الوالدة مخصوص عظم اجرها=شيالتك بالبطن والشليل
تسعة شهور تنقلك في جوفها=أو عامين ترضعك الحليب طفيل
ليا خذت يوماً مونس ماترضع=غدا عليك عبارها هميل
عافت لذيذ النوم والزاد عافته=أتشاغلن أفكارها تشغيل

الشاعر مرشد البذال

كريم يابارق سرى=محلى رزيم الرعد فيه
يازين عشبه الا خضرا=والبل ترعى مفاليه

المشاركة الأصلية كتبت بواسطة لين (المشاركة 330870) الوالدة مخصوص عظم اجرها=شيالتك بالبطن والشليل تسعة شهور تنقلك في جوفها=أو عامين ترضعك الحليب طفيل ليا خذت يوماً مونس ماترضع=غدا عليك عبارها هميل عافت لذيذ النوم والزاد عافته=أتشاغلن أفكارها تشغيل

ياليتني بينك وبين المضره = من غزة الشاكه غلى سكرة الموت

قـالوا تـحبه قـلت ماهوب iiبالحيل=بـس انه أغلى شوي من نور iiعيني
يـسوى جميع الجيل الأول iiوهالجيل=أحـبـائي الـمـاضيين والـمقبليني
شوقي له أعظم من ظما الأرض للسيل=وأشـفق عـليه أكثر من أم iiالجنيني
وأحـتاج لـه حاجة ثرى مصر للنيل=وعـليه أغـار ولو من ما iiللوالديني
أشـتاق لـه شـوق الـمحبين iiلليل=وأرتـاح لـه راحـة دموع iiالحزيني
لا صـار جـنبي لو سنه وقتي iiبخيل=ولا غـاب لو لحظات صارت iiسنيني
قـالوا يـحبك قـلت هـذا هو الويل=مـا ودي أنـشد ثـم رفـضه يجيني
وأهـدم رجـأي بدبرتي مثل ما iiقيل=والأفـضل أحـيا بـالأمل لو iiلحيني
يـا حـبكم يـا نـاس لـلقال والقيل=والأمـر لـو سـهل يـصبح iiمهيني
خـلوني أحـيا في الوهم يا iiعواذيل=وش دخـلكم والأمـر بـينه iiوبـيني

ثالث ثلاثه ياهوى البال والروح=امي وابوي وانت في وسط قلبي
امي لها في القلب هامات وصروح=وابوي هو عزي بسلمي وحربي
وانت الذي حبك على غير مصلوح=لاصحت بااعلى الصوت القاك جنبي
مااقدر اخفي الحب عنكم ولا البوح=لان اهتمامي فيك هو سر حبي

يادار يسقيك الحيا من ارعوده = من شأن مخلوق قعد بك وقامي
يادار وين اللي زها اللبس عوده = ريم الفلا قايد خشوف الأدامي
يادار وين اللي هدب نجل سوده = صوارم منها يخاف القطامي

مـاقلت احـبك ولا قـد قلت ماحبك=احـب مـالي عـيوني وانت تسواها
لو تدري اش كثر تعني لي تعرف انك=اخـر امـل فـي حياتي واول مناها
يـاكثر احـس ان بك مني وبي منك=روح قـسمها عـلى شخصين مولاها
لا تقول وش تحب فيني اعشقك iiكلك=مـن لـيل شعرك لكلك واخر اقصاها
سـميتني نـصفك الـثاني وياشحك=انـا بـسميك كـلي وانـت مـعناها
تـعبت اوديـك لـه يـاقلب ويردك=لااخـذ حـلومي ولا خلاني انساها
كـل الـحمام استراح وناح في ظلك=والورد الاصفر سقته الروح من ماها
لـيتك بـعمري ثلاثة اشخاص ماملّك=واحـد معي دوم وواحد روحي يملاها
والـثالث بـجفن عيني لا فقد حسك=او غـمض الجفن جاني فيك يتباهى
مـو بـس احـبك انا والله من حبك=احـب حتى ثرى الارض اللي تطاها

قال الذي يلعب ابيوت فصيحة=من ضيقته يلعب حسينات الامثال
ياقلب أنا بهدى عليك النصيحة=هرج القفا بالك تحطه على البال
ما اشوف به كود العنا والقميحة=من بين غادين الجدا قال ما قال
ناس يحسبون النميمة مديحة=وهي توصف من خبيثات الاعمال
زلة صديقك لاتجي لك نحيحة=لو كان عايل قل حشا الله ما عال
عزه على الهكمة وزين سميحة=خله على وجه البعيدين رجال
ماكل نفس من عناها مريحة=لابد مايبدي لكم بعض الاحوال
ليا بدت بعض العلوم الصحيحة=كل ذكر مجناه من حيث يحتال
احد تنجا حقته من نطيحه= وحد يودي للشريعة وما قال
رجل بلا ربع سواة الذبيحة=تطاه شمطان اللحى وطية انعال
الشر تحدثه الوجيه الوكيحه=سبة هبيل تبتلش فيه عقال

أنا مقدرأكون..اني حبيب في بعض أحوال=أنا كلي أجي..والاأروح بعزتي ..كلي
تخيرت لفراق ومادريت إن الفراق وصال=أقول اني نسيتك بس مدري كيف تاصل لي
خذاني لك سؤال في عيونك والجواب محال=خذاني منك دمع في عيوني مارضى ذلي
رحلت انت وتركت بداخلي طيفك و صبر طال=غدت ذكراك شمس ماتغيب وصورت ظلي
حكيت و مالقيت من الحكي الاالندم موّال=سكت و مت بالحسره و لا ادري و شهو احسن لي
أحبك كل مافيني يحبك يا خلي البال=تخيلتك دواي وصرت جرحي الصعب يا خلّي
تعبت أرحل مع وجيه البشر بانساك بالترحال=و لا ادري وش يجيبك في وجيه الناس و اهلّي

ياغايب عني ترا للبطى لوم=لاشافتك عيني ولاجبت طاري
بسئل كثير الصبر يمكن تجي يوم=تلفي تنشد وانت بالحال داري

خلاص ماعاد تعنيلي ولاحاجه=رح جعل ربي يوفقك ويوفقني
عطيتك اكثر من اللي كنت تحتاجه=اسرفت بالحب لين الحب وهقنـــي
لو ادري انك مرافقني على حاجه=لعطيك حاجتك واقول فارقنـــــي

ياشوق انا عنك ظروفي حدتني = مالي على المسيار يمك وسيله

أنا ربتني الدنيا على جزل العطا والجود =ونفسي للوفا والطيب وفعل الخير جزامه
وأعارض منهج الهابط وأوافق للصعود صعود =وأسيّر نفسي بعقلي مدام النفس هدامه
ولا تثّر بي البسمة ولا كحل العيون السود =ولا يقوى على قلبي صغير الحسد وأجسامه
أردّ الجود بأمثاله وأقابل بالجحود جحود =وترى لا خير في رجلٍ يوطّي للردى هامه
وعندي مع أهل العِليا مواثيق وثلاث عهود =أوفي له مطاليبه وأودّه وأرفع أعلامه
أعايش مركب الدنيا على متن القدر مولود =أبعرف هو صحيح إنّ القدر بالناس دوّامه ؟
ومن وين الزمن مقبل وإلى وين الليال تقود =ومن في هالزمن يقدر يوجّه خطوة أقدامه
ومن له بالزمن غاية ومن عنده هدف منشود =ومن منّا قدر يعرف خفايا مقبل أيامه ؟
عرفت إنّ الشقا باقي ، عرفت إنّ الحسد موجود =عرفت إنّ القدر يفرض علينا بأسوأ أحكامه
لقينا بالعرب حاسد وشفنا بالعرب محسود =وبه ناسٍ لنا ضامت ، وبه بالناس منظامه
وينقص بعضنا خوّه وينقصنا وفاء وعود =مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود=ولا تشره على رجلٍ عيونه خانت أقدامه
وقابل خطوة بخطوة وجازي بالصدود صدود=تناسى غلطة الصاحب عليك بلحظةاخصامه
ولا تخطي ترى لصبر الحليم اليا سلاك حدود=تروّى واعرف بضرب الحديد تفكك لحامه
تجنب كسرة الخاطر ولو حبل الزعل مشدود= وتراك بكسرة الخاطر حكمت القلب بعدامه
ولا تزعل على رجلٍ بذل لك ولرضاك جهود =ولا تامن من الحاسد رضاه ورفعة ابهامه
نبي نصبر على الدنيا قلوبٍ بالحياة زهود =مدام إنّ البخت عيّت توّفق رمعة سهامه وأنا
ما قلتها راجي ولا أطلب بعدها مردود=ولكن الفتى ودّه يحقق جملة أحلامه
وبمشي لآخر الدنيا ولو كلّ الأنام اقعود=وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود=وأنا عندي مع الدنيا مواقف ترفع الهامه
طموحي يملي العالم ولابه للطموح قيود=مدام إن الأمل طبعي ( عرين وصرت ضرغامه )
خلقنا الله من ترابه ولأحضان التراب نعود=تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود=ولا يبقي من الميت سوى ذكراه وعظامه
ولو طال العمر فاني وترى عمر الفتى محدود =وكلٍ يطلب المولى يبيحه يحسن ختامه
وأنا بلّغت بلساني وربي والأنام شهود =وصحف البيّنة جفّت وعنها رفعت أقلامه

قال الوداع وقلت هذا مكاني=والله لوطال الزمن ماتعداه
اما الا منه رجع له لقاني=ولا يكفيني مكانه وذكراه

الناس بالايام طارد ومطرود=ياليتها باهل المروة تحدت
وطير الفلاح اللي عن الصيد مردود=عقبه تبوع علمت واستعدت
اشوف ناس عندها الحقد ماجود=ونفوسهم عن كل عليا تردت
العدل في ساحاتهم صار مفقود=وعن الفضيلة جنبت واستردت
ما يرفعون النفس عن كل منقود=ان ماتعشت عرضها له تعدت
تمطى على العليا محاريف وصدود=ووجيههم ما قيل بالجود ندت

نصبر وهذه يا محمد مواجيب=صبر الجمال اللي ضرت للمكدة
ونشتاق للبيضا ونبعد عن العيب=ونبي كلام كل حي يعده
يوم الردى جنب عن الطيب تجنيب=واللي هفا به فعل خاله وجده
ما خاض عركات تنابط بها الشيب=وان دبروا ما قال يالربع رده

فـي ضلوعي طفل لامن جاع أغني=وأجـرح الـدنيا بـنظرات الذهول
أنـقسم ثـلثين إنـس وثـلث جني=وأتـرك الـصرخة تقول وما أقول
صـاحبي مـثل الـقصيدة ما فتني=لا تـعرت حـلم لـلقلب الـخجول
فـي مـلامحها الـخفية شـي مني=آيـتي لـلناس والـشاعر رسـول

وش شعورك لاخذلك الوقت وأظنتك الجروح.!؟=وأكتشفت إن اللي يحبك مايحبك يخدعك
وأكتشفت إن أغلب أحلامه معك كانت مزوح=وإن حبه كان (كذبه)وهويقول إنه معك
أسالك بالله قلي.!وقتها,,ويـــن بـتـروح؟?=ومن خطاك بحق نفسك وين تخفي مدمعك!؟

أحفظ لها قيمة غلاها وأنتظرها من شمال = وإذا نستني هذي الدنيا وهذا حالها
أما اني أنساها ,,,نسى الله من نسى ذاك القبال = ياصبّ روحي صبّ دلتها على فنجالها
قولوا لها لأستخسرت فيني ريالين أتصال = تهدي على جمعية الصم والبكم جوالها

لك حق تزعل ثم لك حق نرضيك = ما أقوى زعل مضنون قلبي وعيني

بيض الله وجه الايام والمال القليل= عرفتنا صادق الناس من كذابها

لولا الظروف وعازت الناس للناس=محدن عرف طيب البشر من رداها

اخا الجود من يرقى من المجد ما علا=وخا الذل يصبح للذليل قتيل
وخا الجود فيه الجود يلقى ويرتجا=وخا الذل مايلقى وراه حصيل
من عاش بالذل الطويل لقيته=ردئ العزايم للجبان زميل
قيل الفتى بالعجز ما يدرك العلا=ومرقا المعالي يالعظيم يهيل

لاذكرت إن حبيبي على قيد الحياه = هانت هموم قلبي وأستراح الضمير