|
رد: هات قصيدة في الدواسر من غير شعراء الدواسر
ياالله يامنزل تبارك وياسين=ماغيرك أسجد له وأكبر وأصلي --------------------------------------------------------------------------------طالبك فقهني ووفقني آمين=أنت الملاذ ونور دربي وظلي وأنت الوحيد الي مع عبادك معين=أنك تجملني إلى من حصلي مواقف في مدح ناس ميامين=والاالرخوم ومثلها فدوة لي لاناشد عنها ولاقايل وين=حتى ولو بلسانها لي تهلي أبقى على المقدار والعز والدين=وإلى دعاني وافي جيت كلي أحضر الهاجس وسوق الفكر لين=مزون شعري تستخيل وتهلي وإلى بغيت أذكر فعول الوفيين=أحترت ويش أجيب من ويش أخلي الوقت مايسمح لسرد الدواوين=ولوتنزف الأقلام ماشفيت غلي وتبغى أختصار القول رح للعجالين=ياتيك كل الطيب ماغاب ملي لطيب مجد وللمراجل عناوين=أسطورة التاريخ لأنهم من اللي كسابة الناموس ضد المعادين=دواسر فيها الشموخ أمتعلي رجالهم يرسي على العسر واللين=وعدوهم وقت الملاقى يولي وشيوخهم لامن غدى العلم علمين=تحل مالايمكن أنه يحلي تضرب على روس العقد حق ويبين=نور على كل الكواكب مطلي الله خلقهم للمراجل ميادين=وخلا الصدور بعز الأنفس محلي قلته وانا عندي شهود وبراهين=لاعاش راس اللي شعوره تسلي وإلى بغيت الطيب فنص العجالين=وتشوف كل الطيب ماغاب ملي وانا من اللي يرجحون الموازين=عرجاني ويام العريبة هللي |
رد: هات قصيدة في الدواسر من غير شعراء الدواسر
قم يانديبي فوق فكسارأرخم=آخرموديل وفيه كل الوصوفي الياونس النمره نهض ثم تليم=تليم اللى شاف فالجوشوفي عليه شغموم شجاع إمشغمم=من ربعي العتبان لزم الكفوفي ينصا هل الهدار نثارت الدم=أهل الكرم فالعسر يوم الظروفي لازم لياجيت النتيفات تعزم=ألاد وائل مكرمين الضيوفي كلٍ يقول إقلط وطالبك قل تم=وزود على الترحيب ذبح الخروفي وهيلأ وبنّ وعودٍ أزرق يقدم=وطرايفٍ تقطع شفات الشفوفي ربع قروم وكلبوهم بني عم=الكل منهم فالمواجيب يوفي أهل إمهار بالملاقاء تلجم=أهل المهارالسرد وأهل السيوفي أفعالهم تعرف قبل نجد يحكم=ونجدإيتزعزع بين آمان وخوفي والمدح مايرفع ولاينقص الذم=المح مايرفع بيوت الضعوفي أنالهم مديون بالطيب ملزم=ونالهم ولوطال الزمان إمعروفي تنشّرلهم بيضا على راس مازم=بيضآ لهاكل الخلايق تشوفي تم الجواب إوصل إكتابي إلهم=حطه بيد عامر عشير الهنوفي قله ترا العتيبي عليكم إيسلم=عداد ماخط القلم بالحروفي وصلاة ربي عد مزن ترزم=على النبي مالاح برق الصيوفي |
رد: هات قصيدة في الدواسر من غير شعراء الدواسر
نايف اركب وارتحل من فوق ريمة = فوق ما يزها شدادك والكلايف زين صفق لحوي ريمة في الصريمة = صفق عبدات على بيض عفايف لازمى رجم ومن دونه خريمة = قربنه واسعن ذا في الذلايف لعنبو دار الردي دايم وخيمة = مابها ذربين ودلال نظايف جنبوها جعل من فيها الثليمة = وانحروا مدهال مومية السفايف النتيفي عارفاً درب العزيمة = شرفه ربي على سبع الطوايف كلبوا لجواد اهل سمتاً وشيمة = جارهم يامن بهم لاصار خايف |
رد: هات قصيدة في الدواسر من غير شعراء الدواسر
ارحب يابوشالح تراحيب المطر
ودايم مواضيعك هامه وجميلة وهذي قصيدة الشاعر عيد بن سمير الحربي في امير الفوج الثالث الامير مشعان بن حزام العجالين سلام يا حامي نقاه ودخيله=يوم النقا حماته على الأرض باقين من الكتوف ليا ردوف الأصيله=تقلب عليهم لو خلت من هل الدين وشرواك يا مشعان راعي جزيله=بالدين وسلوم الرجال المسمين يابن الرجال اللي خطاهم طويله=اليوم وأيام اللقا والأكاوين لهم نصيب من الفعول الجليله=الربع منها فيه ترجح موازين يا ملبسين الوادي اسم القبيله=غني عن التعريف وانتم غنيين علمن مواقيف الدواسر دليله=خير الكلام اللي عليه البراهين ولا الكلام اللي يجي فيه ميله=ماله بسوق أهل المواجيب تثمين يا مير تفداك العزوم الكليله=الفوت ما عوّد بوقت المصلين واللي قضا في وقت فرض ونفيله=عنّز على اللي مثل شيخ العجالين سمح الجناب وعز من يلتجيله=الين من الما هود في حزة اللين وليا لتطم عيّف عميل بعميله=وليا سمح ما غيروه المثيرين يا ريف من خاواك وانته زميله=جينا على طاريك من نجد عانين في لازمٍ يلزم علينا نجيله=وانته لو انّا نتركه قلت مخطين لو ان السالفه مستحيله=الآدمي ما كوّن آدم من الطين لكن تراها للنشاما وسيله=والخشم معك إدراك معناه والعين يوم ان لك عزمٍ يشيل الثقيله=بشر بها اللي جوك يا مير ناصين من جود عطفك والشعور النبيله=أثابك اللي نزل آيات ياسين وصلو على راعى الهدى والفضيله=يااللي سمعتو بالنبا قولوا آمين |
رد: هات قصيدة في الدواسر من غير شعراء الدواسر
|
رد: هات قصيدة في الدواسر من غير شعراء الدواسر
أبوشالح بيض الله وجه من رباك ويامال المعزه
كلمة في الخاطر واسجلها |
رد: هات قصيدة في الدواسر من غير شعراء الدواسر
|
رد: هات قصيدة في الدواسر من غير شعراء الدواسر
ياإله الكون ياللي على خلقك رقيب =قسمة الشعار خذنا خيار قسومها يالكريزي كل ماقلت عزّ الله امصيب=العوايد وآل زايد يازين سلومها أشهد أنه موقف(ن) حرج والمبدا صعيب =مرتكاله كود ناس(ن) تشوق علومها يوم بني البيت جو من بعيد ومن قريب =من حضر قدام ربعه فهو زيزومها أذّن المذن وصفوا على صوت الخطيب =جعل قوم(ن) تذكر الله يسد ثلومها باللوازم والمواجيب ماواحد يغيب =كل نفس(ن) تعرف الحق هذا يومها لاغريب(ن) فالليالي وذا الموقف غريب =مامشوه الا الدواسر بقوّ عزومها من تعزوى فالدواسر ظنونه ماتخيب =ينجلي همّه وعينه تهنّا نومها كل رجلن فيه حنكه وله راس(ن) صليب =غاص فالغبّه وسود البحور يعومها ارتكينا للشدايد وساعدنا النصيب =يوم بقعاء وجّهة يمنا بسهومها بيّض الله وجه من هو على الداعي يجيب=عدّ ماتبدا الليالي وعد نجومها
|
رد: هات قصيدة في الدواسر من غير شعراء الدواسر
|
رد: هات قصيدة في الدواسر من غير شعراء الدواسر
يقول الوريكي يوم ضيـق عليـه الحـجـز=ذكـر لابـتـه مـن جـايـر الوقـت وقيـوده عـرض له مطـيـريـن نجـومـه تـرزه رز =لجل حكم أخو نوره تعدى على حدوده وأخص العضيله بالتغطرس لبس له قز=بـعينـه جمـيع النـاس ماهـيب موجوده نـصـيـتـه و عـسكـره مـن يـجيـه إيـكـز=وأخـذت القضـيه منه والرجل محدوده عـتـيـبـه بنـي عمـي بهـم افتـخر واعتز=أنا ودون ضباطن مـن السجن وجنوده طرولي ودق القلـب زودن علـيه وفـز=على لابتـن قصـيرهم تـثـبـت حــدوده هل المجلس الطيب هل الحيل وأهل العز=تقـدم لنـاصـيـهـا مـن الطيـب كنـبـوده يقـولـه عتـيـبـي من بغى العز مايحتز=يحب الرغـاده و العـدو يلـعن جـدوده خويـه على العليا وهـو دوم لـه معـنز=ولا تنـقص حقوقـه ولـو زادت لهـوده وتناخو بني عاصم وشيبان وقفت عز=علـى عسكـرن حـوله ثـلاثين موجوده وتعزوا ولد قسام واسمع ولـدمكرز=ترانـا هـل العـادات حنـا هـل الـزوده وجـونا(( بنـي زايـد)) وأنـا أعدهم لي كنز=تناخو وغدو سورن على من بغى العوده بني( مسعر) اللي ضربهم بالنحر يركـز=يجـيبـون مـا يبـغـون لـو ثـار بـاروده و(مخاريم) واحدهم على الطيب دوم يفز=لهم عزوتن من ماضي الوقت مشهوده و(وداعين) والبيـضا علـى الغآليه تركز=مقـادم لهـم فـالطيب بالعـز مـوجوده وآلآد( البريكي) فالمواقف رجـال الـعز=تـرى طيبهم ما يآصل الرجل لحدوده و باقـي القبايـل كـل فخذن لها مركز=سلاطين نجد اللي على الطيب مولوده يقولـه عتـيـبـي و الشدايد بهـا نـعـتـز=ترى الذل مـا نـرضـاه العـز بلـحـوده |
رد: هات قصيدة في الدواسر من غير شعراء الدواسر
|
رد: هات قصيدة في الدواسر من غير شعراء الدواسر
هذه القصيدة للشاعر / مانع بن شلحاط العجمي
حينما القاها شخصياً في حفل موقع الدواسر الثاني ويمتدح فيها عموم الدواسر والقصيدة تعبر عن نفسها شهر كانون موعد الاحتفال=جمعني مع مداغيش الرجال هل الطّولات والراي السديد=هل الوقّفات ذربين الفَعَال سلام الله سلامٍ مايبور=يراضيكم غلا وِدْ و وِصَالْ وأنا شاعر ليا حَلْ القصيد=ثقيل الروز وبيوتي ثقال أقَلَّطْهَا على الخَرْمَانْ كَيّْفْ=وتَقْعِدْ راس كَيَّيْفْ الدّْلَالْ وأنا مِعكم وأنا جدي إعجيم=أكَابِرْ فَخْرْ حيثِ أنِكم (خوال) أفاخر (بالدواسر) وأسْتَطيْشْ=وأقول الحق وأشرع فالمقال ظنا دَوْسَرْ هل الجمع الرزين= كذا التاريخ ما فيها جدال (ابن بدران) يثرينا صداه=ولو هو زال ذِكْرَه لا يزال ظنا( زايد وتغلب) خلّدوه=طناخ العَوّْدْ في روس العيال وقف( سالم) يوصى به ظناه=(وداعينٍ )ذخرهم للقتال و(مخاريمٍ ورجبانٍ) عُصاه=خوانٍ ما تفرقها الجبال وعيال (صهَيب) لَحَلْ اللزوم=حمول الخيل وكفوف السّْلال ظنا (مَسْعر) ومَنْ سمي( بريك)=ونَسْلْ (غياث) في يوم الهوال وآلاد ا(لحريجي) لأعتزيت=وصولات (الشرافاء) فالنزال وطغا (الفرجان) يخشاه الحريب=كذا جَمْع (الهواملهَ)لا منه صال وظنا( صخبور والخضران) قوم=وهومات( الهواشله) صعبة منال و(دَبَالينٍ) تَرَدْ المَعْتدين=وغارات (الشّْيَنَهْ) سِمْ حَال أقوله و(آل عمار) الدُهَات=أيوالله (والشّْكَرَهْ) صَوّْكْ جال وفزعات( الغــرره) لعتزيت=وجَرّات( الكبرا) لفح لال ولكَبْرَتْ( فالنتيفات) أحْتَضَوّْك=ونخوات (آل عرفج) طيب فال و(تغلب) تغلب الخصم الكبير=ذرى( الحقبان) للزابن ظلال تعزوا (بالخييلات العمور)=وكفوٍ (بالمشاويه) لجا مجال وآلاد( الحبيبي) فارقين=(مصاريرٍ )ليا كبرت نصال يجوز أني نسيت أو ما نسيت=أنا ألتمس العذر في كل حال فعذراً يا حما ذاك الدَرَيْك=يوم أن الاشراف ردوها شمال بيومٍ تعتذر عَنْهْ الجموع=وزبنتوا ولد عمي وطال كذا وأنتم حما ذيك الغروس=وفي هيباتكم يرعا الحلال فرقتوا يا دواسر بأثنتين=ولا معكم شَبَيهْ ولا مثال (الأولى وسمكم عصا القصير)=وَمَنْ وأَمنْ بعدِ ما كان ذال و(الأخرى جاركم من بعد صْيْب=على ذاك الجدار أيْسَاق مال) ومن شيخانكم( أبن أقويد)=(وأبن حفيظ )يومه طال قال ومن فريسكم ناس ودُهَات=إلا ياكثرهم من آل وآل (خجيم وراعي الهَدْلَا وزيد)=(وسحمي والمبيعيج) المثال و(أبن وقيان وماجد والقضيع)=و(سند) من صهوة الصفرا ما مال و(أبن نادر) وسبر القوم (ذيب)=(وأطليفيح) شَرَّابْ الزهال ومنكم (أبن هذّال) الكريم=فَرَقْ وأنتم كريمين السبال ومَقْطَعْ حقكم فالعرف عرف=(أبن إوثيله) وللقصيا جمال ومن شعاركم (ظافر) وغير=و(أبن عمهوج) لصر المحال وأبارك جمعكم هذا وأقول=سلام الله عليكم يا رجال وللجميع تحياتي |
رد: هات قصيدة في الدواسر من غير شعراء الدواسر
كفو يادواسر في الخير وفي الشر كفو
|
رد: هات قصيدة في الدواسر من غير شعراء الدواسر
شكرا على تفاعلكم ولاعليك زود يالشرقي
والموضوع ياا اخوان المطلوب فيه شعراء من خارج قبيلة الدواسر يمتدحون الدواسر |
رد: هات قصيدة في الدواسر من غير شعراء الدواسر
أبوشالح بيض الله وجه من رباك ويامال المعزه
كلمة في الخاطر واسجلها وعزالله انها في الخاطر بعد يابوشالح ونت تستاهلها من ابوفهد قبلي وتستاهلها مني |
رد: هات قصيدة في الدواسر من غير شعراء الدواسر
الله يطول عمرك يافيصل ولاهنت
|
رد: هات قصيدة في الدواسر من غير شعراء الدواسر
الله لا يهينك اخووي ابو راشد ونعم فيك وفي جميع الدواسر يستاهلون كاماذكر فيهم من اشعار وأكثررر
تسلم ولاهنت والله لايهينك = ياشافي ابن راشد الدوسري الله لنا بالشعر يسلم يمينك =ياصافي النيات والقلب البري سلمة سلمة سلمة اخوي الشاعر/ شافي راشد النتيفات الدوسري واتشرف بوجود قصيده لي من اضعف القصائد الي كتبت في الدواسر ونقلك لها شرف لي لاهنت تقبل شكري وفائق وتقديرررري واحتراامي
الشعر في وصف الدواسر ينشط = وفي غيرهم ماحسه انه على وصول والله لو فيهم عن يدي اقشط =لنظم بهم من جزل الاشعار معسول وتقبل ودي وشكري لك وفائق تحياتي وتقديري |
رد: هات قصيدة في الدواسر من غير شعراء الدواسر
اتمنى حذف الردود الخارجه عن الموضوع و نكتفي بطرح القصائد و اسماء شعرائها وكذلك تنسيق جميع القصائد المطروحه
ع شان يصير الموضوع مختصر للزوار و من ضمنها ردي هذا احذفه بس طرحته للاقتراح و التوضيح |
رد: هات قصيدة في الدواسر من غير شعراء الدواسر
قصيده قالها الشاعر / نايف بن نمّاس الروقي العتيبي والمناسبة أن الشاعر نايف بن نماس كان مقيض بأبله في وادي الدواسر لعام 1433هـ وعندما لاحظ كرم قبيلة الدواسر ولاحظ كذلك عوايدهم وسلومهم ومنها عدم بيع الماء ومنها فتح أبواب المشاريع الزراعية لجميع القبائل بدون مقابل
قيـضـي يالـوضـح فــي ديــرة تنقـنـا الـحـلال=واشربي يالوضح من شيب أبن مطرف سبيل ديـــرة حامـيـنـهـا عــيــال زايــــد بـالـســلال=يومـهـا بالـرمـح والسـيـف والشـبـر الطـويـل وأعمروها بالكرم فـي الصحـون وفـي الـدلال=والـمـشـاريـع افـتـحـوهـا لـعـابــرة الـسـبـيــل الـدواسـر فــي الـقـدايـم حـصــون ولا تـــزال=سـعـد منـهـم فـزعـتـه لاهـبــا وجـــه الـذلـيـل لابــــةٍ للـطـيـبـة كـلــهــم مــضـــرب مــثـــال=مـابـعــد لـقـيــت فـيـهــم ذلــيـــل ولابـخــيــل مايشيـل الحمـل غـيـر الـنـوادر فــي الجـمـال=أمــدح الطـيـب وعـنـدي عـلـى مـدحـي دلـيـل والـدلـيـل الطـيـبـة مـــن طحـاطـيـح الـرجــال=ولا مدحـت أبـا يجيـنـي ورا مـدحـي حصـيـل مـيـر أشــوش لـيـا لقـيـنـا مطـانـيـخ الـعـيـال=الــدواســر لابــــة فـعـلـهــم دايـــــم جــزيـــل لـقـبـو خـطــلان الأيــــدي قـديـمــات الـلـيــال=والـلـقـب لازال ثـابــت لـجـيــلٍ بــعــد جــيــل أشـهـد أن الـمـدح يـزهـى كريـمـيـن الـسـبـال=بالـمـرامـجـل كـلـهــا يـفـعـلـون المـسـتـحـيـل مـن شعـفـة المرجـلـة عنـدهـم كــل الخـصـال=ويحتـمـون الـبـل لـيــا ولـعــت راس الفـتـيـل هـم جنهبـا لاشمـلـت وأن بـغـت يــم الـرمـال=فــي حمـاهـم تـرتـع الـخــور لابـــار العـمـيـل وصفهـم فـوق البسيـطـه مـثـل صــم الجـبـال=والـشـهـادة واجـبــة مــنــي بــــرد الـجـمـيـل قلتها يـوم أعتـرض لـي علـى الجزلـه مجـال=بالنـيـابـة عــــن عـتـيـبـة مـزبـنــة الـدخـيــل لابة يحسـب لهـا فـي الجنـوب وفـي الشمـال=بالـوفـا مـيـزان ربـعـي مــن الــوزن الثـقـيـل وبالفعول ان كان ركـب الرشـا فـوف المحـال=فعلـهـم يشـبـه لسـيـلٍ يسـيـل مـــع المـسـيـل دون قـاصـر فـــي فـعــول القـبـايـل لامـحــال=كـل حصـن فـي اللقـى تفعـل وتصهـل صهيـل ورد عليه الشاعر محمد بن باني بن عقاب المخاريم الدوسري
راكـب اللـي لا مـشـا مــع جراهـيـد السـهـال=حط ممشـا خمسـة ايـام ممشـا نصـوف ليـل وأن خذا الطـرق السريعـه تجـي دق الحبـال=والـركــود بمـشـيـتـه لا يــطــب ولا يـمـيــل لـو أثبـت فـوق كبوتـه الضـخـم ( السـحـال)=ماطرحهـا الأ الهـواء لـو مشـا تسعيـن ميـل فــي قـفـاه ومقـدمـه صـــح مافـيـهـا جـــدال=لكسـز(ن) أبيـض ورقـم المديـل أخـر مـديـل جـــاء مـــن الـيـابـان كـامــل ولله الـكـمــال=مــن قـنـاه يـقـول مـاعــاد أدور لـــه بـديــل نحـره بـيـت أبـيـض الـوجـه شـيـال الثـقـال=كامـل الشـارات مــا لـلـردى صـوبـه سبـيـل نـايـف النـمـاس راع الـوفـا مــاض الفـعـال=مجلسه منصا العرب في المبيت وفي المقيل اسـتـرح لا جـيــت والـفــال يـقـفـاه الـعـقـال=عـنـد منـهـو بالمـراجـل يـزيـد الكـيـل كـيــل مجلسـه فيـه ازرق الـعـود والكـيـف الــزلال=مـع صحـون فوقهـا مـن كبـار الضـان حيـل ثــم وصـــل لـــه ســـلام كـمــا در الـهـجـال=يستـحـقـه طـيــب الـجــاه والـفـعـل النـبـيـل مـثــل مـــارد الـثـنــى جــــاه رده بـالـمـثـال=واجــب رد الجمـايـل عـلـى الـحـر الأصـيــل نايـف اللـي فــي الـلـوازم يحـيـل ولا يـحـال=عادتـه كسـب الجـزايـل ولا يـرضـا الهـزيـل ومـن رجـالٍ تكسـب الطايلـه فـي كــل حــال=تـذبـح الحـايـل وتلـطـم عـيـون الـلـي يعـيـل عـزوة تــارد عـلـى الـمـوت مـيـراد النـهـال=بالسيـوف الحـدب تفـرق خليـل مــن خلـيـل عـــادة عتـيـبـة لـيـاصـار للـخـيـل أجـتــوال=تــودع الـعــدوان هـــذا صـويــب وذاقـتـيـل وتكسب البل واشهب الملـح غـادٍ لـه شعـال=فـوق هجـن مثـل الأقـواس وألا فــوق خـيـل لابـــة تـعــرف نـهــار الـمـعـارك والـقـتــال=والحـريـب لـيـا نـضـرهـم يـعــزم بالـرحـيـل سمعـة الهيـلا عتيـبـة عـلـى روس الـطـوال=ماجهالـهـا كــود نـاقـص عـقـل وألا هـبـيـل ذا جــواب الـلـي كـلامـه كـمـا نـقـد الـريــال=بالنيـابـة عــن هــل الــزود مـمـنـة الـنـزيـل الـدواسـر كـــل مـنـهـم لـيـامـن قـــال طـــال=بـالـكــرم والا لـيـاجــاه مـخـتــف الـشـلـيـل ان نصـاهـم مـعـسـر بـدلــو عـســره بـمــال=وان زبنهـم خايـفٍ صـار فــي ضــلٍ ضلـيـل |
رد: هات قصيدة في الدواسر من غير شعراء الدواسر
احدى القصائد التي قيلت في صاحب المواقف العظيمه الشيخ/ عمر بن محمد بن خشنان المخاريم الدوسري ((عوضين)) رحمه الله حيث ان (ابو فهد) رجل جمع بين الكرم و المعرفه والإصلاح بين الناس بجاهه وماله وله مواقف مشرفه ومساهمات في اعتاق الرقاب رحمه الله و اسكنه فسيح جناته. القصيده للشاعر/ نواف بن عبدالعزيز بن رازن العتيبي
عسى السحاب اللي من الغرب حادر=يفضح سنا برقه دجى ظلمة الليل إذا تعلا عالية نجد بادر =وحن ارعده واسبل سحابه هماليل والأوديه قامت بسيله تهادر=واد الرشا سيله تعداء الغراميل وادٍ ربيعه جا لعشبه بوادر=وجته الجهام الضافيات المسابيل في ظف شيخ عن هذا الجيل نادر=شيخ طلع بالمرجله طلعة سهيل راع المضيف اللي به البن خادر =ومكرم الضيفان بالحشو والحيل النادر اللي من سلالة نوادر=لابة مخاريم سمو بالمفاعيل إليا نزل ولا من الدار غادر=محل تقدير الرجال المشاكيل كم واحد جاله يدينه قوادر=فقير ماله غير قوته محاصيل وأصبح غني يشبه كبار الكوادر=وبعد العدم ديوان بيته مداهيل عمر لاجا للعلم وارد وصادر=وفترت مع المده عزوم الرياجيل من غير ابن خشنان للحل قادر=بالجاه ولا المال ولا المداخيل علم موكد من جميع المصادر=ان عدو زحول الرجال الحلاحيل وهذا اللذي بالمدح والطيب جادر=يستاهل التمجيد جمله وتفصيل عسى فداه من البشر كل غادر=يفدون كساب الثنا والتنافيل ومدام للمعروف والطيب كادر=ابو فهد رمز الوفا نادر الجيل |
رد: هات قصيدة في الدواسر من غير شعراء الدواسر
كان فيه شاعر من قبيلة قحطان يقال له ابن فتنان جار لمران الذلوق وهم في زمن الدوله السعوديه الثانيه ذا الرجل له وقت مع الذلوق وله معرفة مع المخاريم وحصل ان ضاعت عصاه منه واراد ان يتعلث عليهم بها وكماهي عادة الاولين يهابون الشاعر وخاصة اذا هو من الاجناب لانه بمثابة الاعلام في وقتنا الحاضر فأدعا ابن فتنان ان عصاته سرقت منه بدواعي التعلث فقال قصيده موجهه لمران الذلوق واسندها بالاخير علي امير المخاريم في سمره الهلقمي
ياراكب اللي ماشكـت مـن الرفوقـي=حــمــرا ولاكــــن الـقـطـايـف حـصـرهــا تـنـصـابـنــا مــــــران شـــيـــخ الــذلــوقــي=اهل الحزوم ومضيفة من حضرها خـشــيــرنــا بـــالــــزاد والـــلــــي نـــذوقــــي=ماتنحمس الطبخه وهو ماحضرهـا عصـاي الــل قــد خـذاهـا السـروقـي=ا لخايـب اللـي مـن عباتـي مسرههـا عـود جنيتـه مــن عــلاوي الغـروقـي=مـتـخــيــر قـطـاعــهــا مــــــن شــجــرهـــا فـــأن كـــان مـثــاروا فـريــق الـذلـوقــي=ولاتــــــــــــرا لاد الــمــنـــيـــعـــي بــــثــــرهـــــا فماكان من مران الذلوق الا ان عطاه سيفا وقهوه وكسوة اما الامير سمره الهلقمي فارسل له ذلولين محمله بزاد وتمر وامر ان يجمع له من كل شجره عصا وارسلوها له حيث انشد احد شعار المخاريم ردا عليه
يـاراكـب الـلـي بالمـمـاشـي سـبـوقـي=لالاالـرســن ركـابـهــا فــــي خـطـرهــا ركـابـهــا الــلــي عــــارف الـطـروقــي=وكـــل الـــدروب الـكـايـدات يـعـبـرهـا تلـفـي لـنــا راعـــي الـعـصـي تـلـوقـي=الـلـي متـخـيـر عـودهـامـن شـجـرهـا احلـف وعطـه الله يمـيـن صـدوقـي=ماتعرف اللي من عصاكم سرقها وعــطــه الــذلــول وفـوقـهــا مـايـلـوقـي=وعصيـهـا وخـروجـهـا فـــي ظـهـرهـا وقطفين منقوشات باحلي الرنوقي=والـــمـــعـــذره اذاقــــصـــــور قـــصـــرهـــا |
رد: هات قصيدة في الدواسر من غير شعراء الدواسر
هذه القصيده للشاعر مرزوق بن معتق المقاطي العتيبي قالها بمناسبة فزعة قبيلة الدواسر لعتق رقبة أحد أبنا عمومتهم بتأمين (25000000) مليون وموقف قبيلة الدواسر المشرف تجاه هذه القضيه . يقول مرزوق العتيبي./
شاقني فعل الدواسر مدلّهة الغريـب=لابـةٍ تاصـل على الكـايـدة بعزومـهـا صاح ابن عواد فيهم وعيّن له مجيـب=غاليٍ ذكره والارقاب غـالٍ سومهـا يوم جا ينقل صوابه من الدنيا صويب=والليال السود ترخي عليـه كمومهـا قايمٍ في الدم والدم موضـوعٍ صعيـب=ناشفٍ ريقه ونفسـه تزيـد همومهـا ماوراه إلا أملحٍ يبتر العظم الصليـب=والخصوم النايبة ما تحـن خصومهـا انتخى: يالابتي يا منزحـة الحريـب=وادركوا عشرين مليون ثانـي يومهـا موقفٍ غصاب يخلص طليبٍ من طليب=صدق ياطيب الدواسر وطيب سلومهـا يكتب التاريخ وتجف محبرة الاديـب=ولو تجف المحبـرة والقلـم مالومهـا والله لاني ولْد عمه ولاني لـه قريـب=مير وقفات النشامـا تجيـك علومهـا دون نقصٍ فالقبايـل بلاشـكٍ وريـب=القبايل ماحدن يقـدر يغـط سهومهـا كل قومٍ لهم فالمرجلة قسـم ونصيـب=وانا من قومٍ خيـار القسـوم قسومهـا رد الشاعر محمد بن باني المخاريم الدوسري عليه قائلاً/
شاقني ذيب على العـز طـوح بالقنيـب=وعتلى بالطيبـه فـي طويـل رجومهـا مايرافق للذياب الضـواري غيـر ذيـب=ايعشقهـا والامـور الصعـاب يرومهـا عشت يامرزوق لعـل شمسـك ماتغيـب=يالشجاع اللي بحـور الجـزال تعومهـا مادح(ن) قوم(ن) لصوت المنادي تستجيب=لازهـم زهامهـا مأهتنـت فـي نومهـا الدواسر لابتي لاحصل يوم(ن) عصيـب=مـن فعايلهـا تحقـق جميـع حلومـهـا اقبلو من كل فج(ن) كما السيـل الجذيـب=كـل قـوم(ن) قادهـا للوعد زيزومـهـا قالوا ابشر يابن عواد ظنّك ما يخيب=وارست جموعٍ بدا العز في قدومها قالوا انّا في لزومك نزيد الطيب طيب=اخذ شيكاتٍ وسجل بيدك رقومها وانقذو بأمر الله اللي على خلقـه رقيـب=نفس مسجون(ن) من السيف كان يهومهـا واستمع مااقول يا صاحب القلب اللبيب=العرب لولا التكاتف تبين ثلومها والبيوت ابلا عمدها مبانيها تعيب=والرجال ابلا ربع ما انقضى لزومها موقف(ن) من لا فزع به يصب إله السريب=والكرامـه مايـقـدم يــده لشحومـهـا ونثني في مدح قرم(ن) عسى حضه يطيب=والعوافـي جعـل ربـي عليـه يدومهـا ذاك مرزوق المقاطي نجيب(ن) من نجيب=والمراجل تستوي لـه وهـو شغمومهـا ربعه الهيلا عتيبـه تجـري مـن يهيـب=وصيتهم بالمجد حـول السمـا ونجومهـا والوفا من سلمهم دون شـك ودون ريـب=مـن كبـار السـن وتعلمـه مفطومهـا |
رد: هات قصيدة في الدواسر من غير شعراء الدواسر
هذه القصيده كتبها الشاعر حمدي بن سحمان العتيبي في رفيقٍ له وفي قبيلته من مواقفه الطيبه معه اللي هو / سلطان سعود الدوسري
بسم الله ابدا وابتدي وانظم من اجزال القصيد=واطرق من الهاجوس طرقٍ مغتني باجزالها ياهاجسي ماعاد فيها حيد ولاّ لاتحيد=فكره سرت للمفخره خلّك معي وابرالها خابرك عند اللازمه ماتنتقي غير الفريد=تصوغها صوغ الذهب للجيد ياسلسالها في مدح ابن مفوز عسى عمره على الطاعه مديد=الصاحب اللي مرتكي لخفافها واثقالها لاقلت سلطان السعد في ذمتي علمٍ جويد=مايرتخي في ماقفه والناس حسب اعمالها وابوه يعرف بالكرم ماصك بابه بالحديد=من سربةٍ تفري نحور المعتدين ابطالها لاصار مدح القوم واجب .. واجب اني فيه اجيد=اوتّد ابناها على الجزله واعد افعالها الآد زايد واقمحي يالهقوه اللي ماتفيد=لاثوّرت ثم قيل عان الخيل ياخيّالها تقدم على الموت الحمر ماهمّها الطلع النضيد=امّا تعيش بعزّةٍ ولاّ تموت اشوالها وسم العصا في سلمهم والعرف والراي السديد=والطيب محدٍ جاهله زاد الكرم باسبالها رجّالهم يسوى قبيله لاضوى علمٍ وكيد=زم الحمول الكايده فوق المتن واشتالها انا اشهد ان المدح فيهم صار عندي يوم عيد=فيها هلا يامسهلا والفٍ رحب واعنالها وكل القبايل بالفعل والمرجله تملك رصيد=عيبٍ علي اهضم حقوق اسودها واشبالها قلته وانا من لابةٍ دستورها علمٍ مجيد=اعتيبه الهيلا ليامن ثوّرت بارجالها |
رد: هات قصيدة في الدواسر من غير شعراء الدواسر
هذه قصيدة لشاعر / عبدالله بن سحمي بن شعيل الهاجري حصل بينه وبين ربعه دم وجلا مع الدواسر وزبن عند المخاريم وعين علوم طيبه وعين له رجال فضلوه علي انفسهم وهذه عوايد لاد المنيعي هل الطالات فغني له قصيده يقول فيها
عسي بدوة السفلي يجيها رزين خيال=قنيف مظاهيـر السويبـع يخربهـا مداهيل ربع تلطم الشـره والعيـال=لامن زبنهـم بايـق فـي قرايبهـا لاما زبنهم واحـد مغتشيـه ظـلال=دخل في لامان وقطعوا منه صايبها يازينهم مثناة جر الحمل لامنه سـال=بين بـدواة يـوم زانـة عجايبهـا لاد المنيعي مثل ورد حـداه الـلال=تجهل ظوي الحرب لاطفت لهايبهـا |
رد: هات قصيدة في الدواسر من غير شعراء الدواسر
هذه القصيده للشاعر:معدي بن جبهان ال عاطف القحطاني عندما زار
عبدالرحمن بن فالح بن قعيط ال عيسى المخاريم و كان القحطاني قد حدته بعض الظروف الصعبه و عندما وصل الى صديقه عبدالرحمن المخاريم و أخبره عن ظروفه أعطاه سياره جديده فحلف القحطاني بعدم اخذها فأعطاه بدلاً منها اربعين الف ريال،فقال هذه القصيده.
أنا مسني عسيرٍ شديدٍ و ظامني=ودين كثير و الزمان مهيل نصيت لي قرمٍ شجاع مجرب=تجمل وهو عاداته الجميل شهلر يوم جيته مثل حر نادر=بتراحيب وصحون عليها حيل و العود الأزرق والفواكه وغيرها=وضحكٍ وتبهلالٍ وهرجٍ دليل وجاب الفلوس اللي كثيرٍ عدها=و شليتها لا روزها ثقيل بغيت ارجع منها بعضها=قال:اخذها تفداك يا هبيل إلى أن قال
دواسرٍ كفوٍ قديم طيبهم=وشرحت أنا من طيبهم قليل فيهم سلاطين جزيل مداهم=مثل (القعيط) اللي عطاه جزيل والله ثم والله لو ان طعته=إني يعطيني من آخر المديل جيب جديدٍ من طراز الخمسه=ذي عملته لا بار كل عميل يفداه من يضحك ويمدح نفسه=و إن جا اللزوم يبهش المخيل و يفداه من يقعد بحق نسيبه=يفكر إن حق النسيب سهيل و يفداه صبيٍ ما يقدر خاله=ما يدري انه والده الاصيل و يفداه من يقعد بحق العاني=ليا جاه من جور المحول محيل و يفداه من يوذي على جيرانه=ما يدري ان الخاتمه رحيل |
رد: هات قصيدة في الدواسر من غير شعراء الدواسر
هذه القصيدة لشاعر : قمشان القحطاني رحمه الله في سعد بن عباس المساعره وكذلك في قبيلة الدواسر ياهل الجمس الحمر يارايحيني = من وطن تثليث يم الزايديه وصلو خطي عساكم سالميني = يم ابن عباس شوق الغشمريه طيبن من ساس ربع طيبيني = والظفر عاداتهم في كل هيه فعلهم لاصاح راع البل يبيني = يركد الماء لاعتزو بالمسعريه والتوو بطراف جرعات الحنيني = كل ذيبن للعشاء يدعي خويه سربت ابن قويد راع الريشتيني = كسبهم بالغصب ماجتهم هديه جارهم يامن وربعه خايفيني = ياسمون اله العصاء فالدوسريه ياسعد ياشوق وضاح الجبيني = ياربيع الضيف ياحام الرديه اشتكيلك ياسعد من حاجتيني = والله انها ياسعد مرت عليه لولت منها الوظايف ماتبيني = شوف عيني صار عذروبن عليه وراعي الدين المطوف مشتكيني = والحلال شوي والدنيا دنيه وانبغيت انوش ماطالت يديني = وقلت الحيله ولا لي مقدريه |
رد: هات قصيدة في الدواسر من غير شعراء الدواسر
وهذي قصيدة معيض بن زايد العصيمي العتيبي من المسحوب في رثا محمد بن عرفج من الهواشله وهو رجل كريم أمير على جماعته في الخرج.
ويقول معيض: مرحوم يل معطي جزال العطايا ياللي عن الضيفان ما صك بابه بان لعكفان الشوارب بنايا محمد ربيع اللي نزل والتجابه هيف السمين وكل كوما ثنايا كن الشحم عنده فرايس ذيابة من روس قوم ينطحون السرايا دون العشايريصعبون الحرابة أهدي على قبره سلامي هدايا اعداد ما خط القلم بالكتابة |
رد: هات قصيدة في الدواسر من غير شعراء الدواسر
أبيات ابن خديم
قال مضحي بن خديم بن غصن من الخضران من الوبارين من الفرجان من الصهبة سكان الشطبة والمقرن بالافلاج وهو فارس توفي منذ قرن يرحمه الله: نرعي من المقسم الى جو ساقان لامن غشا روس النوازي خضرها تنقض توالي جزوها صوب مروان لا طار من دق اللقايا وبرها تجعل على قطانة العد عكنان وتكسر حنايا حوضها من دجرها |
رد: هات قصيدة في الدواسر من غير شعراء الدواسر
قصيده لاحد شعراء قبيلة مطير
يمدح الدواسر في حفل قبيلة مطير لقبيلة الدواسر يـامـرحـبـا يـاهـل الـريـشــه ... يـمـتـيـهـة دهـم لدباشي دهمـن ليـاجـت قنـاطيشـه ... تسنه دهام اسود الناشي يمهـديـة راعـي الـطـيـشـه ... وسامـةُ فـي عصا الماشي ربعن على الطيب شويشه ... ذباحة الـحـيـل والحـاشـي واللـي قـلـيـلـه مـحـاوشيـه ... معهـم مكـرم ومـعـتـاشـي وان جـاء لـصـمــع تعطيشــه ... وجاء للغنادير لـولاشـي يسعـد منهـم جنـب جيشـه ... الاد زايــد مـتـنـهــــاشـي لـهـم افــاعـيـــل وحــيــشــه ... يحكيبهـا كـل طــراشـي |
رد: هات قصيدة في الدواسر من غير شعراء الدواسر
يـامـرحـبـا ياهـل الـريـشه
يـمـتـيـهـة دهـم لـدبـاشـي دهمـن ليـاجـت قنـاطيشـه تسنه دهام اسود الناشي يمهـديـة راعـي الـطـيـشـه وسامـةُ فـي عصا الماشي ربعن على الطيب شويشه ذباحـة الحـيـل والحـاشي واللـي قـلـيـلـه مـحـاوشيـه معهـم مـكــرم ومـعـتـاشـي وان جـاء لصمــع تعطيشــه وجـاء للـغنـــاديـر لـولاشـي يسعـد منهـم جنـب جيشـه الاد زايــد مــتـنـهــاشـــي لـهـم افاعـيـــل وحــيــشــه يحكيبــهــا كــل طــراشـي |
رد: هات قصيدة في الدواسر من غير شعراء الدواسر
اقتباس:
|
رد: هات قصيدة في الدواسر من غير شعراء الدواسر
مدح الشاعر الحربي للشاعر سعود الصخابره والدواسر
ســلام تسليـمـة وفــاء لـكــل مـوجــود وســلام يــاال عـــواد يـاهــل الاصـالــه صـخـابـره دواســــرآ ســيــف مــحــدود رجـالــهــم يـكــفــي لاونـــــه الـحــالــه تـايــخ مـجــدآ بـيــن الامـجــاد مــعــدود يرسـي كمـا تـرسـي رواســي جبـالـه ومرحوم يابو سعـود وتعيـش ياسعـود اتـعـيـش يــارمــز الــوفــاء والـشـكـالـه يــارعــي الـوقـفــات يـامـنـبـع الــجـــود مـثـلــت ربــعـــك بـالــكــرم والـجــزالــه شيخآ على درب الوفا يمشـي اسنـود يــامــا عــلــى درب الـمـراجــل بــدالــه يالدوسري عندي على هرجي اشهود يـاشـاعــرآ لاقــــال يــاوفـــي مـقــالــه قلتـه وانـا مــن حــرب وافـيـن الـوعـود حــرب اهــل الـطـلات فــي كــل حـالـه والله يـعــز الــديــن ويــعــز آل ســعــود والـحـاكــم ا لــلـــي مــانـــدور بــدالـــه وصــلاة ربــي عــد مـــا تـرعــد ارعـــود عـلـى رســول الـلـي ومــر بالـرسـالـه |
الساعة الآن 11:13 PM
 |
Powered by vBulletin® Copyright ©2000 - 2024, Jelsoft Enterprises Ltd.
---