|
عقداء وفريس الدواسر(ارجوا مشاركة الجميع بما يعرف
السلام عليكم ورحمة الله وبركاته الموضوع يااخواني نجد كثير من القبايل اذكرت اعقداها وفريسها وساعدها بذلك المستشرقين والرواه مثل ابن بشر وغيره بذكر اعقداها وفرسانها وذلك لمعايشتهم واختلاطهم بهم والقوه الاعلاميه لديهم وانا ارى من هذا المنطلق ذكر اعقداء وفريّس الدواسر لينالوا حقهم اعلاميا ومعرفيا ارجوا من الجميع المشاركه بمايعرف ويسأل كبار السن كما ارجوا من الاداره الموقره التثبيت= تحياتي للجميع--ابوشجاع |
أبيض وجه يابو شجاع وعساك على القوة ، ومثل ماقلت فرسان الدواسر كثيرين العدد ولكن
الإعلام قلل من بروزهم ورفع غيرهم لقربهم من وسائل الإعلام وطريق المسافرين والرحالة من قديم الزمن ، ومايحتاج في الدواسر حاليا من كبار السن من يفيدوننا بأسماء الفرسان وبطولاتهم وهم أكثر دقة من بعض المؤرخين واللذين يجمعون الصحيح والضعيف من المعلومات ويدونونها ويألفونها في كتب قد يجانبها الصواب أحيانا. أقول عساك على القوة ومافيه شيء إن كل يدلي بما عنده من معلومات لكي نستفيد من بعضنا البعض ونتعرف على فرسان قبيلتنا باختلاف أفخاذها ، ولك مني الود والتقدير ،،، |
بيض الله وجهك اخوي ( ابـو شجاع ) يمال الجنه الله لايهينك على حرصك . . .
الخير انشاءالله في الطريق دام المنتدى والصرح العظيم موجود والشيوخ متواصلين في هذا الصرح . الله يوفق الجميع . . . تسلم يمناك ولاهنت . . . تقبل تحيات اخوك محمد بن عبدالعزيز |
ابو شجاع الرجباني
في الحقيقة فكرة راااائعة وتستحق التثبيت والمتابعة والتفاعل ليتم احصاء جميع فرسان وعقداء قبيلة الدواسر العريقة ونحن شد على يد كل عضو و نطالبه ببذل كل ما بوسعه في سبيل القبيلة وحفظ تراثها وتاريخها المجيد .. تقبلوا تحياتي .. اخوكم في الله محمد الغريري |
لاهنتوا على ردودكم وتشجيعكم يااخواني(ابوعبدالمحسن المسعري-محمدال بوزمام-محمد الغريري) وانا ببدي بالموضوع لمعرفتي بهذه الشخصيه واطلب من الاخوان المشاركه هذي سيرة عقيد من عقدا الدواسر وهو ناصر بن سعران ال ثويمر الرجبان وهو جد ال سعران الملقب بالنهيتي فقد لقب بهذا عندما كان صغيرا يضرب الي اعلى من سنه ومايحتالون فيه ويشتكون لآباءهم ويقولون آباءهم كيف يضربكم هذا النهيتي وصف لقصره ونحفه ولما كبر أصبح عقيد تضرب به الآمثال وكان له غزوتان فى الشتاء والصيف وكان تجتمع حوله الفرسان من كثير فخوذ الدواسر لنجاح غزواته وفروسيته الفذه وقبل ذلك التوفيق من الله وفي احدى الغزوات أجتمع الفرسان أنتظار لقايدهم حدث مالم يتوقع حيث أصيب النهيتي برمد العيون وهزل جسده ويقولون المعاصرين له أصابته عين والعين حق فخرج عليهم رجل قريب من النهيتي فأنشد بيتين:
وأنا عليكم ياهل الهجن باشير=عقب النهيتي لا توزر بشده جوزوا وخلوها لقاح معاشير=لكان عيلات النضا مستعده وقد انشد النهيتي هذه الأبيات وهي تعبر عن نفسها مسندها لخوه هندي وهو أخوه من أمه وهو من ال حميد الرجبان يقول--
ياسين ياعينٍ بكت من رمدها=ويالله عند صبيها لا تعوقه هندي ياخويه رجلي قصر جهدها=ماعاد الا الجلد والاعروقه كم خبرةٍ وقفتنا في عمدها=ونسوق ميلانٍ لعالي نسوقه وكم فاطرٍ قد فلستها من ولدها=طردت راعيها وهمل غبوقه يوم الردي مايفاخت وهدها= يأدب عروسه وين تالي ريوقه ريوق ربعي والركايب جهدها=مرٍ على برٍ ومرٍ عذوقه |
السلام عليكم ورحمة الله وبركاته
ابو شجاع نعم بك وبجماعتك كبيرهم والصغير وجعلكم ذخر في الكبيره والصغيره اخوك:عبدالله |
السلام عليكم ورحمة الله وبركاته
بيض الله وجهك يابوشجاع على المشاركة واسمحلي ادلي بدلوي حسب معرفتي واتمنى من الربع انهم يشاركون بمايعرفون حتى لو يعرفون شخص واحد ، حتى لايكون الموضوع فقط عبارة عن ردود شكر. العقيد هايف بن عيد الغييثات العقيد ادريس بن محمد بن عيد الغييثات العقيد مدعث بن خلف الغييثات العقيد جازع المفرع المظالمه العقيد مسند بن صلال آل نصار العقيد محمد (أبوفاس) الجماعين الودعاني العقيد سعود بن عوّاد الصخابرة (بعيد المغازي) هذا اللي يحضرني حاليا ولي رجعه ونتمنى من الاخوة كلن يضيف ماعنده . تقبلوا تحياتي،، |
يامرحبا ياعبدالله الصخيبري وماعليك زود والله يسلمك وجعلك ذخر
لاهنت يابومبارك على الاضافه ونعم باللي ذكرت وعندي اضافه= الفارس-سالم ابوضريس ال ثويمر الرجباني الفارس-الجهيمي الطوال الرجباني الفارس-طليفيح ال رشدان المصروري الفارس والامير-مشبب الهلقمي المخاريم(مشخّر الفرسان) هذا اللي بالذاكره ولي رجعه ان شاء الله تحياتي للجميع |
السلام عليكم ورحمة الله وبركاته
اخوى ابوووشجاع سلمت اودمت ولا هنت ارجو تثبيت الموضوع العقيد\\ محمدبن جابر ابو زوير الجماعين رحمه الله والي عوده بلمزيد بذن الله تحياتي |
السلام عليكم ورحمة الله وبركاته
العقيد جزاء بن فراج ال نابت الغياثات العقيد مقيت بن جزاء ال نابت الغياثات (الاصقه) العقيد تميم بن بداح ال نابت الغياثات ولي عوده انشاالله |
ابو شجاع اقتراحك رائع وفكرة في محلها لذكر فرسان واعقداء الدواسر في موضوع واحد وتثبيته ونرجو من الجميع المشاركة بكل أسم يعرفه لفارس او عقيد من قبيلة الدواسر ونبذه عن حياته إذا امكن ذلك الفارس الأمير سحمي الهوامله الفارس ناجي بن فنيس الهوامله وهو اللي قتل امير آل عذبه بن نقادان في هية المصطفى قريب التوضيحية تقبل كل الود والتقدير أخوك في الله العرابي |
السلام عليكم ورحمة الله وبركاته بيض الله وجهك يا ابو شجاع على الفكره الطيبه وعلى مجهودك الواضح في جمع المعلومات التاريخيه والاسماء البارزه وتوثيقها وهذي مشاركتي ببعض اسماء العقداء والفريس الفارس عجب ابن طفلان ال مهدي الغرره الفارس عيد ابن عريف ال مهدي الغرره ......... خيال الرجليه الفارس هديهد ابن محمد السلاطين الغرره الفارس عيد ابن صالح ابن عيد ال مهدي الغرره. الفارس حماد بن محسن السلاطين الغرره .......... خيال العبيه العقيد بتال ابن عريف ال مهدي الغرره الفارس محسن ابن عيد البوير الغرره ....... ذيب ابن بوير الفارس الأشيّب (سالم) ابن الحميدي السلاطين الغرره........ راعي العليا العقيد سعد ابن مرشد ال عريف الغرره الفارس محمد بن الحميدي بن فالح السلاطين الغرره الفارس فراج ابن مرشد ال عريف الغرره وارجوا السموحه من ربعي اذا حصل تقصير او نسيان وتحيه عطره للجميع |
حياك الله ياسالم الغريري
ونعم وسبعة انعام باللي ذكرتهم بني عمنا الغرره ونطلب من الاخوان المشاركه تحياتي للجميع-- |
السلام عليكم ورحمة الله وبركاته هذه أسماء بعض فرسان الخييلات وهم من ( ال طينان و العضادين ) وليس بكلهم أما عن ( ال حجاج و الخماسين ) ففرسانهم لا يشق لهم غبار ولكني لا أعرف القابهم مما حداني بعدم ذكر فرسانهم فأرجوا المعذرة منهم
1- الشيخ / محمد بن جريس ( وهوى أول من أعتزى بالشرفا ) (العضادين) 2-الشيخ/فلاح بن جريس (العضادين ) 3-الشيخ/مدعث بن جريس ( العضادين ) 4- العقيد/ هجاج بن هجاج بن جريس ( العضادين ) 5-العقيد/عبيد بن مصلح ( عبيد أبا الروس) ( ال طينان ) 6-العقيد/ سعد بن مصلح ( ال طينان ) 7-العقيد/ماجد بن محمد بن مصلح ( ال طينان ) 8-الشيخ/سعود بن مصلح ( راعي الحصان الأرقط) ( ال طينان ) 9-الشيخ/وقيان ين مصلح ( ال طينان ) 10-الأمير/ عبدالله بن مصلح ( راعي المذهبه ) ( ال طينان ) 11-العقيد/مدعث بن رشدان ( الحايف ) وكانا يحوف القبائل لوحده ( ال طينان ) 12-العقيد/ طليفيح بن مغصب ( العضادين ) |
السلام عليكم ورحمة الله وبركاته
الفارس : عبيد بن مطلق الحراكين الهواشله (راعي العلبى )الي رد ابل الفرجان من آل مرة |
الساعة الآن 02:08 AM
 |
Powered by vBulletin® Copyright ©2000 - 2024, Jelsoft Enterprises Ltd.
---