يالله بنو ً من القبله محاديره = متوافقً مع دخول الوسم مدخاله
نوً تسابق قدم وجهه عصافيره = متدليً كن وجه الارض يرقاله
وسمً بكور يسوق الله تباشيره = على وطنا من الريشه لشواله
على مدى الوسم ماشحت شخاتيره= لاقبل حمار الشفق تزبر خياله
وانهل من مقدمه حتى مواخيره = نوب يتحما ونوب يخف هماله
ومع تالي الوسم عشبه يشبع بعيره = عشبه يعانق رقاب قصاره طواله
وشدوا له اهل البل وخاضوا مخاضيره = وكلً تبع شف ذيدانه ومدهاله
وحنا تبعنا هوى الطافح والاميره = وذروه ودويه ودهامه وعياله
نرعابها قافرً تزمي نواويره = وطته دهم المزون وزينت فاله
وحنا هل الذود لاعدوا مشاهيره = الابل لنا من زمان العسر واهواله
نرعاباها القفر من ديره ليا ديره = شمال والا جنوب الربع ورماله
من كل روض تقطفً روس ازاهيره = ومن كل عدً قراح تشرب زلاله
وعن مرتع الخوف ماردت على غيره = نرعابها الخوف لو نجيه عيّاله
ترعى بهيبه هل الحرب ومغاويره = كل ابلجً ناشدً ابوه من خاله
ومن دونها كم وكم شيخً عدل سيره = امزرج معربً ماشرب فنجاله
حنا الدواسر هل الكار ومواكيره = خطلان الايدي هل القالات والطاله
حنا لنا سيره مامثلها سيره = ناسم عصى جارنا ونتيه جماله
وحنا هل الخوه وحنا هل الجيره = وحنا حجى الخايف المضهود وضلاله
خوينا في ذرانا مغنيً طيره =وعدونا يشتكي حزنه وسلاله
وحنا كما السيل تعميره وتدميره = لاسال عمّر الديار ودار يشتاله
واليوم حكم السعود اللى كثر خيره = كلً لبس شماغ ونكس عقاله

http://www.alduwasser.org/vb/images/...t-bot-left.gif
موضوع عآلي بذوقهـ ,, رفيع بشآنهـ
لاهنت اخوي على النقل الرائع
بارك الله فيك
http://www.alduwasser.org/vb/images/...-bot-right.gif

قصيده شامخه فعلاً ابحرت معها في خيالي وكني
اشوف بعيني ذاك الجو الأخضر او لوحه فنيه من رسام
وفنان كلمه بحق .... لله درك يابومدعث

بدر بن سلطان التمامي

مرحبا بك يابو سلطان

اشكرك على تواجدك ومرورك الجميل وفعلا ماقلته فالجزل هو مايفرض نفسه

هلا بك

مرحبا والله يابو مبخوت

اشكرك على مرورك وتعليقك الجميل وإعجابك بالاختيار يدل على ذوقك الشعري :)

ووجهك ابيض ويامرحبا بك والله