السلام عليكم ..

أعلم أنها لاترقى لمستوى الذائقه , ولكنها ولدت هذه الليلة

بولادة متعسره , ولعل ذلك مايشفع لها تشوهها الأدبي ..

على شاطيك يالذكرى العذيه جيت أحث خطاي=هروبٍ من جهنم واقعي وأرجوك ذريّني
دخيلك جيتك من أقصاي ياذكراي لين أدناي=زبنتك من عقب تاهت من المسرى عناويني
تجلّدت وصبرت أخاف لاتشمت علي أعداي=وصرت أشكي همومي للزمن وأثره معاديني
له الله من زمانٍ مارحمني يوم سمع بكاي=عبس وجهه وصد ولا ألتفت يمي يشكّيني
وأنا من قبل ألومه لمت نفسي ليه أعاف الراي؟=وليه أكما الجروح النازفه بأقصى شراييني؟
مابين الجرح وصروف الزمن وانصاتتي للناي=ومخايل بارقٍ وبله لغيري ضاعت سنيني
على رغم الجروح ألي تجاذب للعوا بأقصاي=وهمومٍ تنهش الخافق مثل جوعى السراحيني
أعزي من توفى ميّته وأنقل بحثلي داي=وأموت ألفين مره ما لقيت ألي يعزيني
آثرت الغير وبنفسي خصاصه من كبر بلواي=وليا دقت هواجيسي وترها جاوبت عيني
وشفت الناس غيرّها الزمن وأنا على مبداي=أقاوم مير وين العافيه عني وأنا ويني
غدتبي دروبي ألي كلها مابين رايح جاي=ولا أدري وين دربٍ جابني حتى يوديني
وتنكرلي رفيقٍ ذاخره لاغطلست غدراي=وخلاني وأنا ألي ماهقيت أنه يخليني
أحسب أنه يميني بكربتي ون عوقّت يسراي=لكنه للأسف قفّى ولا أقفى الا متقفّيني
بنيت آمال في دنياي مير الياس هد ابناي=وقمت أوفي بعد فلست من ياسي دياييني
هقيت أني أجيب اللولو من غبة بحر دنياي=ورماني موجه الطامي على سِيف الثلاثيني
تسابقني سنيني والطموح معجّلٍ ممشاي=ولافتّحت عيني الا سنين العمر تنعيني
وعقب ضاقت فجوج الكون جيتك زابنك ذكراي=دخيلك بين حلو أيامك العذبات حطيني

المشاركة الأصلية كتبت بواسطة الحبيبي10 (المشاركة 406187) قمه في الابداع والتواضع كلاش والله روووووووووووووووووووووعه صح الله لسانك واعتلى شانك لاهنت على القصيده الله يعطيك العافيه تحيااااااااااااااااااااااااااتي

حبيبي الحبيبي 10

الروعه في مرورك وجمال تعليقك ..:)

صــــــــــــــح
لــســـانـــــــــــــــكــــ

تقبل تحياتي . . .

المشاركة الأصلية كتبت بواسطة مازن الودعاني (المشاركة 406188) صح لسانك اخوي كلاش قصيده في قمه الروعة الله يعطيك العافية

أخوي مازن تسلم طال عمرك ومرورك الأروع

تحياتي ..

المشاركة الأصلية كتبت بواسطة سعود بن أحمد السديري (المشاركة 406189) الأخ الكبير والشاعر النحرير كلاش http://www.sidara.net/vb/uploaded/124_1227665391.gif إذا كانت هذه مشوهة أدبياً فما هو الجمال أو الكمال؟!! عز الله أنك فخر للشعر وشباب اليوم وما أقول إلا: عفا الله عن الليل اللي فاضت هالعذوبه فيه شرفٌ لي أن أكون المار الثالث على رائعتك وعسى الله يزيل همك وهم المسلمين أجمعين

أبو أحمد

رغم يقيني بأهمية شهادتك لغيري الا أن اشادتك هنا لاتهمني:icon8:

تدري ليه ؟:icon8:

لأنها مجروحه بسبب محبتك ومجاملتك لي :)

بعدين ( نحرير ) هالكلمه لو أبحث بقواميس اللغه ماعرفت معناها..

لاتصير مسبه وأنا مدري :icon8:

لاعدمت جمال تواجدك بيننا:)

المشاركة الأصلية كتبت بواسطة المشتاق الى الديار (المشاركة 406200) صح الله لسانك وبيض الله وجهك يا كلاش.. على هالابداع وعلى هذه الرائعه التي اتحفتنا بها ويسلم هالراس اللي جابها... تقبل مروري...

تسلم عيونك ألي قرتها يالمشتاق وعسى الجنه تشتاقلك قل آمين ..

وأنت عقب أبياتك ألي أجزت فيها بيتين نجديه شاعر مايحتاج وأشادتك بي

شرف لي طال عمرك ..

المشاركة الأصلية كتبت بواسطة راشد المسعري (المشاركة 406221) صح لسانك ياكلاش ولا أزيد عن ماقاله الأخ سعود السديري إلا صح لسانك اليوم ودوم يامبدع تقبل ودي وتقديري ،،،

أخوي الكبير راشد

وأنت خليت لنا من الأبداع شي ؟

خذيته عنا كله .. عموماً تشرفّني شهادة شاعر بحجمك

ولايهمك سعود تراه يحبني ويجاملني:)

المشاركة الأصلية كتبت بواسطة كلاش (المشاركة 406185) السلام عليكم .. أعلم أنها لاترقى لمستوى الذائقه , ولكنها ولدت هذه الليلة بولادة متعسره , ولعل ذلك مايشفع لها تشوهها الأدبي .. على شاطيك يالذكرى العذيه جيت أحث خطاي=هروبٍ من جهنم واقعي وأرجوك ذريّني دخيلك جيتك من أقصاي ياذكراي لين أدناي=زبنتك من عقب تاهت من المسرى عناويني تجلّدت وصبرت أخاف لاتشمت علي أعداي=وصرت أشكي همومي للزمن وأثره معاديني له الله من زمانٍ مارحمني يوم سمع بكاي=عبس وجهه وصد ولا ألتفت يمي يشكّيني وأنا من قبل ألومه لمت نفسي ليه أعاف الراي؟=وليه أكما الجروح النازفه بأقصى شراييني؟ مابين الجرح وصروف الزمن وانصاتتي للناي=ومخايل بارقٍ وبله لغيري ضاعت سنيني على رغم الجروح ألي تجاذب للعوا بأقصاي=وهمومٍ تنهش الخافق مثل جوعى السراحيني أعزي من توفى ميّته وأنقل بحثلي داي=وأموت ألفين مره ما لقيت ألي يعزيني آثرت الغير وبنفسي خصاصه من كبر بلواي=وليا دقت هواجيسي وترها جاوبت عيني وشفت الناس غيرّها الزمن وأنا على مبداي=أقاوم مير وين العافيه عني وأنا ويني غدتبي دروبي ألي كلها مابين رايح جاي=ولا أدري وين دربٍ جابني حتى يوديني وتنكرلي رفيقٍ ذاخره لاغطلست غدراي=وخلاني وأنا ألي ماهقيت أنه يخليني أحسب أنه يميني بكربتي ون عوقّت يسراي=لكنه للأسف قفّى ولا أقفى الا متقفّيني بنيت آمال في دنياي مير الياس هد ابناي=وقمت أوفي بعد فلست من ياسي دياييني هقيت أني أجيب اللولو من غبة بحر دنياي=ورماني موجه الطامي على سِيف الثلاثيني تسابقني سنيني والطموح معجّلٍ ممشاي=ولافتّحت عيني الا سنين العمر تنعيني وعقب ضاقت فجوج الكون جيتك زابنك ذكراي=دخيلك بين حلو أيامك العذبات حطيني