يا أهل الركايب درهموا لابن غزي=مومي لهشال الخلا في عباته
قرم(ن)ليا شاف المسير يفزي=في مربع(ن) محد(ن) يسوي سواته

وين أبو تركي عاش عمره بعزي = حاكم بحكم رايته ما تنالي
حاكم بحكم رايته ما تهزي = لا وصلها الخايف قعد بالظلالي
وين الفهيد وين (كار بن غزي) = خذتهم الدنيا و سمر الليالي

يا كود أهل منسف(ن) بالدرب مريته=(الغزي) اللي لكل الضيف عشراني
عقب التعلل و فنجال(ن) تمنيته=جيب الغداء من دقيق البر هفتاني

يا ذا القوافي بـــــــــين شارد ووارد = حطي رحالك يستضيفك ابو سعـود
وجودي مثل جود الثمر في الجرايـد = وانا ادري أن الجود راعيه موجود
في مجلـــــسٍ عدٍ عـــــذيب الموارد = راعيه في نطح المواجيب صاهـود
متــــحدّرٍ من راس عامــــر وزايــد = ساس الكرم والطيب للناس معـهود
عبـــدالعـــزيز ابـو العـــيال الولايـد = دايم على العـليا ومن زود في زود
يا رد حياض الطيب مهوب شــارد = ولا للبخل عنده محطات ورقـــــود
بعيد عن شحه مسافة عطـــــــــارد = وعنده كرم دايم ولا دونه حـــــدود
عزالــله إنــه ماشــي بالعــــوايـــد = عندي على قولي براهين وشهـــــود
في مجلـس نفنـوف شرحٍ وبارد = ودافـي الى لـبست عبـاياتـها الســود
من يدخــله يبشــر بكل الفـــوايـــد = بنٍ وكــيفٍ والمداخــن بها العــــود
فيه الهــروج وللسـواليـف ســـارد= وملفــاه دايــم للنشــاما هل الجــــود
مهــوب ينقــص كل يــوم يتزايــد = ولا هو على شارع صغيرٍ ومسـدود
يا مجلــسٍ في وســط بيت مشايـد = عامر باهل بيته من أعمام وجــــدود
راعيـه ينطـح كل صعبٍ وكايـــد = وما بــه قصــورٍ من عـيـاله ومنقود
أعياله اللي في المراجل صمايــد = وفي طاعته مثل الذيابه والاســــــود
في خدمة الاسلام صاروا روايـد = منهج محمد حافظينه الى هــــــــــود
نعمين يا طيور السعد والهدايـد = أحمد وعبدالله ومحمد مع سعــــــــود
هذا الثمر يوم الجني والحصايد = وحنا على الدنيا ضيوف بلا قعـــــود
لاجاء نهار الوقف يوم الشدايـد = لا تنفع الاسهم والاراضي جـــــــرود
ترى الغنــي فيــهاغني الزهايـد = ونهاية الانسان للحــوض مـــــوردود