبيات التالية :

يا بن سالم هاضني صوت الحمام= باح سدّي والعزا ما احرزتناه
شدّوا (( الفرجان)) في شف الجهام=خلّي وادي السيح ما واجهتناه
بو نهيدات ٍ كما بيض الحمام= أوز فواريز الذهب شبهتناه

ألسيت هذه لغة الدواسر حاضرة وبادية )) -انتهى كلام ابن خميس-.

قال ابوعبدالهادي :

ومن شواهد هذه الظاهرة في الشعر العامي :

قول محمد بن فرج بن حفيظ شيخ الشكره من الدواسر :

لا صاح صيّاح الضحى ثم تعليّت = ربداً على الموت الحمر (سقتناها )

يريد : سقتها

وقول الشاعر محمد بن شليّل بن فريح المقابله

لو النصايح توافق من يعمل بها = ( عرضتناها) على العقّال تكتبها

يريد : عرضتها

وقول أحد شعراء منطقة البديع بالأفلاج :

يابن سالم ترى قلبي عليكم حزين= والسبب صاحبي زعلن ولا (ارضيتناه)
صاحبي يحسب اني عنه أدور حنين=حالف ٍ ما نوى قلبي ولا( أطريتناه)
طير ياللي ترفرف فوق دار الخدين=بشّر أمي ترى المجمول (حصلتناه)

يريد : أرضيته ، وأطريته ، وحصّلته.

وقول علي بن طريخم السهلي:

(ميّزتناهم) قوم أو طرقية=الكل منهم عارف ٍ مسباه

يريد : ميّزتهم

وقول ناصر بن شعف السهلي:

وان عسّمت (ماجبتناها )كداده=منكم ونرجوا مثلها يابوطايل

يريد ك جبتها ( احضرتها).

وقول محمد بن مشعي الدوسري :

ما تشوف الحال قذ ذاب من كثر الونين=ليتني ماجيت داره ولا( عرفتناه)
صاحبي ياحجاب والله ثم والله يمين=ما لمسته او تخلويت به او( جيتناه)
كان جلهم شاف زول ناس ٍ سايرين=صاحبي عشر سنوات وانا ما(شفتناه)

يريد : عرفته وجئته ، وشفته

المصدر :

ظواهر لهجات العرب الأواخر( لهجات قبائل البادية) لـسلطان بن عبدالهادي السهلي ص 151، 152 ، 153، 154.

والى اللقاء مع شرح لهجة اخرى من لهجات الدواسر المميزة

تقبلوا تحياتي،،

موضوع في قمة الروعه بيض الله وجهك يابومبارك علي الموضوع الشيق

لاهنت يابو مبارك على مشاركتك المتميزة

ابيض وجه ياطير شلوى

تحياتي

موضوع يابو مبارك

فريد من نوعه

واول مره يمر في المنتدى

موضوع مثله

هذي عويدك

يالذيب

ماتجي
الا

بالطيب

تحيات

مغليك

ابوزيد الغييثي


	بسم الله الرحمن الرحيم المبدع ابومبارك "هايف العماني" ويش اقول ويش اخلي جعل من ارثك في الجنه عز الله العزيز وباله الرحيم انك مبدع في مواضيعك اسأل الله رب العرش العظيم ان يهنيك في عمرك لهجة الدواسر الله لا يخلينا من هذى الاسم الله يبارك فيها ويبارك في اهلها جعلهم المعزه اكرر شكري وتقديري في شخصك الرائع يابومبارك اخــــوك / فــــهــــد الــــغــــريــــــري,,,

هايف العماني

بيض الله وجهك ياابو مبارك

على هذه المشاركة الرائعه

عاطر التحايا

لاهنت يالعماني وبيض الله وجهك على المشاركه المتميزه

تقبل تحياتي ,,,,

مشكور ولاهنت يابومبارك على الموضوع الطيب.........

مشرفنا العزيز العماني

صدقت يالذيب وفعلا هذه الطريقه واللهجه موجوده بهروجنا انا يالدواسر ولا شفتها بناس غيرنا

الله لا يهينك ووجهك ابيض كثر ماهو ابيض على هالمجهودات المباركه والابداع المتواصل

مشكوووووووور على الموضوع الجيد

والصراحة انا احسب ان هذه الكلمة ما يقولها

الا اهل الافلاج

ولكن الحمد لله انها لهجة الدواسر

وبني عمي وعزوتي

لاهنت يامشرفنا المميز على هذا الموضع الرائع
تحياتي لك

السلام عليكم ورحمة الله وبركاته

الأخ العزيز ( هايف العماني ) موضوع طيب تشكر عليه ، وكما قلت سابقا في احدى مواضيعي أن ( الدوسري ) مهما بالفعل شد الرحال أو أغترب فقد تطغى عليه لهجة أهل البلد الجديد ولكنه يحتفظ بلهجته الأصلية ( وبعض المفردات الدوسرية ) واكبر دليل على هذا هو موضوعي عن ( شاعر الكويت :- عبدالله الفرج ) وهذا واضح في بعض قصائده مع أنه مهاجر من بلده الرئيسي ( وادي الدواسر ) منذ مئات السنين :-

رابط الموضوع
http://www.alduwasser.org/vb/showthr...C7%E1%DD%D1%CC

وفي النهاية لا هنت اخي الكريم على الموضوع الشيق والمفيد

أخوكم :- الهيلاني .

بيض الله وجيهكم اخواني على الردود الطيبه والتي اعتبرها وسام شرف على صدري

تقبلوا تحياتي،،

اسسسسيك بالخير يابومبارك

الله حيه ،، وشحالك وشلون من يعز عليك

تصدق توني ادري ان لهجتنا مثل لهجتكم وخاصة

عقب ماجبت الدليل من الابيااااااااات

بس اعتقد كانت تقاااال في الوقت الماااااضي

اما الان جميع قبائل الجزيره صارت لهجتهم شبه وحده

لاتفرق بين شخص وشخص الا اللهم بالاسم

بسبب تداخلهم مع بعضهم البعض وماعيشتهم مع بعضهم

وكل هذا بفضل الله ثم بفضل موحد الجزيره الملك عبدالعزيز

طيب الله ثراه

لاهنت يابومباااااااارك على هذه المشاركه الطيبه

والطيب مايجيب الا طيب

وتقبل تحياااااااااااتي

البريمي

لاهنت يابو مبارك

على المواضيع المتميزه دائماً

حياكم الله جميعا ولاهنتوا على الردود الطيبه

تقبلوا تحياتي،،

دائماً متميز!!

[/size]

مرحبا بك اخوي بليهي وماعليك زود وابشر بالخير ان شاء الله

مشكور أخوي وماقصرت

مشكووووووووووووووووور أخوي على الموضوع الرائع والمتالق

وتقبل فائق تقديري وأحترامي

وفي أمان الله

أخوك الشكري001

لاهنت يابومبارك وبيض الله وجهك

على هذا البحث والاستسقاء النافع

لما يحيط هذه القبيله من معلومات

قد يغفلها الكثير

تحياتي لك--


	(((((أخي وإبن عمي الغالي))))) رئيس منتدى الدواسر الرسمي أشكرك أشكرك أشكر مشاركة طيبه وجهد رائع نتمنا منك الإستمرار والمزيد وأسأل الله أن يمدك بعون من عنده ويجعل ماتقدمه في ميزان حسناتك يوم أن تلقاه.

موضوووع شيق

هذي عوووااايدك بالذيب ماتجيب الا الموواضيع الطيب

سلمت يمينك يالغالي

تقبل تحياااااااااتي

لاهنت ياولد العم ولا عدمنا مواضيعك المميزه دومآ ويعطيك ألف عافيه ..

المبدع ابومبارك "هايف العماني"

جعل من ارثك في الجنه مشكورررررررررر وياهلا بك